وزارت دفاع
azadi ka amrit mahotsav

ڈی آر ڈی او اور ہندوستانی فوج نے درمیانے فاصلے تک زمین سے فضا میں مار کرنے والے میزائل کے آرمی ورژن کے چار کامیاب فضائی ٹیسٹ کیے

Posted On: 04 APR 2025 5:43PM by PIB Delhi

دفاعی ریسرچ اور ترقّی کی تنظیم (ڈی آر ڈی او) اور ہندوستانی فوج نے 03 اور 04 اپریل 2025 کو اڈیشہ کے ساحل پر ڈاکٹر اے پی جے عبدالکلام جزیرے سے درمیانہ فاصلے کے زمیں سے فضا میں مار کرنے والے میزائل (ایم آر ایس اے ایم) کے فوجی ورژن کے چار کامیاب فضائی ٹیسٹ کئے۔ میزائلوں نے فضائی اہداف کو روکا اور براہ راست نشانہ بناتے ہوئے انہیں تباہ کردیا۔ عملیاتی صلاحیت کو ثابت کرتے ہوئے طویل فاصلے، مختصر فاصلے، زیادہ اونچائی اور کم اونچائی پر چار اہداف کو روکنے کے لیے مشقیں کی گئیں۔

https://static.pib.gov.in/WriteReadData/userfiles/image/PIC1(8)RI9Q.jpg

فضائی ٹیسٹ ہتھیاروں کے سسٹم کے ساتھ آپریشنل حالت میں کیے گئے۔ مربوط ٹیسٹ کی حدود، چاندی پور کی طرف سے تعینات ریڈارز اور الیکٹرو آپٹیکل ٹریکنگ سسٹم جیسے رینج کے آلات کے ذریعے حاصل کیے گئے فلائٹ ڈیٹا کے ذریعے ہتھیاروں کے سسٹم کی کارکردگی کی توثیق کی گئی۔ پرواز کے ٹیسٹ ڈی آر ڈی او اور ہندوستانی فوج کے سینئر عہدیداروں کی موجودگی میں کئے گئے۔

ڈی آر ڈی او کی رہنمائی میں مشرقی اور جنوبی کمان سے ہندوستانی فوج نے یہ تجربہ کیا۔ ان آزمائشوں نے دونوں آرمی کمانڈز کی آپریشنل صلاحیت کو ثابت کیا ہے اور دو رجمنٹوں میں ہتھیاروں کے نظام کو چلانے کی راہ ہموار کی ہے۔

ایم آر ایس اے ایم ہندوستانی فوج کے استعمال کے لیے ڈی آر ڈی او اور اسرائیل ایرو اسپیس انڈسٹریز نے مشترکہ طور پر تیار کیا ہے۔ ایم آر ایس اے ایم آرمی ویپن سسٹم ملٹی فنکشن ریڈار، کمانڈ پوسٹ، موبائل لانچر سسٹم اور دیگر گاڑیوں پر مشتمل ہے۔

وزیرِ دفاع راج ناتھ سنگھ نے کامیاب فضائی ٹیسٹ کے لیے ڈی آر ڈی او، ہندوستانی فوج اور صنعتوں کو مبارکباد دی ہے۔ انہوں نے کہا کہ چار کامیاب تجربات نے اہم رینجز پر اہداف کو روکنے میں ہتھیاروں کے نظام کی صلاحیت کو دوبارہ قائم کر دیا ہے۔

سکریٹری، محکمہ دفاع آر اینڈ ڈی اور چیئرمین ڈی آر ڈی او ڈاکٹر سمیر وی کامت نے کامیاب فضائی تجربے میں شامل ٹیموں کی تعریف کی اور اسے ہندوستانی فوج کی آپریشنل صلاحیت کو بڑھانے کے لیے اہم سنگ میل قرار دیا۔

************

ش ح ۔   م  د ۔  م  ص

 (U :9554  )


(Release ID: 2119054) Visitor Counter : 30


Read this release in: English , Hindi , Tamil