وکست بھارت یوتھ پارلیمنٹ کے دوسرے دن کا آغاز، پارلیمنٹ کی نئی عمارت کے دورے سے ہوا، جہاں شرکاء کو لائیو قانون سازی کی کارروائی دیکھنے کا منفرد موقع ملا۔ اس براہ راست تجربے نے نوجوان مندوبین کو پارلیمانی عمل کے بارے میں گہری معلومات  فراہم کی ، جس سے جمہوری حکمرانی کی زیادہ سے زیادہ تفہیم کو فروغ ملا ۔ شرکاء نے قانون سازوں کو حقیقی وقت میں مباحثوں اور بحث میں شامل  ہونے کا مشاہدہ کرنے کے موقع پر اظہار تشکر کیا ۔

مزید برآں، یوتھ پارلیمنٹ میں اس دن کا اہم ایجنڈا ون نیشن، ون الیکشن (او این او ای) بل کو مشترکہ پارلیمانی کمیٹی  (جے پی سی) کو بھیجنے کی تحریک پر بحث کرنا تھا۔ دلچسپ بحث کے بعد ایوان کے اسپیکر نے ووٹنگ کی اپیل کی۔ او این او ای بل کو مشترکہ پارلیمانی کمیٹی کو بھیجنے کی توثیق کرتے ہوئے یہ تحریک بھاری اکثریت سے منظور ہوئی۔ اس راؤنڈ کی جیوری، لوک سبھا کے ممبران ،لاو سری کرشنا دیورایالو، جناب ہیمانگ جوشی اور محترمہ بانسری سوراج پر مشتمل تھی۔ سیشن نے نوجوانوں کو انتخابی اصلاحات کے بارے میں باریک بینی سےسمجھنے اور نقطہ نظر کے تعمیری تبادلے میں سہولت فراہم کی۔

اس دن کی کارروائی کی ایک اہم خصوصیت، نوجوانوں کے امور اور کھیل اور محنت و روزگار کے مرکزی وزیر ڈاکٹر منسکھ مانڈویہ کے ذریعہ سال

22-2021 اور 23-2022 کے لیے قومی یوتھ ایوارڈز کی تقسیم تھی۔

ڈاکٹر منسکھ مانڈویہ نے نوجوان افراد کی انمول شراکت پر روشنی ڈالی جن کے وژن اور لگن نے انہیں الگ کیا۔ انہوں نے اس بات پر زور دیا کہ ان ایوارڈ یافتہ افراد نے ہمیشہ ملک کی فلاح و بہبود کو ترجیح دی ہے، سماجی خدمت کے بارے میں بات کی اور اپنے کاموں کے ذریعے امید کی تحریک دی ہے۔ انہوں نے کہا کہ ایسے نوجوانوں کو عزت دینا اس پلیٹ فارم کے لیے فخر کا لمحہ ہے۔

مستقبل کی طرف دیکھتے ہوئے، انہوں نے اس اعتماد کا اظہار کیا کہ جب ہندوستان 2047 میں آزادی کے 100 سال مکمل ہونے  کا جشن منائے گا تو آج کے نوجوان ملک کی سربراہی کررہے ہوں گے۔ انہوں نے کہا کہ آج کے شرکاء کل کے رہنما بنیں گے اور اپنے موجودہ عزائم  کو مستقبل کے کارناموں میں بدل دیں گے۔ انہوں نے تصور کیا کہ ہندوستان، جو اس وقت ترقی کر رہا ہے، 2047 تک ایک مکمل ترقی یافتہ ملک کے طور پر ابھرے گا، اور زور دیا کہ تقدیر بھی جلد ہی اس ناگزیر تبدیلی کو تسلیم کرے گی۔

انفرادی اور تنظیمی  زمرے میں کل 24 نیشنل یوتھ ایوارڈز دیے گئے۔ این وائی اے  2021-22 کے لیے انفرادی زمرے میں کل 11 ایوارڈز دیے گئے۔ این وائی اے  2022-23 کے لیے کل 13 ایوارڈز دیے گئے جن میں انفرادی زمرے میں 12 اور تنظیمی زمرے میں  ایک  ایوارڈ شامل ہیں۔ اس ایوارڈ میں ایک تمغہ، ایک سرٹیفکیٹ اور 1,00,000 روپے کا نقد انعام اور ایک تمغہ، ایک سرٹیفکیٹ انفرادی طور پر اور  تنظیم کو 3,00,000 روپے نقد انعام شامل ہیں۔

نیشنل یوتھ ایوارڈ حاصل کرنے والے درج ذیل ہیں:

