انڈین کونسل آف میڈیکل ریسرچ (آئی سی ایم آر) نے مطلع کیا ہے کہ 2024 میں کی گئی ایک تحقیق اور انڈین اکیڈمی آف سائنسز آن ہیومن ہیلتھ رسک اسیسمنٹ میں شائع ہونے والی ایک تحقیق سے یہ بات سامنے آئی ہے کہ ندی نالوں کے قریب رہنے والے لوگ کینسر کی بیماری کا بہت زیادہ شکار ہوتے ہیں اور خطرے کی مقدار حد سے زیادہ دیکھی جاتی ہے جس سے غیر سرطانی خطرات لاحق ہوتے ہیں۔ مطالعہ کے نتائج سے پتہ چلتا ہے کہ سیسہ، آئرن اور ایلومینیم سنٹرل پولوشن کنٹرول بورڈ کی منظور شدہ حد سے زیادہ ہیں۔

کینسر کے علاج کے لیے اٹھائے گئے اقدامات کے سلسلے میں، مرکزی حکومت ٹرٹیری کیئر کینسر کی سہولتوں کی اسکیم کو مضبوط بنانے کے ذریعے کینسر کی نگہداشت اور علاج کی رسائی کو بہتر بنانے کے لیے پرعزم ہے۔ اس پہل کے تحت، 19 ریاستی کینسر انسٹی ٹیوٹ (ایس سی آئی) اور 20 ٹرشری کیئر کینسر مراکز(ٹی سی سی سی) کو جدید تشخیصی اور علاج کی سہولیات فراہم کرنے کی منظوری دی گئی ہے۔ خاص طور پر، ہریانہ کے جھجر میں نیشنل کینسر انسٹی ٹیوٹ اور کولکتہ میں چترنجن نیشنل کینسر انسٹی ٹیوٹ کا دوسرا کیمپس کینسر کی دیکھ بھال کی خدمات کو مزید بڑھانے کے لیے قائم کیا گیا ہے۔

اس کے علاوہ، تمام 22 نئے آل انڈیا انسٹی ٹیوٹ آف میڈیکل سائنسز (ایمس) میں کینسر کے علاج کی سہولیات کو منظوری دی گئی ہے، جو جامع تشخیصی، طبی، اور جراحی خدمات پیش کرے گی۔ حکومت اس بات کو یقینی بناتی ہے کہ ان ہسپتالوں میں علاج یا تو مفت ہو یا غریبوں اور ضرورت مندوں کے لیے انتہائی رعایتی ہو، جس سے ضروری صحت کی دیکھ بھال سب کے لیے قابل رسائی ہو۔

آیوشمان بھارت – پردھان منتری جن آروگیہ یوجنا (اے بی پی ایم جے اے وائی) کے تحت کینسر کا علاج بھی شامل ہے، جو ثانوی اور ٹرشری نگہداشت کے لیے سالانہ 5 لاکھ روپے تک فی خاندان فراہم کرتا ہے۔ اس اسکیم سے تقریباً 55 کروڑ لوگوں (12.37 کروڑ خاندانوں) کو نیچے کی 40 فیصد آبادی سے فائدہ ہوتا ہے۔ حال ہی میں، پی ایم – جے اے وائی نے آمدنی سے قطع نظر، 70 سال اور اس سے زیادہ عمر کے تمام بزرگ شہریوں کے لیے ہیلتھ کوریج میں توسیع کی۔ اس اسکیم میں 200 سے زیادہ پیکجز شامل ہیں جن میں نیشنل ہیلتھ بینیفٹ پیکیج (ایچ بی پی) کے اندر میڈیکل آنکولوجی، سرجیکل آنکولوجی، ریڈی ایشن آنکولوجی، اور فالج میڈیسن سے متعلق 500 سے زیادہ طریقہ کار شامل ہیں۔

کینسر کے علاج میں مزید معاونت کے لیے، پردھان منتری بھارتیہ جنوشدھی پریوجنا (پی ایم بی جے پی) کو پردھان منتری بھارتیہ جنوشدھی کیندرز (پی ایم بی جے کے) کے نام سے معروف دکانوں کے قیام کے لیے شروع کیا گیا ہے۔ 28 فروری 2025 تک، ملک بھر میں کل 15,057 پی ایم بی جے کے کھولے گئے ہیں، جو سستی قیمتوں پر معیاری جنرک ادویات فراہم کر رہے ہیں۔ اس اسکیم میں 2,047 قسم کی دوائیں اور 300 جراحی کے آلات شامل ہیں، جن میں 87 مصنوعات خاص طور پر کینسر کے علاج کے لیے دستیاب ہیں۔

صحت اور خاندانی بہبود کی وزارت کی جانب سے شروع کی گئی قابل استطاعت ادویات اور قابل بھروسہ امپلانٹس فار ٹریٹمنٹ (امرت) پہل کا مقصد کینسر، قلبی امراض اور دیگر صحت کے حالات کے لیے قابل ادویات فراہم کرنا ہے۔ 31 جنوری 2025 تک، 29 ریاستوں اور مرکز کے زیر انتظام علاقوں میں 222 امرت فارمیسی ہیں، جو 6,500 سے زیادہ ادویات پیش کرتی ہیں، جن میں مارکیٹ کی قیمتوں میں 50فیصد تک کی رعایت پر کینسر کی ادویات بھی شامل ہیں۔

کینسر سمیت بڑی غیر متعدی بیماریوں (این سی ڈی) سے نمٹنے کے لیے، صحت اور خاندانی بہبود کے محکمہ کے ذریعے قومی پروگرام برائے روک تھام اور غیر متعدی امراض کے کنٹرول (این پی – این سی ڈی) کو نافذ کیا جا رہا ہے۔ یہ پروگرام بنیادی ڈھانچے کو مضبوط بنانے، انسانی وسائل کی ترقی، صحت کے فروغ، جلد تشخیص اور انتظام پر توجہ مرکوز کرتا ہے۔ این پی – این سی ڈی کے تحت ملک بھر میں 770 ڈسٹرکٹ این سی ڈی کلینک، 372 ڈسٹرکٹ ڈے کیئر سینٹرز اور 6,410 این سی ڈی کلینک کمیونٹی ہیلتھ سینٹرز پر قائم کیے گئے ہیں۔

کینسر کے بچاؤ کے پہلو کو آیوشمان آروگیہ مندر کے ذریعے جامع پرائمری ہیلتھ کیئر کے ذریعے تقویت دی جا رہی ہے، فلاح و بہبود کی سرگرمیوں کو فروغ دینا اور کمیونٹی کی سطح پر ٹارگٹڈ کمیونیکیشن۔ عوامی آگاہی کے اقدامات جن میں کینسر سے متعلق آگاہی کا قومی دن اور کینسر کا عالمی دن منانا شامل ہے، پرنٹ، الیکٹرانک اور سوشل میڈیا کے ذریعے منعقد کیا جا رہا ہے۔ این پی – این سی ڈی نیشنل ہیلتھ مشن کے تحت کینسر سمیت این سی ڈی سے متعلق بیداری پیدا کرنے کی سرگرمیوں کے لیے مالی مدد بھی فراہم کرتا ہے، جیسا کہ ریاستوں/ مرکز کے زیر انتظام علاقوں کے پروگرام نفاذ کے منصوبوں (پی آئی پی) میں بتایا گیا ہے۔

صحت اور خاندانی بہبود کے مرکزی وزیر مملکت جناب پرتاپ راؤ جادھو نے آج راجیہ سبھا میں ایک تحریری جواب میں بتایا۔

****

 (ش ح –ا ب ن)

U.No:8144