রাজ্য সভাগী এম.পি. তিরু ইলায়ারাজানা ঙসি নই দিল্লীদা প্রধান মন্ত্রী, শ্রী নরেন্দ্র মোদীগা উনখ্রে

শ্রী মোদীনা য়াম্না ইকাইখুম্নরবা রোয়ল ফিলহার্মোনিক ওর্কেস্ত্রাগা লোইননা লন্দনদা হন্দক্তা উৎখিবা ইলায়ারাজাগী খ্বাইদগী অহানবা ৱেস্তর্ন ক্লাসিকেল সীমফনী, ভেলিয়েন্তপু থাগৎখ্রে। ভারত অমসুং গ্লোবল ম্যুজিক্তা মাইস্ত্রো অসিনা পীরিবা অচৌবা শাফু অদুবু মশক খঙবীরদুনা, প্রধান মন্ত্রী, শ্রী নরেনদ্র মোদীনা ইলায়ারাজাবু মালেমগী থাক্তা থোইদোক-হেন্দোক্না খ্বাইদগী অথোইবা হায়বা অসিবু লেপ্তনা অনৌবা শক্তম অমা পীরিবা, “ম্যুজিকেল তাইতন অমসুং ত্রেলব্লেজর”, অমনি হায়না য়াম্না ৱাংনা থাংগৎখি

শ্রী মোদীনা Xকী পোস্ত অমদা অসুম্না হায়রকখি;

“রাজ্য সভাগী এম.পি. তিরু ইলায়ারাজা জী, ঐখোয়গী ম্যুজিক অমসুং কলচরদা য়াম্না চাউবা শাফু অমা পীরিবা অদুগুম্বা মু্যুজিকেল জেনিয়স অসিগা উনবদা য়াম্না নুংঙাই।

মহাক অসি মওং-মতৌ খুদিংমক্তা ত্রেলব্লেজরনি অমসুং মহাক্না নুমিৎ খরনি মমাংদা লন্দনদা মহাক্কী খ্বাইদগী অহানবা ৱেস্তর্ন ক্লাসিকেল সীমফনি, ভেলিয়েন্ত উত্তুনা অমুক্কশু পুৱারি শেমখ্রে। মসিগী পার্ফোর্মেন্স অসিদা মালেম পুম্বনা খঙনরবা রোয়ল ফিলহার্মোনিক ওর্কেস্ত্রাগা লোইননা উৎখি। মসিগী য়াম্না শিংথানিংঙাই ওইরবা য়াম্না মরু ওইবা থৌওং অসিনা মালেমগী থাক্তা থোইদোক-হেন্দোক্না খ্বাইদগী অথোইবা হায়বা অসিবু লেপ্তনা অনৌবা শক্তম অমা পীরিবা-মহাক্কী মপা লৈত্রবা ম্যুজিক্কী খোংচত্তা অনৌবা পন্দুপ অমশু হাপ্লরে।

@ilaiyaraaja”

Delighted to meet Rajya Sabha MP Thiru Ilaiyaraaja Ji, a musical titan whose genius has a monumental impact on our music and culture.

He is a trailblazer in every sense and he made history yet again by presenting his first-ever Western classical symphony, Valiant, in London a… pic.twitter.com/u2WARcbrQD

— Narendra Modi (@narendramodi) March 18, 2025

*****