فی الحال، ہندوستان کے چھوٹے ماڈیولر ری ایکٹر 200 میگاواٹ کے مرکزی یونٹ کا تصوراتی ڈیزائن مکمل ہو چکا ہے، جس میں بنیادی حرارتی نقل و حمل کے نظام کے ساتھ ساتھ جوہری ری ایکٹر کا سائز بھی شامل ہے۔ محکمہ نے جوہری اور غیر جوہری نظاموں کے تفصیلی انجینئرنگ ڈیزائن کا کام مکمل کر  لیا ہے۔

مالیاتی منظوری کے بعد بی ایس ایم آر  200 کے نمائشی یونٹ کی تعمیر اور اسٹارٹ اپ 6 سال میں مکمل ہونے کی امید ہے۔ پلانٹ کے شروع ہونے کے بعد باقاعدہ آپریشن 7ویں سال کے آخر میں ممکن ہو سکے گا۔ بڑے یونٹ کی تخمینہ لاگت 5,700 کروڑ روپے ہے۔

بی ایس ایم آر کو بی اے آر سی اور این پی سی آئی ایل کے ذریعہ تیار کیا جا رہا ہے کیونکہ بی ایس ایم آر کے بڑے یونٹ کی تعیناتی کے لیے تمام مطلوبہ مہارت اندرون ملک دستیاب ہے۔ محکمہ ترقی یافتہ مقامی نجی نیوکلیئر وینڈر کی خدمات حاصل کرے گا جو مسابقتی بولی کے ذریعہ بی ایس ایم آر 200 کے مختلف آلات اور اجزاء فراہم کریں گے۔ کنسٹرکشن، انسٹالیشن اور کمیشننگ کا کام پہلے سے اہل ای پی سی وینڈر کو دیا جائے گا۔

بی ایس ایم آر عالمی سطح پر ثابت شدہ پریشرائزڈ آبی  ری ایکٹر ٹیکنالوجی پر مبنی ہے۔ غیر معمولی حالات کے دوران جوہری حفاظت کو یقینی بنانے کے لیے اسے غیر فعال حفاظتی خصوصیات کے ساتھ ساتھ متعدد انجینئرڈ حفاظتی نظام فراہم کیے گئے ہیں۔ مزید برآں، بی ایس ایم آر پر مبنی بجلی گھروں کی جوہری حفاظت کو ایک وسیع ریگولیٹری لائسنسنگ کے عمل سے مشروط کیا جائے گا۔ لاگت کی تاثیر اور پروجیکٹ کی ٹائم لائن کی اصلاح کو یقینی بنانے کے لیے فالو آن یونٹ میں ڈیزائن کی معیاری کاری کی جائے گی۔ بی ایس ایم آر بڑی حد تک مقامی ہو گا، جو اس کی پائیداری اور بڑے پیمانے پر تعیناتی میں سہولت فراہم کرے گا۔ اگر ضروری ہو تو درآمد شدہ یورینیم (تھوڑے سے افزودہ) کا استعمال بھی ایک آپشن ہوگا۔

یہ معلومات سائنس اور ٹیکنالوجی، ارضیاتی سائنس کے وزیر مملکت (آزادانہ چارج)، وزیر اعظم کے دفتر ، محکمہ عملہ، عوامی شکایات اور پنشن، محکمہ خلا اور محکمہ جوہری توانائی کے وزیر مملکت ڈاکٹر جتیندر سنگھ نے آج راجیہ سبھا میں ایک تحریری جواب میں دی۔

۔۔۔۔۔۔۔۔۔۔۔۔۔۔۔۔۔۔۔۔۔

 (ش ح ۔ رض  ۔ ن م(

9466

 

(Release ID: 2118585) Visitor Counter : 16