حکومت نے درج فہرست ذاتوں میں کاروبار اور اختراع کو فروغ دینے کے لیے مختلف اسکیمیں متعارف کرائی ہیں۔ وینچر کیپیٹل فنڈ برائے شیڈولڈ کاسٹ (وی سی ایف –ایس سی)،750 کروڑ  روپے کے کارپس کے ساتھ4 فیصد کوپن شرح پر 10 لاکھ روپے سے 15 کروڑ روپے تک رعایتی فنانس فراہم کرتا ہے۔ اس  فنڈ کا انتظام  آئی ایف سی آئی وینچر کیپیٹل لمیٹڈ کےذریعے کیاجاتا ہے۔

مزید برآں، امبیڈکر سوشل انوویشن اینڈ انکیوبیشن مشن (اے ایس آئی آئی ایم)، ٹیکنالوجی بزنس انکیوبیٹرز (ٹی بی  آئیز) اور اٹل انکیوبیشن سینٹرز(اے آئی سی ایس) میں ایس سی طلباء، محققین اور کاروباری افراد کی مدد کرتا ہے۔ اے ایس آئی آئی ایم کے تحت، زرعی ٹیکنالوجی، آئی ٹی، ماحولیات، فضلہ کے انتظام اور سبز توانائی جیسے شعبوں میں اسٹارٹ اپس کی مدد کے لیے تین برسوں  میں 30 لاکھ روپے کی ایکویٹی فنڈنگ ​​فراہم کی جاتی ہے۔ اب تک، اے ایس آئی آئی ایم سمیت درج فہرست ذاتوں کے لیے وینچر کیپیٹل فنڈ کے تحت ایس سی کی ملکیت والی 245 کمپنیوں کو 588.4 کروڑ روپے کی مالی امداد منظور کی گئی ہے۔

فی الحال، حکومت کا ایس سی کمیونٹی کے لئے کاروباری منصوبوں اور اسٹارٹ اپس کی سہولت کے لیے سوشل انوویشن ہب قائم کرنے کا کوئی منصوبہ نہیں ہے۔ تاہم، یہ اے ایس آئی آئی ایم اور وی سی ایف-ایس سی جیسے موجودہ اقدامات کے ذریعے کاروباری اور اختراع کو فروغ دینا جاری رکھے ہوئے ہے۔ مزید برآں، پی ایم سوراج کے ذریعے کریڈٹ تک رسائی کو آسان بنانے کے لیے اقدامات کیے گئے ہیں جو کہ سماجی انصاف اور بااختیار بنانے کے محکمے کی تمام مالیاتی شمولیت کی اسکیموں کے لیے ایک ڈیجیٹل انٹرفیس ہے اور درج فہرست ذاتوں اور دیگر پسماندہ برادریوں کے لیے کاروباری ماحولیاتی نظام کو مضبوط کرنے کے لیے رہنمائی کی حمایت اور مارکیٹ کے رابطے فراہم کرتا ہے۔

یہ جانکاری سماجی انصاف اورتفویض  اختیارات کے مرکزی وزیر ڈاکٹر وریندر کمار نے آج راجیہ سبھا میں ایک سوال کے تحریری جواب میں دی۔

***

ش ح۔ ک ا۔