ہاؤسنگ اور شہری امور کے وزیر مملکت جناب توخان ساہو نے نو تعمیر شدہ سروس کم سہولت سینٹر اور تجدید شدہ انتظامی بلاک کا افتتاح کیا ۔ انہوں نے نئے ای-گزٹ 2.0 پورٹل اور محکمہ اشاعت ، ڈائریکٹوریٹ آف پرنٹنگ اور حکومت ہند کے اسٹیشنری آفس کی نئی ویب سائٹس کا بھی آغاز کیا ، جو حکومت کے ڈیجیٹل انڈیا ویژن کی طرف ایک اہم قدم ہے ۔

اپنے خطاب میں وزیر موصوف نے محکمہ اشاعت کو شہریوں پر مرکوز اس کے قابل ستائش اقدامات کے لیے مبارکباد دی ۔ انہوں نے زور دے کر کہا کہ سرکاری خدمات اپنی حقیقی صلاحیت تک تب ہی پہنچ سکتی ہیں جب وہ شہریوں کی ضروریات اور سہولت کو ترجیح دیں گے ۔ انہوں نے  اپنےخطاب میں اس بات کو بھی اجاگر کیا کہ یہ نقطہ نظر وسیع تر رسائی،مؤثرکارکردگی اور شفافیت کو یقینی بناتے ہوئے سرکاری خدمات کومزید آگے بڑھائے گا ۔

تقریب کے دوران جن سہولیات کی نقاب کشائی کی گئی ہے وہ زائرین(ویزیٹرس) اور ملازمین دونوں کے لیے فعالیت  اور کارکردگی، آسانی اور رسائی کو  مد نظر رکھتے ہوئے ڈیزائن کی گئی ہیں ، اس طرح یہ اقدامات ایک سازگار اور موثر کام کے ماحول کو برقرار رکھتے ہوئے معیاری خدمات کی فراہمی کے لیے محکمہ کے مشن کی حمایت کرتے ہیں ۔

ای-گزٹ 2.0 پورٹل اور نئی ویب سائٹس کا آغاز حکومت کے ڈیجیٹل انڈیا وژن سے ہم آہنگ ہے۔یہ اقدامات اس بات کو یقینی بناتے ہیں کہ سرکاری خدمات زیادہ قابل رسائی ، شفاف اور شہریوں پر مرکوز ہوں ، جس سے عوام کو کاروبار کرنے میں آسانی ہو ۔

محکمہ اشاعت، سرکاری اشاعت کے ذریعے معلومات کی تشہیر اور عوام ، سرکاری اداروں اور مختلف شراکتداروں کی ضروریات کو پورا کرنے کے تئیں اپنے عزم پر ثابت قدم ہے ۔

 

*******

(ش  ح۔ م م ع۔ اش  ق)

UR-9492

(Release ID: 2118628) Visitor Counter : 12