بھارت کی نیوی کے مشن پر تعینات اسٹیلتھ فریگیٹ آئی این ایس تری کند، جو مرکزی بحیرۂ عرب میں گشت پر ہے، نے ایک پاکستانی ماہی گیری کشتی کے عملے کو فوری طور پر اہم طبی امداد فراہم کی۔ یہ کشتی عمان کے ساحل سے تقریباً 350 ناٹیکل میل مشرق میں کام کر رہی تھی، اور اس کے عملے کے ایک رکن کو شدید چوٹیں آئی تھیں، جن میں کئی ہڈیوں کا ٹوٹنا اور خون کا بہت زیادہ بہاؤ شامل تھا۔

4 اپریل 2025 کی صبح، آئی این ایس تری کند نے ایرانی کشتی العمیدی سے ایک ہنگامی پیغام موصول کیا۔ مزید تحقیقات پر پتہ چلا کہ اس کشتی کے عملے کے ایک رکن کو انجن پر کام کرتے ہوئے انگلیوں پر شدید چوٹیں آئی تھیں اور اس کی حالت نازک تھی۔ زخمی شخص کو بعد ازاں ایک اور کشتی ایف وی عبدالرحمٰن ہنزیا پر منتقل کیا گیا تھا، جو ایران کی جانب روانہ تھی۔

تری کند نے فوری طور پر اپنا راستہ تبدیل کیا تاکہ زخمی کو طبی امداد دی جا سکے۔ ایف وی عبدالرحمٰن ہنزیا کے عملے میں 11 پاکستانی (09 بلوچ اور 02 سندھی) اور 05 ایرانی شامل تھے۔ زخمی شخص، جو ایک پاکستانی (بلوچ) شہری تھا، کو ہاتھ میں شدید زخم، ہڈیوں کے ٹوٹنے اور خون کے بہاؤ کی شکایت تھی۔

آئی این ایس تری کند کے میڈیکل آفیسر نے مارکوس (میرین کمانڈوز) اور جہاز کی بورڈنگ ٹیم کے ساتھ کشتی پر سوار ہو کر طبی امداد فراہم کی۔ زخمی انگلیوں کو مقامی اینستھیزیا دے کر سلا گیا  اور اسپلنٹ لگائی گئی۔ یہ طبی عمل، جو تین گھنٹے سے زائد جاری رہا، کامیابی سے مکمل ہوا اور خون کے بہاؤ کو وقت پر روک دیا گیا، جس کی وجہ سے انگلیوں کو ممکنہ طور پر گینگرین سے بچا لیا گیا۔

اس کے علاوہ، کشتی کو طبی سامان، بشمول اینٹی بایوٹکس، بھی فراہم کیا گیا تاکہ عملہ ایران پہنچنے تک محفوظ رہے۔ کشتی کے تمام عملے نے بروقت مدد فراہم کرنے پر بھارتی بحریہ کا دل سے شکریہ ادا کیا، جس سے ان کے ساتھی کی جان بچائی جا سکی۔

******

ش ح۔ ش ا ر۔ ول

Uno-9603