بجلی اور جدید و قابل تجدید توانائی کے مرکزی وزیر مملکت ، جناب شری پد یسو نائک نے آج لکھنو  میں بجلی کی تقسیم کی عملداری سے متعلق مسائل کو حل کرنے کے لیے تشکیل کردہ وزراء کے گروپ کی تیسری میٹنگ کی صدارت کی۔

اس میٹنگ میں اتر پردیش کے وزیر توانائی جناب اے کے شرما،  آندھرا پردیش کے وزیر توانائی جناب گوٹی پتی روی کمار، مدھیہ پردیش کے وزیر توانائی جناب پردیومن سنگھ تومر،مہاراشٹر کی وزیر توانائی  محترمہ میگھنا ساکور بورڈیکراور، اتر پردیش کے توانائی کے وزیر جناب سومیندر تومرنے شرکت کی ۔ اس میٹنگ میں مرکزی حکومت، ریاستی حکومتوں، رکن ریاستوں کی ریاستی بجلی کمپنیوں، پاور فائنانس کارپوریشن (پی ایف سی) لمیٹڈ اور آر ای سی لمیٹڈ کے سینئر عہدیداروں نے بھی میٹنگ میں شرکت کی۔

اپنے ابتدائی کلمات میں مرکزی وزیر مملکت نے رکن  ریاستوں   کے توانائی کے وزراء کا خیرمقدم کیا اور میٹنگ کی میزبانی کرنے پر اتر پردیش کے وزیر توانائی کا شکریہ ادا کیا۔ انہوں نے وزراء کے گروپ کی پہلی دو میٹنگوں کے دوران ہونے والی بات چیت اور بجلی کی تقسیم کے شعبے میں اصلاحات کے لیے رکن  ریاستوں سے متوقع اجتماعی کوششوں کے بارے میں بات کی۔ انہوں نے ڈسٹری بیوشن یوٹیلٹی کی ذمہ داریوں کی مالی تنظیم نو، یوٹیلٹی پر سود کے بوجھ کو کم کرنے، اسٹوریج کے حل کی ترقی، زراعت کے لیے دن کے وقت بجلی کی فراہمی کو آسان بنانے کے لیے ایک طریقہ کار بنانے کی ضرورت پر زور دیا تاکہ بجلی کی خریداری کی مجموعی لاگت کو کم کیا جا سکے اور سبسڈی کے بوجھ کو کم کیا جا سکے۔

وزیر موصوف نے اے آئی اور ڈیجیٹل اختراعات کو نافذ کرنے کی ضرورت پر بھی روشنی ڈالی، اور بجلی کے شعبے کی مالیاتی عملداری کے لیے لاگت کی عکاسی کرنے والےنرخ کو یقینی بنانے کی ضرورت پر بھی روشنی ڈالی۔ انہوں نے کہا کہ ان اقدامات پر عمل درآمد سے یوٹیلٹی کو مالی استحکام کو بہتر بنانے میں مدد ملے گی۔ انہوں نے ادے جیسی اسکیم کی ضرورت پر بھی زور دیا۔

اپنے خطاب میں، اتر پردیش کے وزیر توانائی نے لکھنؤ میں وزراء کے گروپ کی تیسری میٹنگ کے انعقاد کے لیے مرکزی وزیر مملکت کا شکریہ ادا کیا۔ انہوں نے بجلی کے شعبے میں ریاست اتر پردیش کی کامیابیوں بشمول قابل تجدید توانائی کی ٹیکنالوجی کو اپنانے کے بارے میں بات کی۔ انہوں نے اس بات کی تعریف کی کہ حکومت ہند کی طرف سے اٹھائے گئے اقدامات کا ملک کے ڈسٹری بیوشن سیکٹر کو مضبوط اور فعال بنانے میں بہت دور رس اثر پڑے گا۔ انہوں نے توانائی کی منتقلی اور بجلی کی بڑھتی ہوئی طلب کے مستقبل کے چیلنجوں سے نمٹنے کے لیے توانائی کے ذخیرہ کرنے کے حل کے ساتھ ساتھ قابل تجدید ذرائع کی تیز رفتار ترقی کی ضرورت پر زور دیا۔ عزت مآب وزیر نے بہتر نتائج حاصل کرنے کے لیے انسانی وسائل کی ترقی میں مدد کرنے میں حکومت ہند کے کردار کی اہمیت کا ذکر کیا۔

