بھاری صنعتوں اور اسٹیل کے مرکزی وزیر جناب ایچ ڈی کمارسوامی نے19 مارچ 2025کو بھاری صنعتوں کی وزارت کی پارلیمانی مشاورتی کمیٹی کی میٹنگ کی صدارت کی۔ میٹنگ میں بھاری صنعتوں اور اسٹیل کے مرکزی وزیر مملکت جناب بھوپتی راجو سری نواس ورما، کمیٹی کے اراکین، جناب کامران رضوی، سکریٹری، ایم ایچ آئی، ڈاکٹر حنیف قریشی، ایڈیشنل سکریٹری، جناب  وجے متل، جوائنٹ سکریٹری، ایم ایچ آئی، جناب  ایس جے سنہا  مشیر، نیتی آیوگ، وزارت کے دیگر سینئر افسران نے شرکت کی۔

میٹنگ کے دوران "بھاری برقی آلات کی تیاری" اور "الیکٹرک وہیکلز کی حوصلہ افزائی" پر پریزنٹیشنز اور بات چیت ہوئی۔ بات چیت میں ای وی کو اپنانے میں تیزی لانے، مینوفیکچرنگ ایکو سسٹم کو بڑھانے، اور پائیدار نقل و حمل اور انفراسٹرکچر کی بڑھتی ہوئی مانگ کو پورا کرنے کے لیے بھاری برقی آلات کی گھریلو پیداوار کو مضبوط بنانے پر توجہ مرکوز کی گئی۔

میٹنگ سے خطاب کرتے ہوئے بھاری صنعتوں اور اسٹیل کے مرکزی وزیر جناب ایچ ڈی کمارسوامی نے کہا کہ ’’عزت مآب وزیر اعظم جناب نریندر مودی کی دور اندیش قیادت میں، ہندوستان امرت کال میں تبدیلی کی پیشرفت کر رہا ہے، جس کا مقصد ایک عالمی صنعتی پاور ہاؤس بننا ہے۔‘‘    ’’ وِکست بھارت 2047‘‘ ویژن ہندوستان کو ایک اہم مینوفیکچرنگ اور ایکسپورٹ ہب کے طور پر کھڑا کرتا ہے، اقتصادی لچک کو فروغ دیتا ہے، صنعتی قیادت اور ٹکنالوجی کی خود مختاری کو فروغ دیتا ہے۔ جی ڈی پی میں 17 فیصد، انجینئرنگ، کیپٹل گڈس، آٹوموٹیو، اور قابل تجدید ذرائع کے ساتھ اقتصادی ترقی میں کلیدی کردار ادا کرنے والے شعبے شامل ہیں ۔

جناب  ایچ ڈی کمارسوامی نے کہا کہ بھاری صنعتوں کی وزارت مستقبل کی حکمت عملی کے ساتھ کام کر رہی ہے: ’’عالمی سطح پر مسابقتی، سبز اور ٹیکنالوجی سے چلنے والے بھاری صنعت کے مینوفیکچرنگ سیکٹر، بشمول آٹوموٹیو اور کیپٹل گڈس سیکٹر، جو ترقی اور روزگار کے مواقع پیدا کرتا ہے۔‘‘ انڈین کیپیٹل گڈس سیکٹر (فیز I اور II) میں مسابقت میں اضافہ جیسی اسکیمیں،ایف اے ایم ای، پی ایل آئی برائے آٹوموٹیو اور ایڈوانسڈ کیمسٹری سیل، اورپی ایم ای-ڈرائیو کو مضبوط گھریلو مینوفیکچرنگ ماحولیاتی نظام کی تعمیر کے مقصد کے ساتھ شروع کیا گیا ہے۔

میٹنگ کے دوران مرکزی وزرائے مملکت برائے ہیوی انڈسٹریز اور اسٹیل، جناب بھوپتی راجو سری نواس ورما نے کہا کہ’’عالمی سطح پر مسابقتی مینوفیکچرنگ سیکٹر ہندوستان کی اقتصادی ترقی اور روزگار کے مواقع پیدا کرنے کی سب سے بڑی صلاحیت ہے۔ ہندوستان کی مینوفیکچرنگ کی صلاحیت کو بڑھانے کے لیے قومی مینوفیکچرنگ پالیسی اورپی ایل آئی اسکیم جیسے کئی اہم اقدامات شروع کیے گئے ہیں۔‘‘

جناب  بھوپتی راجو سری نواس  ورما نے کہا کہ جب نقل و حرکت کے شعبے کی بات آتی ہے تو بھاری صنعتوں کی وزارت نے اس بات کو یقینی بنانے کے لیے جان بوجھ کر اور آگے بڑھنے والے اقدامات کیے ہیں کہ برقی نقل و حرکت میں منتقلی ہموار، پائیدار اور جامع ہو۔ آٹو اور ایڈوانسڈ کیمسٹری سیلز، پی ایم ای بس سیوا-پیمنٹ سکیورٹی میکانزم، اور ہندوستان میں الیکٹرک مسافر کاروں کی تیاری کو فروغ دینے کی اسکیم ان میں سے ہر ایک مقامی مینوفیکچرنگ کو فروغ دینے، چارجنگ انفراسٹرکچر کو مضبوط بنانے، عوامی نقل و حمل کے سیکٹر میں ای وی کو سپورٹ کرنے میں اہم کردار ادا کرتی ہے۔

