زراعت اور کسانوں کی بہبود کے وزیر مملکت جناب رام ناتھ ٹھاکر نے آج راجیہ سبھا میں ایک تحریری جواب میں بتایا کہ زرعی میکانائزیشن سے متعلق ذیلی مشن (ایس ایم اے ایم)، جو کہ راشٹریہ کرشی وکاس یوجنا (آر کے وی وائی) کے مرکزی امداد یافتہ اجزاء میں سے ایک ہے، ریاستی حکومتوں کے ذریعے نافذ کیا جاتا ہے۔ ایس ایم اے ایم کے تحت، کسانوں کو مختلف زرعی مشینوں اور سازوسامان کی خریداری کے لیے مالی مدد فراہم کی جاتی ہے جس میں انفرادی ملکیت کی بنیاد پر فصلوں کی کٹائی اور اس کے  بعد پروسیسنگ ٹیکنالوجیز شامل ہیں۔ کسٹم ہائرنگ سینٹرز (سی ایچ سی) اور گاؤں سطح کے زرعی مشینری بینک (ایف ایم بی) کے قیام کے لیے بھی مالی مدد فراہم کی جاتی ہے تاکہ کسانوں کو ان کی ضروریات کے مطابق کرائے کی بنیاد پر مشینیں اور سازوسامان فراہم کیا جا سکے۔ ایس ایم اے ایم کے تحت کسانوں کے کھیتوں پر کسان ڈرون لانے، کسانوں سے انفرادی ملکیت کی بنیاد پر ڈرون کی خریداری اور کسانوں کو زراعت کے مقصد کے لیے ڈرون کی خدمات فراہم کرنے کے لیے کسان ڈرون کے کسٹم ہائرنگ سینٹرز کے قیام کے لیے مالی امداد بھی فراہم کی جاتی ہے۔

حکومت نے 3 سال (24-2023 سے 26-2025) کے دوران خواتین اپنی مدد آپ گروپوں (ایس ایچ جی) کو 15,000 ڈرون فراہم کرنے کے لیے مرکزی سیکٹر  کی اسکیم ‘نمو ڈرون دیدی’ کو منظوری دی ہے تاکہ انھیں پائیدار کاروبار اور روزی روٹی میں مدد فراہم کی جاسکے۔ لیڈ فرٹیلائزر کمپنیز (ایل ایف سی) نے اپنے اندرونی وسائل کا استعمال کرتے ہوئے 24-2023 میں ایس ایچ جی کے ڈرون دیدیوں کو 1094 ڈرون تقسیم کیے ہیں۔ ڈرون دیدیوں میں تقسیم کیے گئے ان 1094 ڈرونز میں سے 500 ڈرون نمو ڈرون دیدی اسکیم کے تحت تقسیم کیے گئے ہیں۔ اسکیم کے تحت بقیہ 14500 ڈرونز کو مالی سال  26-2025کے آخر تک تقسیم کرنے کا ہدف رکھا گیا ہے۔

حکومت نے ستمبر 2024 میں  2817 کروڑ کے کل خرچ سے  ڈیجیٹل زرعی مشن کو منظوری دی ہے ۔ یہ مشن ملک میں کسانوں پر مرکوز ڈیجیٹل حل چلانے اور ملک کے تمام کسانوں کو فصل سے متعلق بروقت اور قابل بھروسہ معلومات فراہم کرنے کے لیے ملک میں ایک مضبوط ڈیجیٹل زرعی ایکو  سسٹم کو فعال کرنا چاہتا ہے۔ یہ مشن زراعت کے لیے ڈیجیٹل سرکاری بنیادی ڈھانچے  جیسے کہ ایگری اسٹیک، کرشی فیصلہ  سازی کے لیے معاون نظام ، مٹی کی زرخیزی اور پروفائل کا نقشہ اور مرکزی/ریاستی حکومتوں کے ذریعے شروع کیے گئے دیگر آئی ٹی اقدامات کا تصور کرتا ہے۔ ‘کسان ای متر’ ایک مصنوعی ذہانت (اے آئی) سے چلنے والا چیٹ بوٹ تیار کیا گیا ہے تاکہ کسانوں کو پی ایم کسان سمان ندھی اسکیم کے بارے میں سوالات کے جوابات دینے میں مدد ملے۔

