ماہی پروری کا محکمہ، ماہی پروری، حیوانات اور ڈیری کی وزارت ،حکومت ہند  نے ماہی گیری کے شعبے کی صلاحیت کو تسلیم کرتے ہوئے، 2015 سے اب تک ماہی پروری اور آبی زراعت کی جامع ترقی اور مچھواروں کی فلاح و بہبود کے لیے 38,572 کروڑ روپے کی اسکیموں کے ذریعے سرمایہ کاری میں خاطر خواہ اضافہ کیا ہے، جس میں مغربی بنگال اور اینڈومن اور نکوبار جزائر بھی شامل ہیں۔ یہ اسکیمیں درج ذیل ہیں:

(i) نیلے انقلاب کی اسکیم جسے 2015-16 سے 2019-20 تک نافذ کیا گیا اور جس کی مرکزی سرکاری رقم 3,000 کروڑ روپے تھی، اس نے 5,000 کروڑ روپے کی کل سرمایہ کاری کی حوصلہ افزائی کی۔ (ii) ماہی پروری اور آبی زراعت کے انفراسٹرکچر کی ترقی کے لیے فنڈ، جس کا آغاز 2018-19 میں ہوا اور اس کا فنڈ سائز 7,522.48 کروڑ روپے تھا۔ (iii) پردھان منتری متسیہ سمپدا یوجنا (PMMSY)، جو 2020-21 سے 2024-25 تک نافذ کی جا رہی ہے، اس میں 20,050 کروڑ روپے کی سرمایہ کاری کی گئی ہے۔ (iv) پردھان منتری متسیہ کسان سمردھی سہ یوجنا (PM-MKSSY) جس کا آغاز 2023-24 سے 2026-27 تک ہوگا اور اس کی کل رقم 6,000 کروڑ روپے رکھی گئی ہے۔

اس کے علاوہ، حکومتِ ہند نے ماہی گیروں اور ماہی کسانوں کو ان کی ورکنگ کیپیٹل ضروریات کو پورا کرنے کے لیے کسان کریڈٹ کارڈ (KCC) کی سہولت بھی فراہم کی ہے۔

وزارت  نے گزشتہ چار سالوں (2020-21 سے 2023-24) اور موجودہ سال (2024-25) میں مختلف ریاستی حکومتوں، یونین ٹریٹریز اور دیگر عملیاتی ایجنسیوں کے ماہی پروری کی ترقیاتی تجاویز کو 20,990.79 کروڑ روپے کی منظوری دی ہے، جس میں مرکزی حصہ 8,926.28 کروڑ روپے ہے، جو پردھان منتری متسیہ سمپدا یوجنا (PMMSY) کے تحت ملک میں ماہی پروری اور آبی زراعت کی ترقی کے لیے مختص کیا گیا ہے۔ اس میں شامل ہیں:(i) مغربی بنگال کی حکومت کی تجاویز جن کی منظوری 544.39 کروڑ روپے کی لاگت سے دی گئی ہے، جس میں مرکزی حصہ 225.55 کروڑ روپے ہے۔ (ii) انڈومان  اور نکوبار انتظامیہ کی تجاویز جن کی منظوری 58.67 کروڑ روپے کی لاگت سے دی گئی ہے، جس میں مرکزی حصہ 31.23 کروڑ روپے ہے۔

پردھان منتری متسیاہ سمپدا یوجنا (PMMSY) مختلف طریقوں سے ماہی پروری کے شعبے کی مسابقت کو بڑھانے کے لیے کلسٹر پر مبنی نقطہ نظر اپنانے کی تجویز دیتی ہے، جس سے معیشتوں کی پیمانہ سازی، بلند آمدنی، اور ماہی پروری اور آبی زراعت کی ترقی کو تیز کرنے میں مدد ملتی ہے، جو ایک منظم طریقے سے کلسٹر پر مبنی طریقے سے بڑھائی جاتی ہے۔

ماہی پروری کے محکمہ، حکومتِ ہند نے ریاستی حکومتوں اور مرکز کے زیر انتظام علاقوں  کو "ماہی پروری کے شعبے میں پیداوار اور پروسیسنگ کلسٹرز کے لیے معیاری آپریٹنگ طریقہ کار (SOP)" جاری کیا ہے تاکہ PMMSY کے تحت ماہی پروری اور آبی زراعت کے مختلف شعبوں میں کلسٹرز کو نافذ کیا جا سکے۔ ریاستوں اور مرکز کے زیر انتظام علاقوں  کو ماہی پروری اور آبی زراعت کی ترقی کے لیے کلسٹر پر مبنی نقطہ نظر کو اپنانے کی ہدایت دی گئی ہے۔  انڈومان و نکوبار انتظامیہ کی درخواست پر، انڈمان و نکوبار جزائر میں ٹونا ماہی گیری کے کلسٹر کی ترقی کو PMMSY کے تحت نوٹیفائی کیا گیا ہے۔ حکومت ہند کی طرف سے مطلع کردہ 'نیشنل میرین فشریز پالیسی، 2017' پائیداری کو یقینی بنانے کے لیے ماہی گیری کے وسائل کے تحفظ اور بہترین استعمال کے لیے رہنما اصول فراہم کرتی ہے۔ ماہی پروری کا محکمہ، ماہی پروری، حیوانات اور دودھ کی پیداوار، تحفظ کے اقدام کے طور پر، ہر سال تجارتی مچھلیوں کی نسلوں کے بڑے افزائش کے موسم کے دوران مشرقی اور مغربی ساحلوں کے ساتھ ساتھ ہندوستان کے EEZ میں ماہی گیری پر پابندی لگاتا رہا ہے۔ مشرقی ساحل پر، بشمول مغربی بنگال اور انڈمان اور نکوبار کے ساحلوں پر، ماہی گیری پر پابندی ہر سال 15 اپریل سے 15 جون تک لگائی جاتی ہے۔ ریاستیں اور مرکز کے زیر انتظام علاقے ماہی گیری کے پائیدار انتظام میں اپنا حصہ ڈالنے کے لیے اپنے میرین فشریز ریگولیشن ایکٹ کے ذریعے ریاست اور  مرکز کے زیر انتظام علاقوں  کی سمندری حدود میں ماہی گیری کی سرگرمیوں کو بھی منظم کرتے ہیں۔ اس کے علاوہ، حکومتِ ہند نے ماہی گیری کے نقصاندہ طریقوں جیسے جوڑے یا بیل ٹراولنگ اورای ای زیڈ( خصوصی اقتصادی زون)کے اندر ماہی گیری کے لیے ایل ای ڈی یا مصنوعی روشنیوں کے استعمال پر پابندی عائد کر دی ہے۔

یہ معلومات  ماہی پروری، حیوانات اور ڈیری کے وزیر مملکت جناب جارج کورین نے آج لوک سبھا میں ایک تحریری جواب میں دی۔

***

ش ح-  ف خ ۔ خ م

UR No. 8898

(Release ID: 2115045) Visitor Counter : 14