2019-ம் ஆண்டு ஆகஸ்ட் மாதம் முதல், நாட்டின் அனைத்து கிராமப்புற வீட்டிற்கும் குழாய் மூலம் தூய்மையான குடிநீர் வழங்குவதற்காக ராஜஸ்தான் உள்ளிட்ட மாநிலங்கள் / யூனியன் பிரதேசங்களுடன் இணைந்து ஜல் ஜீவன் இயக்கத்தை மத்திய அரசு செயல்படுத்தி வருகிறது. குடிநீர் வழங்கல் மாநில அரசின் பொறுப்பின் கீழ் உள்ளது. எனவே, ஜல்ஜீவன் இயக்கத்தின் கீழ் குடிநீர் வழங்கல் திட்டங்களின் திட்டமிடுதல், ஒப்புதல், செயல்படுத்தல், செயல்பாடு மற்றும் பராமரிப்பு ஆகியவற்றின் பொறுப்பு மாநில மற்றும் யூனியன் பிரதேச அரசுகளிடம் உள்ளது. மத்திய அரசு மாநிலங்களுக்கு தொழில்நுட்ப மற்றும் நிதி உதவிகளை வழங்கி வருகிறது.

15.08.2019 வரை, 11.68 லட்சம் (10.84%) கிராமப்புற வீடுகளில் மட்டுமே குழாய் மூலம் குடிநீர் வழங்குவதற்கான இணைப்புகள் இருந்ததாக ராஜஸ்தான் மாநில அரசு தெரிவித்துள்ளது. ஜல்ஜீவன் இயக்கத்தின் கீழ், சுமார் 48.60 லட்சம் கூடுதல் கிராமப்புற வீடுகளுக்கு குழாய் மூலம் குடிநீர் இணைப்புகள் வழங்கப்பட்டுள்ளன. எனவே, 24.03.2025 அன்று நிலவரப்படி, மாநிலத்தில் உள்ள 107.75 லட்சம் கிராமப்புற வீடுகளில், சுமார் 60.29 இலட்சம் (55.95%) கிராமப்புற வீடுகளுக்கு குழாய்  மூலம் குடிநீர் வழங்குவதற்கான இணைப்பு ஏற்படுத்தப்பட்டுள்ளது.

மக்களவையில் கேள்வி ஒன்றுக்கு எழுத்து மூலம் அளித்துள்ள பதிலில் ஜல்சக்தி துறை இணையமைச்சர் திரு. வி. சோமண்ணா இதனைத் தெரிவித்துள்ளார்.

மேலும் விவரங்களுக்கு இந்த ஆங்கிலச் செய்திக்குறிப்பைக் காணலாம் : https://pib.gov.in/PressReleasePage.aspx?PRID=2115707  

***

TS/SV/RJ/DL

(Release ID: 2115877) Visitor Counter : 29