بجلی کے وزیر مملکت جناب شری پد نائک نے آج لوک سبھا میں ایک تحریری جواب میں بتایا کہ  مرکزی کابینہ نے 6 ستمبر 2023 کو بیٹری انرجی اسٹوریج سسٹم (بی ای ایس ایس) کے لیے وائبلٹی گیپ فنڈنگ (وی جی ایف) اسکیم کو منظوری دی ، تاکہ بی ای ایس ایس کی ترقی میں مدد کی جاسکے۔ اسکیم کے مطابق26-2023 کے دوران منظور شدہ بی ای ایس ایس کے لیے وی جی ایف سپورٹ فراہم کی جائے گی ۔ فنڈ کی تقسیم 5 قسطوں میں ہوگی: منصوبے کی مالی اختتام پر 10فیصد ، کمرشل آپریشن  ڈیٹ (سی او ڈی) کے حصول پر 45فیصد اور سی او ڈی سے اگلے 3 برسوں میں ہر سال 15فیصد ۔ بیٹری کی قیمتوں میں کمی کے ساتھ ، اسکیم کی صلاحیت کو 4000 میگاواٹ سے بڑھا کر 13,200 میگاواٹ کر دیا گیا ہے جبکہ یہ 3,760 کروڑ روپے کے منظور شدہ مختص  بجٹ کے اندر ہے ۔

سال 25-2024 میں 1000 میگاواٹ بی ای ایس ایس کے لیے 96 کروڑ روپے کا بجٹ التزام کیا گیا تھا ، یہ فرض کرتے ہوئے کہ مالی اختتام پر 10 فیصد کی ادائیگی کی جائے گی ۔ تاہم ، بی ای ایس ایس کی گرتی ہوئی لاگت کے ساتھ ، وی جی ایف کی رقم 96 لاکھ روپے فی میگاواٹ (24-2023 میں تخمینہ) سے کم ہو کر 46 لاکھ روپے فی میگاواٹ یا کیپٹل لاگت کا 30فیصد ، جس طرح  بھی ہو ، کم  ہوگئی ہے ۔ اس کے نتیجے میں ، مختص  بجٹ کو 96 کروڑ روپے سے بڑھا کر 46 کروڑ روپے کر دیا گیا ۔ اسکیم کے رہنما خطوط کے مطابق ، مالی بندش کے بعد وی جی ایف کا 10فیصد تقسیم کیا جانا ہے ۔ چونکہ کوئی بھی پروجیکٹ مالی اختتام (سرمایہ حاصل کرنے کا ٹارگیٹ) حاصل نہیں کر سکا ، اس لیے25-2024 کے دوران اسکیم کے تحت کسی  طرح  کے اخراجات  نہیں ہوئے۔

سنٹرل الیکٹرسٹی اتھارٹی (سی ای اے) اسکیم کی نگرانی کے لیے ذمہ دار ہے ، جبکہ بجلی کی وزارت اسکیم کی نگرانی کرتی ہے ، تاکہ بروقت تکمیل اور فنڈ کے موثر استعمال کو یقینی بنایا جا سکے ۔

قومی بجلی منصوبہ 2023 کے تحت اندازہ ہے کہ 32-2031 تک 236 جی ڈبلیو ایچ بی ای ایس ایس کی ضرورت ہوگی ۔ یہ اسکیم قابل تجدید توانائی کے انضمام میں مدد کرے گی اور غیر شمسی اوقات میں  اضافی مانگ کے دوران  لاگت کو کم کرنے میں مدد کرے گی ۔

۔۔۔۔۔۔۔۔۔۔۔

ش ح۔ ع ح ۔ ن م۔

U- 9445

(Release ID: 2118399) Visitor Counter : 24