پنشن اور پنشنرز کی بہبود کے محکمے (ڈی او پی پی ڈبلیو ) نے 18 مارچ 2025 کو جے پور میں پنشنرز کے بیداری پروگرام کا انعقاد کیا۔ یہ پروگرام مرکزی حکومت کی پنشنرز ویلفیئر ایسوسی ایشن، جے پور کے تعاون سے منعقد کیا گیا جس کے دوران پنشنرز کو پنشنرز کی فلاح و بہبود کو بہتر بنانے کے لیے حکومتی اقدامات کے بارے میں آگاہ کیا گیا۔ اس پروگرام میں جن شعبوں پر تبادلہ خیال کیا گیا، ان میں بھویشیہ، انٹیگریٹڈ پنشنرز پورٹل، سی پی ای این جی آر اے ایم ایس ، پنشن عدالت، ڈی پی پی ڈبلیو کال سینٹر آپریشنز 1-800-11-1960، انوبھو، انوبھو ایوارڈیز اسپیک ویبینار سیریز، ڈیجیٹل لائف سرٹیفکیٹ مہم، چہرے کی توثیق، سی جی ایچ ایس سے متعلق صحت کی دیکھ بھال کے مسائل شامل ہیں۔ اس میں پنشنرز کی شکایات کے معیاری ازالے اور پنشنرز کو ڈیجیٹل طور پر بااختیار بنانے پر توجہ مرکوز کی گئی۔ اس پروگرام کا مقصد مرکزی حکومت کے پنشنرز اور بینکروں کو پنشن کے حقداروں اور طریقہ کار سے متعلق مختلف قواعد و ضوابط کے بارے میں بیداری پیدا کرنا ہے اور ساتھ ہی پالیسی اور طریقہ کار میں مختلف ترامیم کے ذریعے وقتاً فوقتاً ہونے والی تبدیلیوں کے بارے میں انہیں اپ ڈیٹ کرنا ہے۔

پنشنر بیداری پروگرام کے ساتھ ساتھ، 18 مارچ 2025 کو جے پور میں 8 واں بینکرز بیداری پروگرام بھی منعقد کیا گیا جس میں پنشن سے متعلق کام سنبھالنے والے پنجاب نیشنل بینک کے سی پی پی سیز کے افسران نے شرکت کی۔ محکمہ کے سینئر افسران نے پنشنرز کی شکایات کے ازالے کے لیے بہتر تال میل، ڈیجیٹل لائف سرٹیفکیٹ مہم کے انعقاد اور چہرے کی تصدیق کرنے والی ٹیکنالوجی کے استعمال پر بینکرز کے ساتھ بات چیت کی۔ سنٹرل پنشن پروسیسنگ سینٹرز اور مختلف بینکوں میں پنشن سے متعلق کام کو سنبھالنے والے فیلڈ فنکشنز کے لیے بیداری پروگراموں کے سلسلے میں یہ آٹھویں ورکشاپ تھی۔

پنشن اور پنشنرز کی بہبود کے محکمے کے پنجاب نیشنل بینک کے سینئر افسران سینئر افسران اور مرکزی حکومت کی پنشنرز ویلفیئر ایسوسی ایشن کے عہدیداروں نے بات چیت میں حصہ لیا۔

*********

ش  ح  ۔ ش م ۔   م  الف

U. No. 8568

(Release ID: 2113168) Visitor Counter : 47