نیشنل ہیومن رائٹس کمیشن (این ایچ آر سی)، ہندوستان کے زیر اہتمام دو ہفتے کا آن لائن مختصر مدتی انٹرن شپ پروگرام اختتام پذیر ہو گیا ہے۔ اس کا آغاز 3 مارچ 2025 کو ہوا تھا۔ ملک کے مختلف اور دور دراز علاقوں کی مختلف یونیورسٹیوں کے 67 طلباء نے اس میں شر کت کرکے اس کو مکمل کیا۔

 

این ایچ آر سی، انڈیا کے ممبر جسٹس (ڈاکٹر) بدیوت رنجن سارنگی نے اپنے اختتامی خطاب میں انہیں مبارکباد دی۔ انہوں نے پروگرام کے سخت انتخابی عمل پر روشنی ڈالی، انسانی حقوق کے بارے میں پرجوش افراد کے انتخاب کے لیے محنتی کوشش پر زور دیا۔ پروگرام کو ایک بنیادی کورس کے طور پر ڈیزائن کیا گیا تھا تاکہ طلباء کو انسانی حقوق کے محافظوں کے طور پر سیکھنے، بڑھنے اور ترقی کرنے کے قابل بنایا جا سکے۔ انہوں نے انٹرنز کو سیکھنے کے لیے ان کی وابستگی کی تعریف کی، جو زندگی بھر کی کوشش ہے جو کبھی ختم نہیں ہوتی۔

جسٹس سارنگی نے انسانی حقوق کے اداروں کے عالمی سطح پر انسانی حقوق کے فروغ اور تحفظ میں اہم کردار پر روشنی ڈالی اور انٹرنز کی حوصلہ افزائی کی کہ وہ اپنے نئے حاصل کردہ علم کو انسانیت کی خدمت کے لیے استعمال کریں۔ یہ انسانی حقوق کے کسی مخصوص مسئلے سے قطع نظر ہو سکتا ہے جس کی وہ پیروی کرنے کا انتخاب کر سکتے ہیں۔

لیفٹیننٹ کرنل وریندر سنگھ، ڈائریکٹر، این ایچ آر سی، انڈیا نے انٹرن شپ رپورٹ پیش کی۔این ایچ آر سی کے سینئر افسران، ماہرین اور سول سوسائٹی کے نمائندوں کے انسانی حقوق کے مختلف پہلوؤں پر سیشن کے علاوہ، انٹرنز کو تہاڑ جیل، پولیس اسٹیشن اور دہلی میں آشا کرن شیلٹر ہوم کے ورچوئل دورے بھی کرائے گئے۔ انہیں مختلف سرکاری اداروں کے کام کرنے کے طریقہ کار، انسانی حقوق کے تحفظ کے طریقہ کار، زمینی حقائق اور معاشرے کے کمزور طبقات کے حقوق کے تحفظ کے لیے ضروری اقدامات کے بارے میں آگاہی دی گئی۔ انہوں نے  تبصرہ ٔ کتب، گروپ ریسرچ پروجیکٹ پریزنٹیشن اور تقریری مقابلے کے فاتحین کا بھی اعلان کیا۔

*****

 (ش ب-م ح-م ش)

U-8347

 

(Release ID: 2111752) Visitor Counter : 23