گذشتہ پانچ مالی برسوں کے دوران یونیفائیڈ پیمنٹ انٹرفیس (یو پی آئی) کے ذریعے لین دین سمیت ڈیجیٹل ادائیگی کے لین دین میں لگاتار اضافہ ہوا ہے۔

گذشتہ پانچ مالی برسوں کے دوران کل ڈیجیٹل ادائیگی لین دین (یو پی آئی کے ذریعے لین دین سمیت)

* جنوری 2025 تک

یو پی آئی ٹرانزیکشن فراڈ سمیت ادائیگی سے متعلق دھوکہ دہی کو روکنے کے لیے حکومت، ریزرو بینک آف انڈیا (آر بی آئی) اور نیشنل پیمنٹ کارپوریشن آف انڈیا (این پی سی آئی) کے ذریعے وقتا فوقتا مختلف اقدامات کیے گئے ہیں۔ ان میں کسٹمر موبائل نمبر اور ڈیوائس کے درمیان ڈیوائس بانڈنگ، پن کے ذریعے دو عوامل کی تصدیق، روزانہ ٹرانزیکشن کی حد، استعمال کے معاملات پر حدود اور پابندیاں وغیرہ شامل ہیں۔ مزید برآں، این پی سی آئی تمام بینکوں کو اے آئی / ایم ایل پر مبنی ماڈل کا استعمال کرتے ہوئے الرٹ کرنے اور لین دین کو کم کرنے کے لیے دھوکہ دہی کی نگرانی کا حل فراہم کرتا ہے۔ آر بی آئی اور بینک مختصر ایس ایم ایس، ریڈیو مہم، ’سائبر کرائم‘ کی روک تھام کے بارے میں تشہیر وغیرہ کے ذریعے بیداری مہم بھی چلا رہے ہیں۔

اس کے علاوہ، شہریوں کو مالی دھوکہ دہی سمیت کسی بھی سائبر واقعہ کی اطلاع دینے میں سہولت فراہم کرنے کے لیے، وزارت داخلہ (ایم ایچ اے) نے ایک قومی سائبر کرائم رپورٹنگ پورٹل (www.cybercrime.gov.in) کے ساتھ ساتھ ایک قومی سائبر کرائم ہیلپ لائن نمبر ’’1930‘‘ بھی شروع کی ہے۔ مزید برآں، محکمہ ٹیلی مواصلات (ڈی او ٹی) نے ڈیجیٹل انٹیلی جنس پلیٹ فارم (ڈی آئی پی) اور ’چکشو‘ سہولت شروع کی ہے جو شہریوں کو کال، ایس ایم ایس یا واٹس ایپ پر موصول ہونے والی مشتبہ دھوکہ دہی کی اطلاع دینے کے قابل بناتی ہے۔

خزانہ کے وزیر مملکت جناب پنکج چودھری نے آج راجیہ سبھا میں ایک تحریری جواب میں یہ اطلاع دی۔

***

(ش ح – ع ا)

U. No. 8150

(Release ID: 2110503) Visitor Counter : 8