جوائنٹ سکریٹری (تقسیم)، بجلی کی وزارت، حکومت ہند نے ایک پریزنٹیشن پیش کی جس میں وزراء کے گروپ کی پہلی دو میٹنگوں کے دوران توجہ مرکوز کرنے کے لیے اہم شعبوں پر روشنی ڈالی گئی اور شراکت داروں (مرکزی حکومت، ریاستی حکومتوں اور ریگولیٹری کمیشنوں) کی جانب سے کیے جانے والے اقدامات کی تجویز پیش کی گئی تاکہ بحث کے لیے قابل عمل خدشات کو دور کیا جا سکے۔

ٹاٹا پاور ڈسٹری بیوشن، بطور خاص مدعو اوڈیشہ نے  اپنائے گئے بہترین طریقوں اور اپنے ڈسکام کو منافع بخش بنانے کے لیے اپنے سفر کا اشتراک کیا۔

رکن ریاستوں نے میٹنگ میں سرگرمی سے حصہ لیا اور ریاستی ڈسکام کا جائزہ لیا۔ انہوں نے ڈسکام کی مالی حالت بہتر بنانے کے لیے قیمتی تجاویزپیش کیں۔ اتر پردیش، مدھیہ پردیش، آندھرا پردیش، مہاراشٹرا اور تمل ناڈو کی ریاستوں نے اس موضوع پر پریزنٹیشن دیں۔

تقسیم کار کمپنیوں کے بقایا قرضوں اور نقصانات کو کم کرنے اور انہیں منافع میں لانے کے لیے اقدامات کی نشاندہی کے لیے ایکشن پلان کے خاکہ پر تفصیلی تبادلہ خیال کیا گیا۔

نرخ  کے تعین میں ریگولیٹروں کی کارکردگی کا جائزہ لینے کی ضرورت پر زور دیا گیا۔ ریاستوں کی طرف سے نجکاری کے اقدامات کے لیے حکومت ہند سے تعاون کی تجویز دی گئی۔ میٹنگ میں صلاحیت سازی اور او اینڈ ایم لاگت کی ضروریات، نرخ کو حتمی شکل دیتے ہوئے قابل تجدید توانائی کی موجودہ سطحوں کو شامل کرنے سمیت ریگولیٹروں کو سیکٹر میں ہونے والی تازہ ترین پیشرفت کے مطابق ڈھالنے کی ضرورت پر بھی تبادلہ خیال کیا گیا ۔ اس بات پر بھی تبادلہ خیال کیا گیا کہ سرکاری محکموں کو واجبات اور سبسڈی کی ادائیگی میں تاخیر ڈسکام کو ورکنگ سرمایہ قرض کا سہارا لینے پر مجبور کر رہی ہے جو  نرخ میں شامل نہیں ہیں۔ نرخ میں ایندھن اور بجلی کی خریداری کی لاگت کی ایڈجسٹمنٹ کو شامل کرنے میں بھی تاخیر ہوتی ہے، جس کی وجہ سے ورکنگ کیپیٹل کی ضرورت ہوتی ہے۔ یوٹیلیٹی کی سالانہ آمدنی کی ضروریات میں اس پر غور نہیں کیا جاتا ہے۔ مستقبل میں نرخ کے جھٹکے سے بچنے کے لیے، نرخ کو سالانہ افراط زر سے منسلک نرخ میں اضافے سے منسلک کرنے کی تجویز دی گئی۔

وزراء کے گروپ نے اپنی وابستگی کا اعادہ کیا اور ڈسکام کی مالی عملداری کو بہتر بنانے کے لیے ضروری اقدامات کرنے کا عزم کیا۔

اپنے اختتامی کلمات میں، عزت مآب مرکزی وزیر مملکت نے پاور سیکٹر کو قابل عمل بنانے کے لیے ریاستوں کی طرف سے زیادہ سیاسی ارادے اور عزم کا مظاہرہ کرنے کی ضرورت پر زور دیا اوررکن ریاستوں پر زور دیا کہ وہ میٹنگ کے دوران ظاہر کیے گئے خیالات پر کام کریں۔ وزراء کے گروپ کی اگلی میٹنگ میں تجاویز کے لیے آل انڈیا ڈسکام ایسوسی ایشن (اے آئی ڈی اے) کو مدعو کرنے کی سفارش کی گئی۔

یہ بھی متفقہ طور پر فیصلہ کیا گیا کہ وزراء کے گروپ کی چوتھی میٹنگ اپریل کے مہینے میں آندھرا پردیش میں ہوگی۔

۔۔۔۔۔۔۔۔۔۔۔۔۔۔۔۔۔۔۔۔۔

(ش ح ۔ رض۔ ن  ا  (

9190​​​​​​​

(Release ID: 2116764) Visitor Counter : 36