ٹیکسٹائل کے مرکزی وزیر جناب گری راج سنگھ نے  آج لوک سبھا میں ایک سوال کا تحریری جواب دیتے ہوئے بتایا کہ  برآمدات سمیت ٹیکسٹائل کے شعبے کی ترقی اور پیش رفت کو فروغ دینے کے لیے، حکومت متعدد اسکیموں / پہلوں کو نافذ کر رہی ہے، جن میں اسکیم فار انٹیگریٹڈ ٹیکسٹائل پارک (ایس آئی ٹی پی)، انٹیگریٹڈ پروسیسنگ ڈیولپمنٹ اسکیم (آئی پی  ڈی ایس)، پروڈکشن لنکڈ انسینٹیو (پی ایل آئی) اسکیم، نیشنل ٹیکنیکل ٹیکسٹائل مشن  (این ٹی ٹی ایم)، سمرتھ – ٹیکسٹائل کے شعبے  اے  ٹی یو ایف ایس  میں  صلاحیت سازی  کے لئے  اسکیم، سلک سمگر-2،  نیشنل ہینڈلوم ڈویلپمنٹ پروگرام (این ایس ڈی پی) اور نیشنل ہینڈی کرافٹ ڈیولپمنٹ پروگرام (این ایچ  ڈی پی) وغیرہ شامل ہیں۔

کپڑے کی صنعت  کی پوری ویلیو چین کے لیے مربوط بڑے پیمانے پر  اور جدید صنعتی بنیادی ڈھانچے کی سہولت تیار کرنے کے مقصد سے، حکومت نے 7 (سات) پی ایم میگا انٹیگریٹڈ ٹیکسٹائل ریجن اینڈ اپیرل (پی ایم –  مترا) پارکس گرین فیلڈ / براؤن فیلڈ سائٹس میں 2021-22 سے 2027-28 کی مدت کے لیے 4,445 کروڑ روپے  تخمینہ لاگت  سے قائم کرنے کی منظوری دی ہے۔ حکومت نے 7 سائٹس کو تمل ناڈو (ویردھ نگر)، تلنگانہ (ورنگل)، گجرات (نوساری)، کرناٹک (کالابرگی) ، مدھیہ پردیش (دھار)، اتر پردیش (لکھنؤ) اور مہاراشٹرا (امروتی) پی ایم مترا پارکس قائم کرنے کے لیے حتمی شکل دی  گئی ہے ۔

پی ایم مترا اسکیم کو نافذ کرنے کے لیے حکومت ہند اور پی ایم مترا ریاستوں کے درمیان مفاہمت ناموں کے ساتھ ساتھ جے وی معاہدوں پر دستخط کیے گئے ہیں۔ تمام گرین فیلڈ پی ایم مترا پارکس میں خصوصی مقصد کی گاڑیاں (ایس پی ویز) شامل کی گئی ہیں، جن میں ریاستی حکومتوں کی ایس پی وی میں 51فیصد  حصہ داری ہے اور بقیہ 49 فیصد  حکومت ہند کے پاس ہے۔

ان کے مکمل ہونے کے بعد، یہ توقع کی جاتی ہے کہ ہر پی ایم مترا پارک تقریباً 10,000 کروڑ روپے کی سرمایہ کاری کو راغب کرے گا اور تقریباً 3 لاکھ (براہ راست / بالواسطہ) روزگار کے مواقع پیدا ہوں گے ۔

بین الاقوامی، قومی اور مقامی سطحوں پر ریاستوں، سرمایہ کاروں، ممکنہ پارک ڈویلپرز سمیت مختلف شراکت داروں کے ساتھ تقریباً 50 مختلف سطحوں پر مشاورت اور بات چیت  کی جا چکی ہے ۔

************

 

U.No:8088

ش ح۔م ش۔ق ر

(Release ID: 2110144) Visitor Counter : 11