منشیات کی مانگ میں کمی کے لیے قومی ایکشن پلان (این اے پی ڈی ڈی آر) سے مستفید ہونے والے افراد کی تعداد 2023-24 میں بڑھ کر 5,81,813 ہو گئی ہے جبکہ 2022-23 میں یہ تعداد 3,39,588 تھی ۔ این اے پی ڈی ڈی آر کے تحت، رواں مالی سال 2024-25 کے دوران (19.03.2025 تک) کل 6,47,799 مستفیدین نے سماجی انصاف اور تفویض اختیارات کے محکمے کے زیر تعاون علاج اور بحالی مراکز میں خدمات حاصل کی ہیں ۔

وزارت داخلہ کےنارکوٹکس کنٹرول بیورو کےذریعہ دی گئی اطلاع کے مطابق، پچھلے تین سال کے دوران تمام ڈرگ لاء انفورسمنٹ ایجنسیوں (ڈی ایل ای اے) کے ذریعہ منشیات کی ضبطی کی تقابلی تفصیلات اور ہند-پاک سرحدی ریاستوں یعنی جموں و کشمیر، پنجاب، راجستھان اور گجرات کے ساتھ منشیات کی ضبطی (ضبط شدہ منشیات کے معاملات اور مقدار) کی تفصیلات ضمیمہ-1 کے طور پر منسلک ہیں۔

سماجی انصاف اور تفویض اختیارات کے محکمے نے 15 اگست 2020 کو شناخت شدہ 272 انتہائی کمزور اضلاع میں نشا مکت بھارت ابھیان (این ایم بی اے) کاآغاز کیا تھا اور اب اسے ملک کے تمام اضلاع میں نافذ کیا جا رہا ہے ۔ نشا مکت بھارت ابھیان نے عوام تک رسائی حاصل کی ہے اور اعلی تعلیمی اداروں، یونیورسٹی کیمپس اور اسکولوں پر توجہ مرکوز کرتے ہوئے نشہ آور اشیاء کے استعمال کے بارے میں بیداری پھیلائی ہے ۔ اب تک ، این ایم بی اے کے تحت کی جانے والی مختلف سرگرمیوں کے ذریعے، 14.79 کروڑ سے زیادہ لوگوں کو نشہ آور اشیاء کے استعمال کے بارے میں حساس بنایا گیا ہے جن میں 4.96 کروڑ سے زیادہ نوجوان اور 2.97 کروڑ سے زیادہ خواتین شامل ہیں ۔ 4.16 لاکھ سے زیادہ تعلیمی اداروں کی شرکت نے اس بات کو یقینی بنایا ہے کہ اس ابھیان کا پیغام ملک کے بچوں اور نوجوانوں تک پہنچے۔ این ایم بی اے کے آغاز کے بعد سے، منشیات کی مانگ میں کمی کے لیے قومی پلان (این اے پی ڈی ڈی آر) سے مستفید ہونے والے افراد کی تعداد 2023-24 میں بڑھ کر 5,81,813 ہو گئی ہے، جبکہ 2020-21 میں یہ تعداد 2,08,415 تھی ۔

نشے سے نجات کے لیے ایک قومی ٹول فری ہیلپ لائن، 14446 کو سماجی انصاف اور تفویض اختیارات کے محکمے کے ذریعے برقرار رکھا جا رہا ہے تاکہ اس ہیلپ لائن کے ذریعے مدد طلب کرنے والےافراد کو ابتدائی مشاورت اور فوری ریفرل خدمات فراہم کی جا سکیں۔ اس ہیلپ لائن کو صحت اور خاندانی بہبود کی وزارت (ایم او ایچ ایف ڈبلیو) کی ٹیلی مینٹل ہیلتھ اسسٹنس اینڈ نیٹ ورکنگ ایکراس اسٹیٹس (ٹیلی مانس) ہیلپ لائن کے ساتھ مربوط کیا گیا ہے تاکہ اس بات کو یقینی بنایا جا سکے کہ مدد کے متلاشیوں کو نفسیاتی مدد اور ضرورت مند لوگوں کوکاؤنسلنگ کی خدمات حاصل ہوں ۔ ٹیلی مانس ایک پہل ہے جسے ایم او ایچ ایف ڈبلیو نے اکتوبر 2022 میں شروع کیا تھا تاکہ پورے ملک میں چوبیس گھنٹے مفت ٹیلی مینٹل صحت کی خدمات فراہم کی جا سکیں ۔

وزارت داخلہ کے نارکوٹکس کنٹرول بیورو کی اطلاع کے مطابق، حکومت ہند نے بہتر سرحدی کنٹرول میکانزم کے لیے پڑوسی ممالک کے ساتھ ہم آہنگی اور تعاون کو بہتر بنانے کے لیے اہم اقدامات کیے ہیں ۔ تفصیلات ضمیمہ-II کے طور پر منسلک ہیں ۔

********

ش ح۔ک ح۔م ا

U NO-8862

(Release ID: 2114835) Visitor Counter : 22