نیشنل یوتھ ایوارڈ22-2021 (انفرادی)

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

نیشنل یوتھ ایوارڈ یافتہ افراد کی مزید تفصیلات کے لیے یہاں کلک کریں۔

 

مزید برآں، ڈاکٹر منسکھ مانڈویہ نے ان غیر معمولی شرکاء کو وکست بھارت یوتھ پارلیمنٹ ایوارڈ 2025 سے نوازا جنہوں نے تقریب کے دوران نمایاں قیادت اور صاف گوئی  کا مظاہرہ کیا۔

وکست بھارت یوتھ پارلیمنٹ میں اپنے اختتامی خطاب میں، ڈاکٹر منسکھ مانڈویہ نے گزشتہ دو دنوں کے دوران بحث و مباحثوں، سوالات کے اوقات اور قراردادوں میں ان کی فعال شمولیت کے لیے تمام شرکاء کا شکریہ ادا کیا۔ انہوں نے 300 اضلاع کے 75,000 نوجوانوں کی بے پناہ شراکت کا اعتراف کیا، جن میں سے 105 بہترین نوجوان پارلیمنٹیرینز کا انتخاب کیا گیا۔ انہوں نے پورے ایونٹ کے دوران نظم و ضبط کی تعریف کی، جو شرکاء کے اعلیٰ طرز عمل کی عکاسی کرتا ہے۔

مرکزی وزیر نے اس بات پر روشنی ڈالی کہ  وکست بھارت یوتھ پارلیمنٹ کا آغاز وزیر اعظم کی دور اندیش قیادت میں نوجوانوں کے امور اور کھیل کی وزارت نے کیا تھا، جس کا مقصد قوم کے مستقبل کے لیڈروں کو تیار  کرنا تھا۔ انہوں نے امید ظاہر کی کہ آج کے یوتھ پارلیمنٹرین کل کے لیڈروں میں تبدیل ہوں گے۔

وکست بھارت یوتھ پارلیمنٹ ایوارڈز کے وصول کنندگان درج ذیل ہیں:

 

1. بہترین افتتاحی اسپیکر کا ایوارڈ (دھیریندر سنگھ، اتر پردیش) - سب سے زیادہ اثر انگیز اور صاف گو اسپیکر کو دیا جاتا ہے جو وضاحت، اعتماد اور گہرائی کے ساتھ بات چیت کے لیے لہجہ کو رخ دیتا ہے۔
2. بہترین سوال (ہرشیتا شرما، راجستھان) – سیشن کے دوران اٹھائے گئے انتہائی معلومات  اور فکر انگیز سوال کے لیے ایوارڈ دیا گیا۔
3. بہترین جواب (لاسیہ پریا، آندھرا پردیش) - سب سے اچھی ساخت اور قابل اعتماد جواب دینے والے کو دیا جاتا ہے۔
4. بہترین اسپیکر (ریا گپتا، جھارکھنڈ) - مختصر بحث

نوجوانوں کے امور اور کھیل کی مرکزی وزیر مملکت  محترمہ رکشا کھڈسے نے شرکاء کو مبارکباد دی اور ملک  کی تعمیر میں ان کے انمول تعاون کا اعتراف کیا۔ انہوں نے ہندوستان کے مستقبل کی تشکیل میں نوجوانوں کے رول  پر زور دیا اور ان پر زور دیا کہ وہ اپنی خدمت اور اختراع کا سفر جاری رکھیں۔

امور نوجوان کے محکمہ کی سکریٹری محترمہ میتا راجیولوچن نے نیشنل یوتھ ایوارڈز کے لیے افتتاحی کلمات پیش کیے، جس میں ملک کی تعمیر اور کمیونٹی کی ترقی میں نوجوانوں کے غیر معمولی تعاون کو اجاگر کیا گیا۔

وکست بھارت یوتھ پارلیمنٹ ملک کے نوجوانوں کو پالیسی بنانے میں شامل  ہونے، قائدانہ صلاحیتوں کو فروغ دینے اور 2047 تک وکست بھارت کے وژن میں تعاون کے لیے ایک پلیٹ فارم فراہم کرنا جاری رکھے ہوئے ہے۔ یہ پروگرام نوجوانوں کو بااختیار بنانے اور بیدار شہری کی شرکت کو فروغ دینے کے لیے حکومت ہند کے عزم کے مطابق ہے۔

*******

ش ح۔ع و۔ ج ا

 (U: 9488)

(Release ID: 2118633) Visitor Counter : 23