ہندوستانی ریلوے بلک اجناس - پاور پلانٹس کے لیے کوئلہ، لوہا، کوکنگ کول اور اسٹیل کی صنعتوں کے لیے چونا پتھر، مینوفیکچرنگ اور تعمیرات کے لیے تیار سٹیل، قومی تقسیم کے لیے سیمنٹ، غذائی اجناس، زراعت کے لیے کھاد، اور پیٹرولیم مصنوعات کی نقل و حمل کے لیے اہم ہے جو صنعت اور توانائی کے لیے ضروری ہیں۔ طویل فاصلے اور بلک سامان کے لیے، ریل کی نقل و حمل سڑک کی نقل و حمل سے زیادہ اقتصادی رہی ہے۔ اس سے کاروباروں کے لیے رسد کے مجموعی اخراجات کو کم کرنے میں مدد ملتی ہے، جس سے ہندوستانی سامان کو ملکی اور بین الاقوامی سطح پر زیادہ مسابقتی بنایا جا سکتا ہے۔ مزید برآں، ریلوے کانوں، کارخانوں، زرعی علاقوں اور بندرگاہوں کو ملک بھر کی منڈیوں سے جوڑتا ہے، جو اس کے وسیع ملک گیر نیٹ ورک میں بغیر کسی رکاوٹ کے سپلائی چینز کو فعال کرتا ہے۔

مالی سال 2024-25 کے دوران، ہندوستانی ریلوے نے 26.70 ایم ٹی  1.68فیصد کی اضافی لوڈنگ کو رجسٹر کرتے ہوئے، مالی سال 2023-24 کے دوران حاصل کردہ 1590.68 ایم ٹی  کے مقابلے میں، تقریباً 1617.38 ایم ٹی  ابتدائی فریٹ لوڈنگ حاصل کی۔

گھریلو کوئلے کی لوڈنگ میں 7.4 فیصد اضافہ ہوا جبکہ گھریلو کنٹینر کی لوڈنگ میں 19.72 فیصد اضافہ ریکارڈ کیا گیا۔ کھاد کی لوڈنگ میں 1.25 فیصد اضافہ ریکارڈ کیا گیا۔ پی او ایل لوڈنگ میں 0.61 فیصد اضافہ ہوا۔ گھریلو کنٹینر لوڈنگ میں گنی سیکس، ہاٹ رولڈ کوائلز، سیرامک ​​ٹائلز، وال کیئر پوٹی اور چاول پانچ اہم اشیاء ہیں۔

زونل ریلوے کے ذریعہ حاصل کردہ لوڈنگ کے لحاظ سے، مشرقی ریلوے نے 16.11 فیصد کی ترقی حاصل کی۔ ساؤتھ ایسٹ سنٹرل ریلوے (ایس ای سی آر) نے 7.28فیصد کی ترقی حاصل کی۔ شمال مشرقی سرحدی ریلوے نے 4.21 فیصد کی ترقی حاصل کی۔ ناردرن ریلوے نے 3.89 فیصد کی ترقی حاصل کی۔ ایسٹ سنٹرل ریلوے نے 2.82 فیصد کی ترقی حاصل کی۔ ساؤتھ سنٹرل ریلوے نے 2.14فیصد کی ترقی حاصل کی۔ ایسٹ کوسٹ ریلوے نے 1.19 فیصد کی ترقی حاصل کی۔ سدرن ریلوے نے 0.80 فیصد کی ترقی حاصل کی۔ جنوب مشرقی ریلوے نے 0.36 فیصد کی ترقی حاصل کی۔

ہندوستانی ریلوے کے ذریعہ کوئلے کی متاثر کن لوڈنگ کی وجہ سے، ہندوستان میں پاور ہاؤسز میں اسٹاک 57 ایم ٹی  تک پہنچ گیا، جو کہ اب تک کی سب سے زیادہ ہے۔

۔۔۔۔۔۔۔۔۔۔۔

ش ح۔  ا م۔خ م ۔

U-9292

(Release ID: 2117518) Visitor Counter : 11