وزارت آیوش "آیوش کے بین الاقوامی تعاون کو فروغ دینے کے لیے مرکزی اسکیم" پر عمل درآمد کر رہی ہے۔ اس سکیم کے تحت وزارت ہندوستانی آیوش دوا سازوں/آیوش خدمات فراہم کرنے والوں کو آیوش مصنوعات اور خدمات کے برآمدات کو فروغ دینے کے لیے مدد فراہم کرتی ہے؛ آیوش کے طبی نظاموں کی بین الاقوامی سطح پر فروغ، ترقی اور شناخت میں سہولت فراہم کرتی ہے؛ شراکت داروں کے باہمی تعلقات کو فروغ دیتی ہے اور عالمی سطح پر آیوش کے بازار کی ترقی میں معاونت کرتی ہے؛ غیر ملکی ممالک میں آیوش اکادمک چیئرز کے قیام اور آیوش طبی نظاموں بشمول یوگا کے بارے میں عالمی سطح پر بیداری اور دلچسپی بڑھانے کے لیے تربیتی ورکشاپ/سمپوزیمز کا انعقاد کرتی ہے۔ وزارت آیوش نے عالمی سطح پر روایتی بھارتی طب کے نظام کو فروغ دینے اور مستحکم کرنے کے لیے 24 ملک بہ ملک سطح پر مفاہمت ناموں (ایم او یوز) اور 51 ادارہ بہ ادارہ سطح پر مفاہمت ناموں  پر دستخط کیے ہیں۔

وزیراعظم کی پہل پر اقوام متحدہ کی جنرل اسمبلی نے 2014 میں 21 جون کو عالمی یوگا دن کے طور پر منانے کا تاریخی فیصلہ کیا۔ اب تک عالمی یوگا دن کے فروغ کے لیے تقریباً 161 کروڑ روپے خرچ کیے گئے ہیں۔ آئی ڈی وائی ہر سال کامیابی کے ساتھ منایا گیا، جو دنیا بھر میں یوگا کا پیغام پھیلانے میں معاون رہا ہے۔ یہ بھی مشاہدہ کیا گیا ہے کہ ہر سال مختلف پس منظر سے تعلق رکھنے والے مزید لوگ آئی ڈی وائی کی تقریبات میں شریک ہو رہے ہیں۔

نیشنل کریکولم فریم ورک (این سی ایف) نے صحت اور جسمانی تعلیم کو یوگا کا لازمی حصہ قرار دیا ہے۔ صحت اور جسمانی تعلیم پہلی سے دسویں جماعت تک ایک لازمی مضمون ہے اور گیارہویں اور بارہویں جماعت میں اختیاری ہے۔ تعلیمی تحقیق اور تربیت کی نیشنل کونسل (این سی ای آر ٹی) نے پہلے ہی کلاس اول سے دسویں تک صحت اور جسمانی تعلیم پر مربوط نصاب تیار کیا ہے۔ یہ نصاب این سی ای آر ٹی کی ویب سائٹ www.ncert.nic.in پر دستیاب ہے۔ مزید یہ کہ این سی ای آر ٹی نے 8 سے 18 سال کی عمر کے بچوں کے لیے اسکولوں میں یوگا متعارف کرانے کے لیے دو ماڈیولز اور کتابیں تیار کی ہیں۔

وزارت آیوش کے تحت یوگا سرٹیفیکیشن بورڈ (وائی سی بی) یوگا پیشہ وروں کی سرٹیفیکیشن اور اداروں کی منظوری فراہم کرتا ہے، مختلف سطحوں کے یوگا ٹرینرز کے لیے نصاب متعین کرتا ہے اور یوگا کو فروغ دینے کے لیے ضروری سمجھا جانے والا کوئی بھی ایسا عمل انجام دیتا ہے۔ وائی سی بی کا مقصد یوگا کے عمل میں معیار اور سطح لانا اور کلاسیکی یوگا کو ایک کیریئر کی مہارت کے طور پر فروغ دینا ہے۔

یہ معلومات آج لوک سبھا میں یونین وزیر مملکت (آئی/سی) برائے آیوش، جناب پرتاپ راؤ جادھو نے ایک تحریری جواب میں دیں۔

************

ش ح ۔   م  د ۔  م  ص

 (U :  9551)

(Release ID: 2119046) Visitor Counter : 16