عزت مآب نائب صدر جناب جگدیپ دھنکھڑنے آج وگیان بھون، نئی دہلی میں ماحولیات- 2025 پر نیشنل گرین ٹریبونل کی دو روزہ کانفرنس کے اختتامی اجلاس کی صدارت کی۔ اس سیشن میں سپریم کورٹ کے جج عزت مآب جسٹس پی ایس نرسمہا، عزت مآب جسٹس پرکاش شریواستو، چیئرپرسن، نیشنل گرین ٹریبونل، مسٹر تشار مہتا، سالیسٹر جنرل اور جناب تنمیہ کمار، سکریٹری، ماحولیات، جنگلات اور موسمیاتی تبدیلی کی وزارت سمیت کئی معززین موجود تھے۔

Hon’ble Vice-President, Shri Jagdeep Dhankhar addressed the valedictory session of National Conference on Environment- 2025 at Vigyan Bhawan in New Delhi today. #NGT #Environment @moefcc pic.twitter.com/ImH8sbzLqm

— Vice-President of India (@VPIndia) March 30, 2025

اختتامی اجلاس سے خطاب کرتے ہوئے نائب صدر جگدیپ دھنکھڑنے کہا کہ نہ تو یہ صرف ہمارا سیارہ ہے اور نہ ہی ہم اس کے مالک ہیں۔ انہوں نے اس بات پر زور دیا کہ ترقی یافتہ ممالک کو ماحولیاتی سوچ میں سیاسی حدود سے اوپر اٹھنا چاہیے اور فطرت کے ساتھ ہم آہنگی میں رہنے اور ماحولیات کے تحفظ کے لیے اجتماعی عزم پر زور دیا۔

(تفصیلی پریس یلیز  کو           https://pib.gov.in/PressReleseDetail.aspx?PRID=2116844®=3&lang=1   دیکھا جاسکتا ہے)

دوسرے دن کی کارروائی کا تکنیکی سیشن- III  ‘جنگل اور حیاتیاتی تنوع کے تحفظ’ پر شروع ہوئی، جس کی صدارت مدھیہ پردیش ہائی کورٹ کے جج جسٹس آنند پاٹھک نے کی۔ ماہرین اور پالیسی سازوں نے جنگلات اور حیاتیاتی تنوع پر انسانی مداخلت کے اثرات پر تبادلہ خیال کیا اور تحفظ کے لیے درکار قانونی اور پالیسی فریم ورک پر روشنی ڈالی۔ جسٹس آنند پاٹھک نے کہا کہ یہ ہر شہری کا فرض ہے کہ وہ صحیح مقامات پر صحیح درخت لگا کر ماحولیات کو فروغ دیں۔ انہوں نے متعدد خیالات پیش کیے جن میں چھوٹے جرمانے کو درخت لگانے کے اقدامات میں تبدیل کرنا، کارپوریٹ آب و ہوا کی ذمہ داری، نیشنل کاربن کریڈٹ بینک کی تشکیل اور حیاتیاتی تنوع کے تحفظ کے لیے ایک خودمختار فنڈ قائم کرنا شامل ہے۔ انہوں نے کہا کہ انسانی حقوق سے کرۂ ارض کے حقوق کی طرف بڑھنا اور ماحولیاتی ذمہ داری کے خیال کو فروغ دینا وقت کی اہم ضرورت ہے۔

تکنیکی سیشن- IV کا عنوان ‘مظاہر اور کلیدی نتائج’ تھا جس میں دو دنوں کے دوران تکنیکی سیشنز میں ہونے والی بات چیت کا جامع جائزہ لیا گیا۔ اس کا اہتمام سپریم کورٹ کے جج عزت مآب جسٹس پی ایس نرسمہا نے کیا تھا۔ جسٹس نرسمہا کی صدارت میں اوراین جی ٹی کے جوڈیشل ممبر، عزت مآب جسٹس ارون کمار تیاگی کی شریک صدارت میں سیشن نے اہم ماحولیاتی خدشات کا خلاصہ کیا اور قانونی اور پالیسی پیش رفت کے لیے ایک روڈ میپ تجویز کیا۔ جسٹس پی ایس نرسمہا نے پالیسیوں کے موثر نفاذ اور عمل آوری پر زور دیا۔ انہوں نے ادارہ جاتی سالمیت پر توجہ مرکوز کرتے ہوئے زمینی سطح پر مؤثر طریقے سے کام کرنے کے لیے ریگولیٹری اداروں کو مضبوط اور بااختیار بنانے کی تجویز پیش کی۔

اس تقریب میں یونیورسٹیوں اور طلباء کو ماحولیاتی تحفظ اور پائیدار طریقوں میں ان کی شاندار شراکت کے لیے اعزاز سے نوازا گیا۔ اس اقدام کا مقصد نوجوانوں کو صاف ستھرا اور سرسبز مستقبل کو یقینی بنانے کے لیے اپنی کوششیں جاری رکھنے کی ترغیب دینا تھا۔

سیشن کا ایک اہم لمحہ این جی ٹی کی یادگار کتاب ‘وائس آف نیچر’کا اجراء تھا، جس میں این جی ٹی کی تاریخ، سرگرمیوں اور کامیابیوں پر روشنی ڈالی گئی ہے۔

نائب صدر نے این جی ٹی ای جرنل کا بھی اجرا کیا جس میں این جی ٹی کے قابل ذکر کیسز شامل  ہیں۔

*******

ش ح- ظ ا-ف ر

Urdu No.9930

(Release ID: 2122031) Visitor Counter : 19