افریقہ انڈیا کی میری ٹائم انگیجمنٹ(اے آئی کے ای وائی ایم ای)- 2025 کا افتتاح 13 اپریل 25 کو دارالسلام، تنزانیہ میں ہوا، جو ہندوستان اور افریقی ممالک کے درمیان بحری تعاون کو مضبوط بنانے میں ایک اہم قدم ہے۔ تقریب میں تنزانیہ کے وزیر دفاع اور قومی خدمات کے وزیر ڈاکٹر اسٹرگومینا لارنس ٹیکس،  ہندوستان کی وزارت دفاع کے وزیر مملکت (آر آر ایم) اور چیف آف دی نیول اسٹاف ایڈمرل دنیش کے ترپاٹھی کی موجودگی میں تقریب کی رونق بڑھی۔ اس تقریب میں تنزانیہ پیپلز ڈیفنس فورس (ٹی پی ڈی ایف) کے چیف آف ڈیفنس فورس سمیت ممتاز فوجی رہنماؤں کی بھی شرکت دیکھی گئی۔

تنزانیہ کے وزیر دفاع ڈاکٹر اسٹرگومینا لارنس ٹیکس نے مشق کا افتتاح کرتے ہوئے بحری قزاقی اور اسمگلنگ جیسے سمندری خطرات سے نمٹنے کے لیے "ساتھ چلنے کی اہمیت" پر زور دیا۔ انہوں نے "ہم خیال شراکت داروں کی طرف سے میری ٹائم سکیورٹی کے لیے مشترکہ کوشش" پر زور دیا اور "بحری سلامتی کے پائیدار فریم ورک، بشمول جدت اور معلومات کے تبادلے" کی تعمیر کے مقصد کو اجاگر کیا۔ انہوں نے مستقبل میں اے آئی کے ای وائی ایم ای ایڈیشنز کی میزبانی کے لیے تنزانیہ کے عزم اور فوجی امور سے ہٹ کر "باہمی علاقائی تعاون" پر ان کی وسیع یقین دہانی کی بھی تصدیق کی۔

اپنے خطاب میں آر آر ایم  جناب سنجے سیٹھ نے افریقی کہاوت کا حوالہ دیتے ہوئے تعاون کے جذبے پر زور دیا، "اگر آپ تیزی سے جانا چاہتے ہیں، تو اکیلے جائیں، اگر آپ بہت دور جانا چاہتے ہیں تو ساتھ چلیں"۔ انہوں نے "زندگی بھر کی شراکت داری" کے لیے امید کا اظہار کیا، اور ہندوستان کے سمندری ویژن باہمی اور مجموعی ترقی برائے سلامتی اور تمام خطوں میں ترقی (ایم اے ایچ اے ایس اے جی اے آر-مہاساگر) پر زور دیا اور ہندوستان کے ساتھ مل کر اے آئی کے ای وائی ایم ای - 25 کی میزبانی کے لیے تنزانیہ کا شکریہ ادا کیا۔

اے آئی کے ای وائی ایم ای کے لیے ہندوستانی بحریہ کی نمائندگی آئی این ایس چنئی اور آئی این ایس کیسری کرتی ہے۔ افتتاحی تقریب میں بحر ہند کا جہاز ساگر بھی موجود تھا۔ مہمان خصوصی نے آئی او ایس ساگر کے دوستانہ غیر ملکی ممالک (ایف ایف سی) کے کثیر القومی عملے کے ساتھ بات چیت کی۔

اے آئی کے ای وائی ایم ای- 25، جس کا مطلب سنسکرت میں 'اتحاد' ہے، ہندوستان اور تنزانیہ کے ساتھ ساتھ کوموروس، جبوتی، کینیا، مڈغاسکر، ماریشس، موزمبیق، سیشلز اور جنوبی افریقہ کی شرکت کے ساتھ چھ دنوں میں منعقد کیا جائے گا۔ مشق میں بندرگاہ کا مرحلہ شامل ہوگا جس میں مشترکہ تربیت اور مشقیں بحری قزاقی اور معلومات کے تبادلے پر مرکوز ہوں گی، اس کے بعد سمندری حفاظتی تعاون کو بڑھانے کے لیے سمندری مرحلہ ہوگا۔ اس اقدام کا مقصد علاقائی سمندری چیلنجوں کے لیے باہمی تعاون کے ساتھ حل تیار کرنا، باہمی تعاون کو  فروغ دینا  اور ہندوستان اور افریقی ممالک کے درمیان دوستانہ تعلقات کو مضبوط بنانا شامل ہے۔

*******

ش ح- ظ ا- ف ر

UR No. 9861

 

(Release ID: 2121528) Visitor Counter : 10