مرکزی وزیر مملکت (آزادانہ چارج) برائے سائنس اور ٹیکنالوجی؛ ارتھ سائنسز اور وزیر مملکت برائے پی ایم او، محکمہ جوہری توانائی، خلائی محکمہ، عملہ، عوامی شکایات اور پنشن، ڈاکٹر جتیندر سنگھ نے آج یہاں کہا کہ ’ٹیکنالوجی پارکس‘ ڈیپ ٹیک اسٹارٹ اپس کی سہولت کے لیے تیار کیے جا رہے ہیں۔

جاری منصوبوں اور مستقبل کے اقدامات کا جائزہ لینے کے لیے محکمہ سائنس اور ٹیکنالوجی کے سکریٹری اور اعلیٰ حکام کے ساتھ ایک اعلیٰ سطحی جائزہ میٹنگ کی صدارت کرتے ہوئے، ڈاکٹر جتیندر سنگھ نے انکشاف کیا کہ ٹیکنالوجی ٹرانسلیشن ریسرچ پارکس  میں چار موجودہ ٹیکنالوجی کے جدت طرازی کے مرکزوں کو ڈیپ ٹیک اسٹارٹ اپس اور انڈسٹری-اکیڈمی پارٹنرشپ کی سہولت فراہم کرنا ہے۔ آئی آئی ٹی کانپور (سائبر سیکیورٹی)، آئی آئی ایس سی بنگلور (روبوٹکس اور خود مختار نیویگیشن)، آئی آئی ٹی اندور (صحت کی دیکھ بھال) اور آئی ایس ایم دھنباد (کان کنی) میں واقع یہ مرکز، ترجمہی تحقیق کے لیے بنیادی ڈھانچہ اور مدد فراہم کریں گے۔

میٹنگ نے ابھرتے ہوئے ٹکنالوجی ڈومینز بشمول ہائیڈروجن انرجی، کوانٹم کمپیوٹنگ، اور ٹیکنالوجی اختراعی مرکزوں میں ہندوستان کی ترقی پر توجہ مرکوز کی۔

بحث کے دوران، ڈاکٹر جتیندر سنگھ کو نیشنل گرین ہائیڈروجن مشن کے بارے میں بریفنگ دی گئی، جہاں ڈی ایس ٹی کو نافذ کرنے والی ایجنسی کے طور پر تیار کیا گیا ہے۔

ڈاکٹر جتیندر سنگھ نے نئی اور قابل تجدید توانائی کی وزارت کے ساتھ تال میل کی ضرورت پر زور دیا تاکہ عمل درآمد کو تیز کیا جا سکے اور مؤثر پالیسی کی ترتیب کو یقینی بنایا جا سکے۔

وزیر نے قومی کوانٹم مشن کے تحت ہونے والی پیشرفت کا بھی جائزہ لیا، جہاں ہندوستان نے آئی آئی ایس سی بنگلو رو،آئی آئی ٹی بامبے ، آئی آئی ٹی دہلی ، آئی آئی ٹی مدراس  میں چار کوانٹم ٹیکنالوجی مرکز قائم کیے ہیں۔ یہ مرکز کمپیوٹنگ، کمیونیکیشن، سینسنگ، میٹرولوجی، مواد اور آلات پر فوکس کرتے ہیں۔

حکام نے اطلاع دی کہ مشن نے اب تک آٹھ کوانٹم اسٹارٹ اپس کو سپورٹ کیا ہے، جن میں سے دو کیو پی آئی اے آئی ،اور کیو این پی لیبز جدید کوانٹم کمپیوٹنگ اور کمیونیکیشن سلوشنز تیار کر رہے ہیں۔ ڈاکٹر جتیندر سنگھ نے کوانٹم ریسرچ اور اس کے تجارتی استعمال کو تیز کرنے کے لیے صنعت کے تعاون کی اہمیت کو اجاگر کیا۔

مزید برآں، میٹنگ میں ٹیکنالوجی کے چار موجودہ جدت طرازی کے مرکزوں کو ٹیکنالوجی ٹرانسلیشن ریسرچ پارکس  میں اپ گریڈ کرنے کا احاطہ کیا گیا تاکہ ڈیپ ٹیک اسٹارٹ اپس اور انڈسٹری-اکیڈمیا پارٹنرشپ کو سہولت فراہم کی جا سکے۔ آئی آئی ٹی کانپور (سائبر سیکیورٹی)، آئی آئی ایس سی بنگلور (روبوٹکس اور خود مختار نیویگیشن)، آئی آئی ٹی اندور (صحت کی دیکھ بھال) اور آئی ایس ایم دھنباد (کان کنی) میں واقع یہ مرکز، ترجمہ تحقیق کے لیے بنیادی ڈھانچہ اور مدد فراہم کریں گے۔

وزیر نے سائنس اور ٹیکنالوجی میں ہندوستان کے بڑھتے ہوئے بین الاقوامی تعاون پر بھی تبادلہ خیال کیا۔ انہوں نے تحقیقی تعاون کو مضبوط بنانے کے لیے امریکہ اور یورپی یونین سمیت عالمی شراکت داروں کے ساتھ حالیہ مصروفیات کا اعتراف کیا۔ عہدیداروں نے اس بات پر روشنی ڈالی کہ ہندوستان یورپی یونین کے ہورائزن ریسرچ پروگرام میں ایک ایسوسی ایٹ ممبر کے طور پر حصہ لینے کے لئے تیار ہے، مالی اور پالیسی مذاکرات زیر التوا ہیں۔

ڈاکٹر جتیندر سنگھ نے ٹیکنالوجی پر مبنی حل کو آگے بڑھانے اور ہندوستانی سائنسدانوں، کاروباریوں اور محققین کے لیے مواقع پیدا کرنے کے لیے حکومت کے عزم کا اعادہ کیا۔ میٹنگ کلیدی پروجیکٹوں کے نفاذ کو تیز رفتاری سے چلانے اور ہندوستان کی سائنسی اور تکنیکی ترقی میں مسلسل رفتار کو یقینی بنانے کی ہدایت کے ساتھ اختتام پذیر ہوئی۔

ش ح ۔ ال

U-8304