زرعی تحقیق سے متعلق بھارتی کونسل (آئی سی اے آر) کے تحت ادارے ڈرون سے پانی چھڑکنے کے نظام اور بوندوں کو جمع کرنے کی خصوصیات پر تحقیق کر رہے ہیں جس کا مقصد کیڑے مار ادویات اور رقیق کھاد کے استعمال کی کارکردگی اور اثر کو بڑھانا ہے۔ کھیت کی فصلوں میں غیر حیاتی چیزوں کی حقیقی وقت میں شناخت کے لیے ایک اے آئی  فعال موبائل ڈیوائس تیار کیا گیا ہے، جو فصلوں کی افزائش اور درست فصل کے ان پٹ مینجمنٹ میں مدد کرتا ہے۔ اداروں نے مختلف درستگی والی کاشتکاری کی ٹیکنالوجیز بھی تیار کی ہیں جیسے انار کے نئے باغات کے لیے اسمارٹ اسپرے، پولی ہاؤس کے لیے خودکارا سپرے مارنے کا نظام، پلگ قسم کی سبزیوں کے لیے لیب پر مبنی روبوٹک ٹرانسپلانٹر، بغیر پائلٹ کثیر مقصدی ٹریک قسم کی گاڑی، وسیع فاصلہ والی کھیت کی فصلوں کے لیے خودمختار ویڈر، پولی ہاؤس بوئے گئے ٹماٹر کے لیے روبوٹک ہارویسٹرس ،  ڈیپ لرننگ کے اطلاق کے ذریعے سویا بین کے لیے ہاتھ سے پکڑے جانے والے امراض کی شناخت کرنے والا خودکار آلہ، تصویر پر مبنی متغیر شرح نائٹروجن ایپلی کیٹر، پولٹری کے لیے کنٹرولر پر مبنی فیڈ ڈسپنسنگ سسٹم، کھیتوں کی فصلوں میں اسپیکٹرل ریفلیکٹنس اور تھرمل امیجنگ کا استعمال کرتے ہوئے واٹر اسٹریس انڈیکس، دھان کی بوائی سے منسلک  ڈیپ پلیسمنٹ فرٹیلائزر ایپلی کیٹر جیسے امور شامل ہیں ۔

مٹی کی زرخیزی اور  صحت کی اسکیم حکومت کی طرف سے 15-2014 سے لاگو کی گئی ہے، جس میں مٹی کی صحت کو بہتر بنانے کے لیے کسانوں کو سوائل ہیلتھ کارڈز (ایس ایچ سی) جاری کیے جاتے ہیں۔ ایس ایچ سی نامیاتی کھادوں اور حیاتیاتی کھادوں کے ساتھ کھاد، ثانوی مائیکرو نیوٹرینٹس کے معقول استعمال کی حوصلہ افزائی کرتے ہیں۔ مٹی کے نمونوں پر معیاری طریقہ کار کے ذریعے کارروائی کی جاتی ہے اور 12 پیرامیٹرز کے لیے تجزیہ کیا جاتا ہے۔ پی ایچ، برقی چالکتا، نامیاتی کاربن، دستیاب نائٹروجن، فاسفورس، پوٹاشیم، سلفر، اور مائیکرو نیوٹرینٹس (زنک، کاپر، آئرن، مینگنیج اور بوران)۔ ایس ایچ سی مٹی کی غذائیت کی حیثیت کے بارے میں معلومات فراہم کرتے ہیں اور مٹی کی صحت اور اس کی زرخیزی کو بہتر بنانے کے لیے مناسب خوراک اور کھاد کی قسم کے بارے میں سفارشات فراہم کرتے ہیں۔ 15-2014 سے لے کر 31 مارچ 2025 تک، ملک بھر میں 24.90 کروڑ ایس ایچ سی بنائے گئے ہیں۔ اسکیم کے تحت ملک بھر میں 1068 مٹی کی جانچ کی لیبارٹریز، 163 موبائل سوائل ٹیسٹنگ لیبارٹریز، 6376 منی سوائل ٹیسٹنگ لیبارٹریز اور 665 ولیج لیول سوائل ٹیسٹنگ لیبارٹریز قائم کی گئی ہیں۔ کسانوں کو معلومات کرنے کے لیے ملک بھر میں تقریباً 7.0 لاکھ نمائش، 93781 کسانوں کے تربیتی پروگرام اور 7425 کسان میلے کا انعقاد کیا گیا ہے۔ اس کے علاوہ، 70002 کرشی سکھیوں کو ایس ایچ سی کو سمجھنے میں کسانوں کی مدد  کرنے کے لیے تربیت دی جا رہی ہے۔

*****

(ش ح ۔ م ع ۔اک م (

U. NO. 9522

(Release ID: 2118868) Visitor Counter : 16