ਭਾਰਤ ਸਰਕਾਰ 1950 ਤੋਂ ਵਿਗਿਆਨਕ ਨਮੂਨਾ ਵਿਧੀਆਂ ਦੀ ਵਰਤੋਂ ਕਰਦੇ ਹੋਏ ਵੱਖ-ਵੱਖ ਸਮਾਜਿਕ-ਆਰਥਿਕ ਸੂਚਕਾਂ 'ਤੇ ਡੇਟਾ ਇਕੱਠਾ ਕਰਨ ਲਈ ਰਾਸ਼ਟਰੀ ਅੰਕੜਾ ਦਫਤਰ ਸਰਵੇਖਣ ਕਰ ਰਿਹਾ ਹੈ। 1 ਜਨਵਰੀ 2025 ਤੋਂ ਸ਼ੁਰੂ ਹੋਣ ਵਾਲਾ NSS ਦੇ ਅੱਸੀਵੇਂ ਦੌਰ (80ਵਾਂ) ਸਿਹਤ 'ਤੇ ਡੇਟਾ ਇਕੱਠਾ ਕਰਨ ਅਤੇ ਸਿਹਤ ਅਤੇ ਦੂਰਸੰਚਾਰ/ਸਿਖਿਆ ਨਾਲ ਸਬੰਧਤ ਸੂਚਕਾਂ 'ਤੇ ਜਾਣਕਾਰੀ ਇਕੱਠੀ ਕਰਨ ਲਈ 'ਵਿਆਪਕ ਮਾਡਯੂਲਰ ਸਰਵੇਖਣ' ਲਈ ਰੱਖਿਆ ਗਿਆ ਹੈ।

'ਘਰੇਲੂ ਸਮਾਜਿਕ ਖਪਤ ਸਿਹਤ' 'ਤੇ ਸਰਵੇਖਣ ਸਮਾਜਿਕ-ਆਰਥਿਕ ਸੂਚਕਾਂ ਬਾਰੇ ਜਾਣਕਾਰੀ ਦੀ ਉਭਰਦੀ ਲੋੜ ਨੂੰ ਪੂਰਾ ਕਰਨ ਲਈ ਪੇਸ਼ ਕੀਤਾ ਗਿਆ ਹੈ। ਇਹ ਸਰਵੇਖਣ ਦੇਸ਼ ਦੇ ਵੱਖ-ਵੱਖ ਖੇਤਰਾਂ ਵਿੱਚ ਵੱਖ-ਵੱਖ ਉਮਰ ਸਮੂਹਾਂ ਵਿੱਚ ਬਿਮਾਰੀ ਦੀ ਪ੍ਰਚਲਨ ਦਰ ਅਤੇ ਜਨਤਕ ਅਤੇ ਨਿੱਜੀ ਮੈਡੀਕਲ ਖੇਤਰ ਤੋਂ ਪ੍ਰਾਪਤ ਇਲਾਜ 'ਤੇ ਹੋਏ ਖਰਚੇ ਨੂੰ ਨਿਰਧਾਰਤ ਕਰਨ ਵਿੱਚ ਸਾਡੀ ਮਦਦ ਕਰੇਗਾ, ਜਿਸ ਵਿੱਚ 'ਜੇਬ ਵਿੱਚੋਂ ਖਰਚ' 'ਤੇ ਵਿਸ਼ੇਸ਼ ਜ਼ੋਰ ਦਿੱਤਾ ਜਾਵੇਗਾ, ਇਹ ਸਭ ਸਰਵੇਖਣ ਦੁਆਰਾ ਜਾਂਚਿਆ ਜਾਵੇਗਾ। ਸਰਵੇਖਣ ਵਿੱਚ ਇਕੱਤਰ ਕੀਤੇ ਗਏ ਡੇਟਾ ਕੁਝ ਵਿਆਪਕ ਸੰਚਾਰੀ ਬਿਮਾਰੀਆਂ ਤੋਂ ਪ੍ਰਭਾਵਿਤ ਆਬਾਦੀ ਦਾ ਮੁਲਾਂਕਣ ਕਰਨ ਦੇ ਯੋਗ ਵੀ ਹੋਣਗੇ।

