حکومت ہند سیچوریشن ماڈل کے ذریعے مختلف اسکیموں اور ترغیبات کے توسط سے اقلیتی برادریوں سمیت تمام برادریوں کی سماجی و اقتصادی صورت حال کو بہتر بنانے کی کوشش کررہی ہے۔  اس طرح تمام برادریوں کی سماجی و اقتصادی صورت حال کو قومی مرکزی دھارے کے مطابق یقینی بنایا جا رہا ہے۔ اقلیتی امور کی وزارت خاص طور پر چھ (6) مرکزی طور پر نوٹیفائیڈ اقلیتی برادریوں کو سماجی و اقتصادی اور تعلیمی طور پر بااختیار بنانے کے لیے ملک بھر میں مختلف اسکیموں کو نافذ کرتی ہے۔ یہ اسکیمیں اقلیتوں کے کمزور طبقات کے لیے ہیں۔ اقلیتی امور کی طرف سے اقلیتی برادریوں کی فلاح و بہبود کے لیے نافذ کردہ اسکیمیں/پروگرام درج ذیل ہیں:

1. تعلیمی کے اعتبار سے بااختیار بنانے کی اسکیمیں

(i)  پری میٹرک، (ii) پوسٹ میٹرک اور (iii) میرٹ-کم-مینس پر مبنی وظائف

2. روزگار اور اقتصادی بااختیار بنانے کی اسکیمیں

(i)   پردھان منتری وراثت کا سموردھن (پی ایم وکاس)

(ii) قومی اقلیتی ترقی و مالیاتی کارپوریشن (این ایم ڈی ایف سی) کے لئے ایکویٹی

اقلیتوں کو رعایتی قرضے فراہم کرنا ۔

3. بنیادی ڈھانچے کی ترقی سے متعلق اسکیم

(i) پردھان منتری جن وکاس کاریہ کرم (پی ایم جے وی کے)

ان تمام اسکیموں نے مل کر اعلیٰ سطح کی مہارتوں کے حصول ، روزی روٹی کے زیادہ سے زیادہ مواقع، روزگار کے اعلیٰ امکانات، بہتر بنیادی ڈھانچے تک بہتر رسائی ، بہتر صحت اور اقلیتی برادریوں کی مجموعی فلاح و بہبود میں تعاون کیا ہے۔

یہ معلومات اقلیتی و پارلیمانی امور کے مرکزی وزیر جناب کرن رجیجو نے آج لوک سبھا میں ایک تحریری جواب میں فراہم کیں۔

 

******

ش ح۔ م م ۔ م ر

U-NO. 8517

(Release ID: 2113001) Visitor Counter : 35