لوک سبھا سکریٹریٹ
بھگت سنگھ کوشیاری غیر معمولی شخصیت کے حامل ہیں جو مثالی انداز میں سادہ زندگی بسر کر رہے ہیں: لوک سبھا کے اسپیکر کا اظہار خیال
بھگت سنگھ کوشیاری جی خدمت، لگن، اصولوں اور روحانیت کا پیکر ہیں: لوک سبھا کے اسپیکر کا اظہار خیال
لوک سبھا کے اسپیکر نے ’پروت شرومنی بھگت سنگھ کوشیاری ‘ نامی کتاب کا اجرا کیا
Posted On:
09 MAR 2025 7:36PM by PIB Delhi
لوک سبھا کے اسپیکر جناب اوم برلا نے آج اتراکھنڈ کے سابق وزیر اعلیٰ، مہاراشٹر اور گوا کے سابق گورنر، اور سابق رکن پارلیمنٹ جناب بھگت سنگھ کوشیاری کی ایک ایسی غیر معمولی شخصیت کے طور پر ستائش کی جو مثالی انداز میں ایک سادہ سی زندگی بسر کر رہے ہیں۔جناب برلا نے مشاہدہ کیا کہ جناب کوشیاری کی جدوجہد، زندگی اور قوم اور سماج کے لیے ان کا تعاون نہ صرف موجودہ نسل کے لیے بلکہ آنے والی نسلوں کے لیے بھی باعث تحریک ہے۔
انہوں نے ان خیالات کا اظہار آج دہلی میں اندراگاندھی نیشنل سینٹر فار آرٹس (آئی جی این سی اے) میں جناب مدن موہن کے ذریعہ تصنیف کردہ ’’پروت شرومنی بھگت سنگھ کوشیاری‘‘ نامی کتاب کا اجرا کرتے ہوئے کیا۔ جناب بھگت سنگھ کوشیاری؛ جناب موہن سنگھ بشٹ، ڈپٹی اسپیکر، دہلی قانون ساز اسمبلی؛ ڈاکٹر سچیدانند جوشی، رکن سکریٹری، آئی جی این سی اے؛ پروفیسر شری نواس وراکھیڈی، وائس چانسلر، سینٹرل سنسکرت یونیورسٹی اور دیگر معززین بھی اس موقع پر موجود تھے۔
جناب کوشیاری کی شاندار زندگی پر روشنی ڈالتے ہوئے، جناب برلا نے کہا کہ ایک طالب علم، سیاستدان، مصنف اور صحافی کے طور پر، جناب کوشیاری نے اپنی پوری زندگی قوم کی خدمت کے لیے وقف کر دی، اور انہوں نے غریبوں اور پسماندہ لوگوں کی زندگیوں کو بہتر بنانے کے لیے انتھک محنت کی۔ انہوں نے اس امر پر روشنی ڈالی کہ اپنی پوری زندگی میں، جناب کوشیاری نے ملک کو ہر چیز سے بالاتر رکھا، ایک اصول جو اٹل رہا۔ پارلیمنٹ میں جناب کوشیاری کے ساتھ گزارے اپنے وقت کو یاد کرتے ہوئے، اسپیکر نے کہا کہ رکن پارلیمنٹ اور پارلیمانی کمیٹی کے چیئرپرسن کے طور پر، جناب کوشیاری نے اعلیٰ ترین عزم کے ساتھ ادارے کی خدمت کرنے کے لیے بے مثال لگن کا مظاہرہ کیا۔ جناب برلا نے پہاڑیوں کی ترقی، جنگلات کے تحفظ اور قدرتی وسائل کے تحفظ کے بارے میں جناب کوشیاری کے گہرے یقین کا بھی ذکر کیا۔
اپنے تبصرے میں، جناب برلا نے اعتراف کیا کہ، خواہ وہ وزیر اعلیٰ رہے ہوں یا گورنر، یا رکن پارلیمنٹ، جناب کوشیاری نے نہ تو تکبر کا مظاہرہ کیا اور نہ ہی اقتدار سے لگاؤ رکھا۔ وہ ثابت قدم رہے، ہمیشہ اصولوں اور ضابطوں پر کاربند رہے، خواہ عہدہ ہو یا نہ ہو۔ اسپیکر نے کہا کہ بھگت سنگھ کوشیاری خدمت، لگن، دیانتداری اور روحانیت کا مجسمہ ہیں، انہوں نے مزید کہا کہ جناب کوشیاری کے ساتھ ہوئی ہر گفتگو نے انہیں قوم کی خدمت جاری رکھنے کے لیے نئی توانائی بخشی۔
جناب برلا نے امید ظاہر کی کہ کتاب، "پروت شرومنی بھگت سنگھ کوشیاری" آنے والی نسلوں کے لیے رہنمائی فراہم کرے گی۔ اس کتاب میں یہ دکھایا گیا ہے کہ کس طرح غیر متزلزل عزم کے ساتھ چنوتیوں کا سامنا کرنا ہے اور ملک اور اس کے عوام کی خدمت کے لیے پرعزم رہنا ہے۔ جس طرح جناب کوشیاری کی جدوجہد اور زندگی نے متعدد افراد کے لیے راہیں روشن کی ہیں، اسی طرح یہ کتاب عوامی زندگی میں رہنے والوں، طلبہ، ماہرین تعلیم اور عوام الناس کو متاثر کرے گی۔ آخر میں، جناب برلا نے اس قابل ذکر کام کو قلمبند کرنے کے لیے مصنف کا تہہ دل سے شکریہ ادا کیا۔
**********
(ش ح –ا ب ن)
U.No:8024
(Release ID: 2109713)
Visitor Counter : 26