میٹنگ میں درج ذیل معلومات  بھی فراہم کی گئیں۔

بھاری برقی آلات کی تیاری:

بھاری صنعتوں کی وزارت ہندوستان کے مینوفیکچرنگ ماحولیاتی نظام کو مضبوط بنانے میں، خاص طور پربھاری  برقی آلات کے شعبے میں ایک اہم رول ادا کر رہی ہے۔ بھارت ہیوی الیکٹریکل لمیٹڈ (بی ایچ ای ایل)، ایم ایچ آئی کے تحت ایک اہم ادارہ، اس ترقی میں سب سے آگے رہا ہے، جس نے اس شعبے میں مقامی بنانے اور خود انحصاری میں اہم کردار ادا کیا ہے۔

اہم جھلکیاں:

• ہندوستانی مینوفیکچرنگ سیکٹر کا جی ڈی پی کا 17فیصد حصہ ہے اور مالی سال 24 تک 27.3 ملین سے زیادہ کارکنوں کو ملازمت دیتا ہے۔
• ’’میک ان انڈیا‘‘ اور پی ایل آئی اسکیم جیسے حکومتی اقدامات نے اس شعبے میں ترقی کو متحرک کیا ہے۔
• بی ایچ ای ایل نے صنعتی حل کے ساتھ ساتھ بجلی کی پیداوار اور ترسیل کے آلات سمیت مصنوعات کا ایک جامع پورٹ فولیو تیار کیا ہے۔
• کمپنی قابل تجدید توانائی کے شعبے میں، خاص طور پر شمسی اور ہوا کی توانائی میں، ہندوستان کے صاف توانائی کے اہداف کے مطابق فعال طور پر تعاون کر رہی ہے۔

الیکٹرک گاڑیوں کی حوصلہ افزائی:

ہندوستانی آٹو موٹیو انڈسٹری ملک کی معیشت میں ایک اہم کردار ادا کرتی ہے، جو جی ڈی پی کا 6.8 فیصد حصہ ہے اور تقریباً 30 ملین ملازمتیں پیدا کرتی ہے۔ برقی نقل و حرکت کو فروغ دینے کے لیے حکومت کی مسلسل کوششوں نے قابل ذکر پیش رفت کی ہے، 2024 میں 19 لاکھ سے زیادہ ای وی رجسٹرڈ ہوئے، جو کہ 2023 میں 15 لاکھ سے ایک نمایاں اضافہ ہے۔

حکومت کے اہم اقدامات:

• الیکٹرک گاڑیوں کو اپنانے میں تیز رفتاری اور تیاری(ایف اے ایم ای) اسکیم:ایف اے ایم ای اقدام کے تحت 7,400 سے زیادہ الیکٹرک بسوں کو منظوری دی گئی ہے، جس سے پائیدار شہری نقل و حرکت میں نمایاں اضافہ ہوا ہے۔
• پیداوار سے منسلک ترغیب (پی ایل آئی) اسکیم: پانچ سالوں میں 25,938 کروڑروپے کے مجموعی اخراجات کے ساتھ، پی ایل آئی اسکیم آٹوموبائل اور آٹو اجزاء کے شعبے میں ہندوستان کی مینوفیکچرنگ مسابقت کو آگے بڑھا رہی ہے۔
• بھارت  میں الیکٹرک مسافر کاروں کی تیاری کو فروغ دینے کی اسکیم (ایس ایم ای سی): اس اقدام کا مقصد معروف عالمی ای وی مینوفیکچررز سے سرمایہ کاری کو راغب کرنا اور ہندوستان کو الیکٹرک گاڑیوں کے مینوفیکچرنگ مرکز کے طور پر قائم کرنا ہے۔
• پی ایم ای ڈرائیو اسکیم: 10,900 کروڑ روپے کے مختص کے ساتھ، یہ اسکیم گرین ہاؤس گیسوں کے اخراج کو کم کرتے ہوئے  الیکٹرک وہیکل (ای وی) کو اپنانے کو فروغ دیتی ہے، پائیدار نقل و حرکت کے لیے بھارت کے عزم کو تقویت دیتی ہے۔

میٹنگ نے صاف توانائی کی منتقلی کو تیز کرنے، ایک مضبوط گھریلو مینوفیکچرنگ ماحولیاتی نظام کو فروغ دینے کے ساتھ ساتھ ای وی اور بھاری برقی آلات میں ہندوستان کو عالمی رہنما کے طور پر پوزیشن دینے کے حکومت کے عزم کی ستائش کی۔ بھاری صنعتوں کی وزارت ان پالیسیوں کو نافذ کرنے کے لیے وقف ہے جو جدت، پائیداری اور اقتصادی ترقی کو آگے بڑھاتی ہیں۔

********

ش ح۔ ع و۔ ج ا

U-8571

(Release ID: 2113189) Visitor Counter : 17