11 اپریل، 2025 کو رات گئے ایک اہم کارروائی میں، ڈائریکٹوریٹ آف ریونیو انٹیلی جنس (ڈی آر آئی) نے آئیزول  کے مضافات میں ایک 12 پہیوں والے ٹرک کو روکا اور 52.67 کلوگرام میتھم فیٹامائن  گولیاں ضبط کیں، جن کی مالیت بین الاقوامی منشیات کی منڈی میں 52.67 کروڑ روپے کے بقدر ہے۔

اس آپریشن میں اسمگل کی گئ منشیات کو چھپانے اور منتقل کرنے کے ایک نئے طریقے کا پردہ فاش ہوا - 53 باریک بینی سے بھرے، اینٹوں کے سائز کے پیکٹ ٹرک کے ترپال کے کور  کے اندر چھپائے گئے تھے۔

 

 

پیکٹوں پر ہیرے کی علامتوں کے ساتھ ساتھ "3030 صرف ایکسپورٹ" اور "999" جیسی تحریریں تھیں اور اس میں نارنگی  گلابی گولیاں تھیں۔ این ڈی پی ایس فیلڈ ٹیسٹ کٹ کا استعمال کرتے ہوئے کئے گئے ٹیسٹوں نے اس بات کی تصدیق کی کہ گولیوں میں میتھم فیٹامائن     موجود تھی۔

 

 

یہ ٹرک، ناگالینڈ میں رجسٹرڈ ہے، جو بھارت-میانمار سرحد کے قریب ایک حساس سرحدی شہر زوکھاوتھر سے نکلا تھا اور تریپورہ کی طرف جا رہا تھا۔ ڈی آرآئی نے میزورم سے نکلنے سے پہلے گاڑی کو روک لیا۔ قابل ذکر بات یہ ہے کہ اس وقت ٹرک میں کوئی اعلان شدہ سامان نہیں تھا۔ اس سے پہلے، اس نے زوکھاوتھر جانے سے پہلے میگھالیہ سے چمفائی تک سیمنٹ پہنچایا تھا، جہاں ممنوعہ سامان لوڈ کیا گیا تھا۔

ٹرک کے ڈرائیور اور اس کے اسسٹنٹ کو نارکوٹک ڈرگس اینڈ سائیکو ٹراپک سبسٹینسز  (این ڈی پی ایس) ایکٹ 1985 کے تحت گرفتار کیا گیا تھا۔ ابتدائی تحقیقات سے پتہ چلتا ہے کہ یہ منشیات میانمار سے زوخاوتھر سیکٹر کے راستے میزورم میں اسمگل کی گئی تھیں۔

ڈی  آر آئی نے شمال مشرقی علاقے میں جنوری 2025 سے لے کر آج تک 148.50 کلو گرام میتھم فیٹامائن  گولیاں ضبط کی ہیں، جس سے  منشیات کی اسمگلنگ سے نمٹنے کے لیے اس کے   غیر متزلزل عزم کا اظہار ہوتا ہے۔

 

**********

 (ش ح –ا ب ن)

U.No:9860

(Release ID: 2121428) Visitor Counter : 24