عملہ، پی جی اور پنشن کے عزت مآب وزیر مملکت ڈاکٹر جتیندر سنگھ کی ہدایت پر، پنشنرز اور فیملی پنشنروں کی ’’گذر بسر میں آسانی" کو بڑھانے کے لیے،حکومت ہند کے پنشن اور پنشنرز کی بہبود کے محکمے نے پنشن پالیسی کے ساتھ ساتھ پنشن سے متعلق عمل کو ڈیجیٹائز کرنے کے لیے کئی فلاحی اقدامات کیے ہیں۔ محکمہ نے پی این بی، ایس بی آئی، بینک آف بڑودہ، کینرا بینک، بینک آف انڈیا، سینٹرل بینک آف انڈیا اور یونین بینک آف انڈیا کے پنشن پورٹل کو مربوط کیا ہے تاکہ پنشنرز کو ایک ہی پورٹل سے بغیر کسی رکاوٹ کے بینکنگ خدمات فراہم کی جاسکیں۔

 

چونکہ پنشن تقسیم کرنے والے بڑے ادارے بینک ہیں، اس لیےپنشن اور پنشنرز کی بہبود کے محکمے نے بینکوں کے سنٹرل پنشن پروسیسنگ سینٹرز (سی پی پی سیز) کے ساتھ ساتھ بینک میں پنشن سے متعلق کام کو سنبھالنے والے ان کے فیلڈکارکنان کے لیے بیداری سے متعلق کئی  ورکشاپس کا آغاز کیا ہے۔ مزید یہ کہ محکمہ نے پنشنرز کی فلاح و بہبود کے لیے بہت سے اقدامات کیے ہیں اور انھیں پنشن سے متعلق تازہ ترین رہنما خطوط اور پالیسیوں سے واقف کرانے کی ضرورت ہے۔ پنشنرز کی گذر بسر میں آسانی کے لیے اٹھائے گئے اقدامات کے بارے میں بیداری پھیلانے کے لیے، محکمہ پنشنرز کی بیداری کے پروگراموں کا انعقاد ان علاقوں میں کرتا ہے جہاں پنشنرز کی بڑی تعداد ہے۔

 

اس مقصد کے لیے، پنشن اور پنشنرز کی بہبود کے محکمے کی مرکزی حکومت کی ایک ٹیم جناب وی سری نواس، سکریٹری، پی اینڈ پی ڈبلیوکے زیر صدارت 18 مارچ 2025 کو جے پور کےراجستھان انٹرنیشنل سینٹر میں نیشنل بینک کے افسران اور جے پور اور نواحی علاقوں کے پنشنرز کے لیے بیداری پروگراموں کا انعقاد کرے گی۔

 

ان ورکشاپس کا مقصد پنشن تقسیم کرنے والے بینکوں سے متعلق مختلف قواعد و ضوابط کے بارے میں بیداری پھیلانا ہے اور حکومت ہند کی جانب سے پنشنرز کے لیے "گذر بسر میں آسانی" کو یقینی بنانے کے لیے اٹھائے جانے والے اقدامات کے بارے میں بھی آگاہی پھیلانا ہے۔ ورکشاپ میں ان کارروائیوں کو سنبھالنے میں بینک افسران کو درپیش مسائل پر بھی توجہ مرکوز کی جائے گی تاکہ پنشنرز کی شکایات کو کم کیا جا سکے۔ اس کی مدد سے محکمہ پنشنرز کی بہتر خدمت کے لیے نئے ڈیجیٹل اقدامات کرسکے گا۔ ان بات چیت کے پروگراموں میں سی پی پی سی اور پنجاب نیشنل بینک کی پنشن سے متعلق شاخوں کے 150 سے زائد پنشنرز اور 70 افسران حصہ لے رہے ہیں۔

 

******

ش ح۔ ک ح۔ تع۔

(U-8403)

(Release ID: 2112120) Visitor Counter : 7