حکومت نے ستمبر 2024 میں ڈیجیٹل زرعی مشن (ڈی اے ایم )کو منظوری دی ہے جس کی کل لاگت  2817 کروڑ روپے ہے ۔ اس مشن میں زراعت کے لیے ایک ڈیجیٹل پبلک  بنیادی ڈھانچہ  (ڈی پی آئی) کی تشکیل کا تصور پیش کیا گیا ہے ، جیسے کہ ایگری اسٹیک ، کرشی فیصلہ سپورٹ سسٹم اور ملک میں ایک مضبوط ڈیجیٹل زرعی ماحولیاتی نظام کو فعال کرنے کے لیے ایک جامع مٹی کی زرخیزی اور پروفائل میپ وغیرہ۔  اس سے ، اختراعی طور پر  کسان  پر مرکوز ڈیجیٹل حل کو آگے بڑھایا جا سکے گا اور تمام کسانوں کو فصلوں سے متعلق قابل اعتماد معلومات وقت پر دستیاب کرایا جا سکے گا ۔ ایگری اسٹیک ڈی پی آئی زراعت کے شعبے سے وابستہ تین بنیادی رجسٹریوں یا ڈیٹا بیس پر مشتمل ہے ، یعنی جیو ریفرینسڈ ولیج میپس ، فصل کی بوائی کی رجسٹری اور کسانوں کی رجسٹری ، یہ سب ریاستی حکومتوں اورمرکز کے زیر انتظام علاقوں کے ذریعے تیار کیے جاتے ہیں اور برقرار رکھے جاتے ہیں۔
حکومت نے 27-2026 تک ملک میں 11 کروڑ کسانوں کی فارمر آئی ڈی  یعنی کسانوں  کے شناختی کارڈ بنانے اور خریف 2025 سے تمام ریاستوں اور مرکز کے زیر انتظام علاقوں میں ڈیجیٹل فصل سروے کرنے کا ہدف رکھا ہے ۔ 28.03.2025 تک کل 4,85,57,246 کسان شناختی کارڈ تیار کئے گئے ہیں ۔ مزید برآں ، خریف 2024 میں 436 اضلاع میں ڈیجیٹل فصل سروے کیا گیا ہے اور  ربیع 2024-25 میں 23.90 کروڑ سے زیادہ پلاٹوں پر مشتمل 461 اضلاع کا سروے کیا گیا ہے ۔

مزید برآں ، حکومت مشن کے بروقت نفاذ کے لیے تمام ریاستوں اور مرکز کے زیر انتظام علاقوں کو تکنیکی اور مالی مدد فراہم کر رہی ہے

1. فارمر آئی ڈی اور ڈیجیٹل فصل سروے کے لیے سافٹ ویئر ۔
2. ریاستی عہدیداروں کو تربیت فراہم کرنا ۔
3. پروجیکٹ مانیٹرنگ یونٹ بنانے کے لیے انسانی وسائل کی خدمات حاصل کرنے میں مدد ۔
4. پروجیکٹ کو نافذ کرنے کے لیے کلاؤڈ انفراسٹرکچر فراہم کرنا ۔
5. وزارت خزانہ کے اخراجات کے محکمے (ڈی او ای) نے کیپٹل سرمایہ کاری 25-2024 کے لئے ریاستوں کو خصوصی مرکزی امداد (ایس سی اے) کی اسکیم کا اعلان کیا ہے جس کے لئے مجموعی طور پر 5000 کروڑ روپے مختص کیے گئے ہیں ۔ 28.03.2025 تک چھ ریاستوں اتر پردیش ، مدھیہ پردیش ، راجستھان ، مہاراشٹر ، تمل ناڈو اور آندھرا پردیش کو 1076 کروڑ روپے کی رقم جاری کی جا چکی ہے ۔
6. مزید برآں ، حکومت نے ریاستوں کو مشورہ دیا ہے کہ وہ کیمپ موڈ  طریقہ کار اپنائیں ، جس کے تحت ریاستوں کو فیلڈ سطح کے کیمپوں کے انعقاد اور مقامی انتظامیہ کو متحرک کرنے کے لیے ان کی حوصلہ افزائی کے طور پر فی کیمپ پندرہ ہزار روپئے کی مالی مدد فراہم کیے جائیں گے۔
7. کسانوں کی رجسٹری کی تشکیل اور تصدیق  کے عمل میں تیزی لانے کے لیے فی کسان  آئی ڈی یعنی کسانوں کی شناختی کارڈ کے لیے  پی ایم کسان اسکیم کے انتظامی فنڈ سے10 روپئے  فراہم کیے جانے کی تجویز ہے ۔ اس رقم کو کسانوں کی رجسٹری کی تشکیل  و تصدیق میں شامل فیلڈ میں کام کرنے والے افراد کو فیس کی رقم  کے طور پر استعمال کیا جائے گا۔

یہ جانکاری زراعت اور کسانوں کی فلاح و بہبود  کے وزیر مملکت جناب رام ناتھ ٹھاکر نے آج لوک سبھا میں ایک تحریری جواب میں دی۔

****

 

ش ح۔م  م ع۔ ش ا

U No-9309

(Release ID: 2117656) Visitor Counter : 8