وزارت دفاع نے 28 مارچ 2025 کو ہندوستان ایروناٹکس لمیٹڈ (ایچ اے ایل) کے ساتھ 156 لائٹ کمبیٹ ہیلی کاپٹر (ایل سی ایچ) پرچنڈ کے ساتھ 62,700 کروڑ روپے کی ٹریننگ اور دیگر متعلقہ سازوسامان کی فراہمی کے لیے ٹیکسوں کو چھوڑ کر دو معاہدوں پر دستخط کیے۔ پہلا معاہدہ ہندوستانی فضائیہ (آئی اے ایف) کو 66 ایل سی ایچ  کی فراہمی کا ہے اور دوسرا ہندوستانی فوج کو 90 ایل سی ایچ کی فراہمی کا ہے۔

ان ہیلی کاپٹروں کی سپلائی تیسرے سال سے شروع ہو گی اور اگلے پانچ سالوں میں پھیل جائے گی۔ معاہدوں سے اونچائی پر مسلح افواج کی جنگی صلاحیت میں اضافہ ہوگا۔ ایل سی ایچ  ہندوستان کا پہلا دیسی ساختہ اور تیار کردہ جنگی ہیلی کاپٹر ہے جو 5000 میٹر سے زیادہ کی بلندی پر چلنے کی صلاحیت رکھتا ہے۔ اس ہیلی کاپٹر میں ہندوستان میں ڈیزائن اور تیار کردہ اجزاء کی ایک بڑی تعداد ہے اور اس کی خریداری کے عمل کے دوران مجموعی طور پر 65 فیصد سے زیادہ مقامی مواد حاصل کرنے کا منصوبہ ہے۔ اس میں 250 سے زیادہ گھریلو کمپنیاں شامل ہوں گی جن میں زیادہ تر ایم ایس ایم ای  ہیں اور 8,500 سے زیادہ براہ راست اور بالواسطہ ملازمتیں پیدا کریں گی۔

وزارت دفاع نے آئی اے ایف  اور ہندوستانی بحریہ کے پائلٹوں کو ایئر ٹو ایئر ایندھن بھرنے کی تربیت فراہم کرنے کے لیے ایک فلائٹ ریفیولنگ ایئر کرافٹ (ایف آر اے ) کے ویٹ لیزنگ کے لیے میٹریا مینجمنٹ کے ساتھ ایک معاہدے پر بھی دستخط کیے ہیں۔ میٹریا چھ ماہ کے اندر ایف آر اے  (کے سی 135 ہوائی جہاز) فراہم کرے گا جو آئی اے ایف  کے ذریعے لیز پر دیا جانے والا پہلا ایف آر اے  ہوگا۔

 

 

ان تینوں معاہدوں پر دستخط کے ساتھ، 2024-25 کے دوران وزارت دفاع کے ذریعے دستخط کیے گئے معاہدوں کی کل تعداد 2,09,050 کروڑ روپے سے زیادہ کے ساتھ 193 تک پہنچ گئی، جو کہ اب تک کی سب سے زیادہ ہے اور پچھلے سب سے زیادہ تعداد سے تقریباً دوگنا ہے۔ ان میں سے، گھریلو صنعت کے لیے 177 (92فیصد) معاہدے ہیں جن کی مالیت 1,68,922 کروڑ روپے (81فیصد) ہے۔

************

 

UR-9163

(ش ح۔ ا م ۔ ش ہ ب)

(Release ID: 2116456) Visitor Counter : 63