ہندوستان کے اسٹارٹ اپ ایکو سسٹم کو تقویت دینے کے لیے ایک اہم اقدام کے طور پر صنعت اور داخلی تجارت کے فروغ کے محکمے (ڈی پی آئی آئی ٹی) نے یس بینک کے ساتھ ایک مفاہمت نامے پر دستخط کیے ہیں۔ اس کا مقصد اختراع کو فروغ دینا اور ملک بھر میں پروڈکٹ اسٹارٹ اپس، اختراع کاروں اور کاروباریوں کو اہم تعاون فراہم کرنا ہے۔

یہ شراکت داری ڈی پی آئی آئی ٹی کی اسٹارٹ اپ انڈیا پہل اور یس بینک کی مالی مہارت کا فائدہ اٹھائے گی تاکہ ابتدائی مرحلے کے منصوبوں کے لیے مارکیٹ کے روابط، فنڈنگ تک رسائی، رہنمائی اور بنیادی ڈھانچے کی مدد کو آسان بنایا جا سکے۔ اسٹارٹ اپس کو یس بینک کے ہیڈ اسٹارٹ اپ پروگرام سے فائدہ ہوگا، جو ورکنگ کیپٹل، کریڈٹ تک رسائی اور کیش فلو مینجمنٹ سمیت موزوں بینکنگ اور مالیاتی حل پیش کرتا ہے۔ مزید برآں، وہ یس بینک کے وسیع نیٹ ورک، اسٹریٹجک شراکت داری اور صنعت کی مہارت تک رسائی حاصل کریں گے، جس سے وہ کارروائیوں کو بڑھانے اور سرمایہ کاری کو مؤثر طریقے سے راغب کرنے کے قابل ہو جائیں گے۔

اس موقع پر خطاب کرتے ہوئے ڈی پی آئی آئی ٹی کے جوائنٹ سکریٹری جناب سنجیو نے تعاون کی اہمیت پر زور دیتے ہوئے کہا کہ "ہندوستان کا مینوفیکچرنگ اور اسٹارٹ اپ ایکو سسٹم تبدیلی کے دوراہے پر ہے اور اس طرح کی شراکت داری اختراع پر مبنی ترقی کو آگے بڑھانے میں اہم کردار ادا کرتی ہے ۔ ہمیں ابھرتے ہوئے اسٹارٹ اپس کو پیمانے اور ترقی کے لیے صحیح وسائل اور مواقع فراہم کرنے کے لیے یس بینک کے ساتھ تعاون کرنے پر خوشی ہے ۔

اس مفاہمت نامے پر ڈی پی آئی آئی ٹی کے ڈائریکٹر ڈاکٹر سمیت جارنگل اور یس بینک کے زونل سربراہ روہت انیجا نے دونوں تنظیموں کے سینئر عہدیداروں کی موجودگی میں دستخط کیے۔ یہ تعاون ہندوستان میں ایک مضبوط اور خود کفیل اسٹارٹ اپ ایکو سسٹم بنانے کی طرف ایک اہم قدم ہے۔

********

ش ح ۔   م ع۔   م ت                                            

U - 8598

(Release ID: 2113333) Visitor Counter : 20