சமூக பொருளாதார சாதி கணக்கெடுப்பின் கீழ் பரிந்துரைக்கப்பட்ட அளவுகோல்கள் மற்றும் கிராம சபைகளால் சரிபார்ப்பு, மேல்முறையீட்டு செயல்முறையை நிறைவு செய்தல் ஆகியவற்றின் அடிப்படையில் பிரதமரின் கிராமப்புற வீட்டுவசதித் திட்டப் பயனாளிகள் அடையாளம் காணப்படுகின்றனர்.

2 கோடி கூடுதல் கிராமப்புற வீடுகளைக் கட்டுவதற்கு நிதிஉதவி வழங்கும் வகையில், பிரதமரின் கிராமப்புற வீட்டுவசதித் திட்டத்தை மேலும் 5 ஆண்டுகளுக்கு (நிதியாண்டு 2024-25 முதல் 2028-29 வரை) நீட்டிக்க மத்திய அமைச்சரவை ஒப்புதல் அளித்துள்ளது. மேலும் மாற்றியமைக்கப்பட்ட அளவுகோல்களைப் பயன்படுத்தி ஆவாஸ்+பட்டியலைப் புதுப்பிக்கவும் அமைச்சரவை ஒப்புதல் அளித்துள்ளது. வீடுகளை அடையாளம் காண்பதில் இருந்து கட்டி முடிக்கும் வரை, தொழில்நுட்ப அடிப்படையிலான தீர்வுகளைப் பயன்படுத்தி, வெளிப்படைத்தன்மையை அதிகரிக்கவும், மாநிலங்கள்/ யூனியன் பிரதேசங்களால் ஒரு புதிய கணக்கெடுப்பு நடத்தப்படுகிறது.

இதற்காக ஆவாஸ் 2024 செயலி வடிவமைக்கப்பட்டுள்ளது. இந்தச் செயலி ஆன்லைன் மற்றும் ஆஃப்லைன் முறையில் செயல்படுகிறது.

இத்திட்டத்தின் கீழ் பயனாளிகளுக்கு  மத்திய அமைச்சரவையின் ஒப்புதலின்படி நிதியுதவி வழங்கப்படுகிறது. தற்போது சமவெளிப் பகுதிகளில் ரூ. 1.20 லட்சமும், வடகிழக்கு மாநிலங்கள், மலைப்பாங்கான மாநிலங்களில் ரூ. 1.30 லட்சமும் உதவித் தொகை   வழங்கப்படுகிறது.

சில மாநிலங்கள்/யூனியன் பிரதேசங்கள் திட்டப் பயனாளிகளுக்கு வீடு கட்டுவதற்கு நிதியுதவிக்கு மேல் டாப்-அப் நிதி உதவியும் வழங்கப்படுகிறது.

இந்தத் தகவலை கிராமப்புற மேம்பாட்டுத் துறை இணையமைச்சர் டாக்டர் சந்திர சேகர் பெம்மாசானி இன்று மக்களவையில் எழுத்துப்பூர்வமாக அளித்துள்ள பதிலில் தெரிவித்துள்ளார்.

மேலும் விவரங்களுக்கு இந்த ஆங்கிலச் செய்திக்குறிப்பைக் காணவும் https://pib.gov.in/PressReleasePage.aspx?PRID=2112200

***

TS/GK/AG/KR

(Release ID: 2112365) Visitor Counter : 19