بایو ٹکنالوجی کے محکمے کی ایک اعلیٰ سطحی میٹنگ میں، مرکزی وزیر ڈاکٹر جتیندر سنگھ نے ریاستوں کے ساتھ مل کر ملک بھر میں علاقائی بی آئی آر اے سی (بائیوٹیکنالوجی انڈسٹری ریسرچ اسسٹنس کونسل) مراکز بنانے کا اعلان کیا تاکہ اسٹارٹ اپس اور بائیو مینوفیکچرنگ کو تیزکیا جا سکے اور ملک کے مختلف حصوں میں بائیو ٹیکنالوجی کی صلاحیت کو بروئے کار لایا جا سکے۔

سائنس اور ٹیکنالوجی کے وزیر مملکت (آزادانہ چارج)؛ وزیر اعظم کے دفتر، عملہ، عوامی شکایات، پنشن، ایٹمی توانائی اور خلائی وزیر مملکت ڈاکٹر جتیندر سنگھ نے بائیو ٹیک صلاحیت کی بنیاد پر ریاستوں کی جامع نقشہ سازی کی ضرورت پر زور دیا۔ انہوں نے محکمہ کو ہدایت کی کہ وہ بائیو ای3 (معیشت، ماحولیات اور روزگار) سیل قائم کرنے میں ان کے ساتھ تعاون کریں۔ ڈاکٹر جتیندر سنگھ نے روشنی ڈالی کہ آسام پہلی ریاست ہے جس نے ایک وقف شدہ بائیو ای3 سیل قائم کیا ہے۔ یہ خصوصی سیل اختراعات، کاروبار کو فروغ دینے اور بائیو ٹیک منصوبوں کو بڑھانے کے لیے ضروری مدد فراہم کریں گے۔

بائیو مینوفیکچرنگ کے فروغ میں اسٹارٹ اپس کے اہم کردار کو تسلیم کرتے ہوئے، ڈاکٹر جتیندر سنگھ نے نئے دور کے بائیو ٹیک کاروباریوں کی حوصلہ افزائی کے لیے بہتر مدد اور انکیوبیٹر سپورٹ پر زور دیا۔ انہوں نے بائیو مینوفیکچرنگ اور بائیو فاؤنڈری میں براہ راست غیر ملکی سرمایہ کاری (ایف ڈی آئی) کی اہمیت کو اجاگر کیا تاکہ ہندوستان کے بائیوٹیک انقلاب کو آگے بڑھانے کے لئے عالمی سرمایہ کاری کو یقینی بنایا جاسکے۔

ڈاکٹر جتیندر سنگھ نے اس بات پر زور دیا کہ سہ فریقی انتظام - تحقیق کے بنیادی ڈھانچے، اسٹارٹ اپس اور صنعتی آر اینڈ ڈی کے درمیان ہم آہنگی - ہندوستان کے بائیو ٹیکنالوجی کے شعبے کا مستقبل ہے۔ انہوں نے محکمہ کو ہدایت کی کہ وہ جدید ترین بائیو مینوفیکچرنگ صلاحیتوں سے آراستہ بنیادی آر اینڈ ڈی سہولیات کے قیام کو ترجیح دے۔

دہلی میں منعقدہ مرکز-ریاست پارٹنرشپ سمٹ کو یاد کرتے ہوئے، ڈاکٹر جتیندر سنگھ نے اشتراک، علم کے تبادلے اور تکنیکی مدد کے ذریعے ریاستوں میں بائیو ٹیکنالوجی انقلاب کو فروغ دینے کے حکومت کے عزم کو دہرایا۔ انہوں نے کہا کہ بہت سی ریاستوں نے بائیو ٹیکنالوجی پارکس کے قیام میں دلچسپی ظاہر کی ہے اور اس سے ہندوستان کی بایو اکانومی مزید مضبوط ہوگی۔

دوبارہ تخلیق کرنے والی ٹکنالوجیوں کی اہمیت پر روشنی ڈالتے ہوئے، سائنس اور ٹیکنالوجی کے وزیر نے محکمہ کو ہدایت دی کہ وہ ہندوستان کے بائیو مینوفیکچرنگ لینڈ سکیپ میں ان کے فروغ کو ترجیح دیں۔ انہوں نے عہدیداروں پر زور دیا کہ وہ بایو ٹکنالوجی میں ہندوستان کی خلائی شعبے کی کامیابی کو نقل کرنے کے لئے صنعت کے رہنماؤں کے ساتھ شراکت کریں۔

ڈاکٹر جتیندر سنگھ نے بایو ٹکنالوجی کے محکمے کو ہدایت کی کہ وہ بایو ٹکنالوجی کی ترقی کو تیز کرنے اور پی4 ماڈل (پبلک پرائیویٹ-پیپل پارٹنرشپ) کی سمت کام کرنے کے لیے صنعت کے ساتھ تیزی سے روابط قائم کرے۔ انہوں نے جدید بائیو مینوفیکچرنگ ٹیکنالوجیز اور سرمایہ کاری کو راغب کرنے کے لیے عالمی سطح پر بی آئی آر اے سی مراکز قائم کرنے کی تجاویز کا بھی خیر مقدم کیا۔

ڈاکٹر جتیندر سنگھ نے بایو ٹکنالوجی کی تحقیق میں ہندوستان کی عالمی پوزیشن کے بارے میں فخر سے بات کی اور کہا کہ بائیو ٹکنالوجی کے شعبہ سے آنے والے تقریباً دو تہائی تحقیقی مقالوں کے ساتھ ہندوستان دنیا بھر میں بائیو ٹیکنالوجی کی اشاعتوں میں تیسرے نمبر پر ہے۔ انہوں نے کہا، ’’یہ بین الاقوامی بائیو ٹیکنالوجی کے شعبے میں ہندوستان کے بڑھتے ہوئے اثر و رسوخ اور قیادت کی عکاسی کرتا ہے۔‘‘

ان اسٹریٹجک ہدایات کے ساتھ، ڈاکٹر جتیندر سنگھ نے بائیو ٹیکنالوجی میں ہندوستان کو ایک عالمی رہنما کے طور پر قائم کرنے کے حکومت کے وژن کو تقویت بخشی ہے، اور اس بات کو یقینی بنایا ہے کہ بائیو مینوفیکچرنگ، تحقیق اور اختراع ملک کی اقتصادی اور سائنسی ترقی کو آگے بڑھاتی ہے، تاکہ ترقی یافتہ ہندوستان  @2047 کے وزیر اعظم کے وژن کو حاصل کیا جاسکے۔

جائزہ میٹنگ میں سیکرٹری، بائیو ٹیکنالوجی ڈیپارٹمنٹ، بی آر آئی سی کے ڈائریکٹر جنرل اور بی آئی آر اے سی کے چیئرمین ڈاکٹر راجیش ایس گوکھلے، جناب جتیندر کمار، منیجنگ ڈائریکٹر، بی آئی آر اے سی اور محکمہ کے دیگر سینئر افسران اور سائنسدان موجود تھے۔

*************************

UR-9124

(ش ح ۔ ا م ۔ ش ہ ب)