ਸਿੱਖਿਆ 'ਤੇ ਵਿਆਪਕ ਮਾਡਯੂਲਰ ਸਰਵੇਖਣ (CMS) ਦਾ ਉਦੇਸ਼ ਸਿੱਖਿਆ ਨਾਲ ਸਬੰਧਤ ਸੂਚਕਾਂ ਬਾਰੇ ਜਾਣਕਾਰੀ ਇਕੱਠੀ ਕਰਨਾ ਅਤੇ ਪ੍ਰਦਾਨ ਕਰਨਾ ਹੈ। ਇਕੱਠੇ ਕੀਤੇ ਗਏ ਡੇਟਾ ਦੀ ਵਰਤੋਂ ਸਬੰਧਤ ਮੰਤਰਾਲਿਆਂ/ਵਿਭਾਗਾਂ ਦੁਆਰਾ ਗਲੋਬਲ ਸੂਚਕਾਂਕ ਦੀ ਰਿਪੋਰਟਿੰਗ ਲਈ ਵੀ ਕੀਤੀ ਜਾਵੇਗੀ।

ਸਰਵੇਖਣ ਦੇ ਵੱਖ-ਵੱਖ ਪਹਿਲੂਆਂ 'ਤੇ ਚਰਚਾ ਕਰਨ ਲਈ, ਰਾਸ਼ਟਰੀ ਅੰਕੜਾ ਦਫ਼ਤਰ (NSO), ਅੰਕੜਾ ਅਤੇ ਕਾਰਜ ਅਮਲ  ਮੰਤਰਾਲੇ ਦੇ ਅਧਿਕਾਰੀਆਂ ਲਈ ਇੱਕ ਦੋ-ਰੋਜ਼ਾ ਕਾਨਫਰੰਸ, ਜੋ ਕਿ ਪੰਜਾਬ ਉੱਤਰੀ ਖੇਤਰ ਵਿੱਚ ਸਰਵੇਖਣ ਕਰਨਗੇ, 08 ਅਪ੍ਰੈਲ, 2025 ਤੋਂ ਰਾਸ਼ਟਰੀ ਅੰਕੜਾ ਦਫ਼ਤਰ, ਖੇਤਰੀ ਦਫ਼ਤਰ ਜਲੰਧਰ ਵਿਖੇ ਆਯੋਜਿਤ ਕੀਤੀ ਜਾ ਰਹੀ ਹੈ  ਇਸ ਕਾਨਫਰੰਸ ਦਾ ਉਦਘਾਟਨ NSO ਦੇ ਫੀਲਡ ਓਪਰੇਸ਼ਨ ਡਿਵੀਜ਼ਨ (FOD) ਦੇ ਪੰਜਾਬ (ਉੱਤਰੀ) ਦੇ ਸੰਯੁਕਤ ਨਿਰਦੇਸ਼ਕ ਅਤੇ ਖੇਤਰੀ ਮੁਖੀ ਸ਼੍ਰੀਮਤੀ ਪੱਲਵੀ ਅਗਰਵਾਲ ਸ਼੍ਰੀਵਾਸਤਵਾ, ਡਿਪਟੀ ਡਾਇਰੈਕਟਰ NSO ਖੇਤਰੀ ਦਫ਼ਤਰ ਜਲੰਧਰ ਸ਼੍ਰੀ ਹਰਬਿਲਾਸ, NSO SRO ਅੰਮ੍ਰਿਤਸਰ ਵਿਖੇ ਸਹਾਇਕ ਨਿਦੇਸ਼ਕ ਮੈਡਮ ਹਰਸ਼ਾ ਚੱਢਾ, NSO SRO ਹੁਸ਼ਿਆਰਪੁਰ ਵਿਖੇ ਸਹਾਇਕ ਨਿਦੇਸ਼ਕ ਸ਼੍ਰੀ ਗੁਰਪ੍ਰੀਤ ਸਿੰਘ ਦੀ ਮੌਜੂਦਗੀ ਵਿੱਚ ਕਰਨਗੇ।

***************

 

ਹਰਬਿਲਾਸ

ਉਪ ਨਿਦੇਸ਼ਕ

ਰਾਸ਼ਟਰੀ ਅੰਕੜਾ ਦਫ਼ਤਰ

ਜਲੰਧਰ

(Release ID: 2120282)