مسابقتی کمیشن آف انڈیا نے سنلام ایمرجنگ مارکیٹ (ماریشس) لمیٹڈ اور شری رام کریڈٹ کمپنی لمیٹڈ کے ذریعہ شری رام ایسٹ مینجمنٹ کمپنی لمیٹڈ کے حصص کے مجوزہ حصول کو منظوری دے دی ہے۔

مجوزہ حصول شری رام ایسٹ مینجمنٹ کمپنی لمیٹڈ (ایس اے ایم سی) کے ایکویٹی حصص کی رکنیت سے متعلق ہے جو ایس اے ایم سی کے 23 فیصد توسیع شدہ ووٹنگ حصص کیپٹل پر مشتمل ہے۔ یہ حصول الاٹمنٹ کے ذریعے سنلام ایمرجنگ مارکیٹ (ماریشس) لمیٹڈ (ایس ای ایم ایم) کے ذریعے کیا جائے گا۔ اس کے علاوہ ایس ای ایم ایم  کے ذریعے شری رام کریڈٹ کمپنی لمیٹڈ (ایس سی سی ایل) کے ساتھ کھلی پیشکش کے ذریعے عوام سے 26 فیصد تک شیئر کا حصول کیا جائے گا جیسا کہ سیکورٹیز اینڈ ایکسچینج بورڈ آف انڈیا (حصص کا کافی حصول اور ٹیک اوور) ریگولیشن، 2011 کے سیکشن 3 کے تحت مطلوب ہے۔

ماریشس میں شامل ایس ای ایم ایم کا تعلق سنلام گروپ، جنوبی افریقہ سے ہے۔ ایس ای ایم ایم شری رام گروپ کا موجودہ اسٹریٹجک پارٹنر ہے۔ اس کے پاس شری رام کیپیٹل پرائیویٹ لمیٹڈ میں 40.70 فیصد حصص ہے جو ایس اے ایم سی کی حتمی ہولڈنگ کمپنی ہے۔

ایس سی سی ایل جو شری رام گروپ کا بھی ایک حصہ ہے، شری رام انویسٹمنٹ ہولڈنگ پرائیویٹ لمیٹڈ کا ذیلی ادارہ ہے اور اس وقت ایس اے ایم سی کا پروموٹر اور اسپانسر ہے۔

ایس اے ایم سی بھی شری رام گروپ کا ایک حصہ ہے اور اثاثہ جات کے انتظام کے کاروبار میں مصروف ہے اور سیکورٹیز اینڈ ایکسچینج بورڈ آف انڈیا (ایس ای بی آئی) کے ساتھ رجسٹرڈ ہے۔ ایس اے ایم سی نے ایس ای بی آئی سے پورٹ فولیو مینجمنٹ سروسز کے لیے لائسنس بھی حاصل کیا ہے، حالانکہ ایس اے ایم سی نے آج تک پی ایم ایس کاروبار شروع نہیں کیا ہے۔

کمیشن کا تفصیلی حکم بعد میں جاری کیا جائے گا۔

********

 

ش ح۔ ف ش ع

U: 9699

(Release ID: 2120256)