নতুন দিল্লীৰ ‘বিজ্ঞান ভৱন’ত মহিলা আৰু শিশু কল্যাণ মন্ত্ৰালয়ে "নাৰী শক্তি চে বিকশিত ভাৰত" #SheBuildsBharat বিষয়বস্তুৰে আয়োজন কৰা ৰাষ্ট্ৰীয় পৰ্যায়ৰ সন্মিলনেৰে ভাৰত চৰকাৰে ‘আন্তঃৰাষ্ট্ৰীয় মহিলা দিৱস’ উদযাপন কৰে। মহিলা আৰু শিশু কল্যাণ দপ্তৰৰ মন্ত্ৰী শ্ৰীমতী অন্নপূৰ্ণা দেৱী, আইন আৰু ন্যায় তথা সংসদীয় পৰিক্ৰমা ৰাজ্যিক মন্ত্ৰী শ্ৰী অৰ্জুন ৰাম মেঘৱাল, মহিলা আৰু শিশু কল্যাণ দপ্তৰৰ ৰাজ্যিক মন্ত্ৰী শ্ৰীমতী সাবিত্ৰী ঠাকুৰ আৰু অন্যান্য গণ্যমান্য ব্যক্তিসকলৰ উপস্থিতিত ভাৰতৰ মাননীয় ৰাষ্ট্ৰপতি শ্ৰীমতী দ্ৰৌপাদী মুৰ্মুয়ে এই সন্মিলন উদ্বোধন কৰে।

ৰাষ্ট্ৰীয় সংগীতেৰে আৰম্ভ হোৱা উদ্বোধনী অধিৱেশনত আনুষ্ঠানিক বন্তি প্ৰজ্বলন কৰা হয়। যাৰ ইয়াৰ পিছত মহিলা আৰু শিশু কল্যাণ মন্ত্ৰী শ্ৰীমতী অন্নপূৰ্ণা দেৱীয়ে ভাৰতৰ ৰাষ্ট্ৰপতি শ্ৰীমতী দ্ৰৌপাদী মুৰ্মুক সম্বৰ্ধনা জনায়। মহিলাৰ নেতৃত্বত বিকাশ সন্দৰ্ভত এখন চুটি চলচ্চিত্ৰ প্ৰদৰ্শন কৰা হয়, য'ত ভাৰতৰ প্ৰগতিক গঢ় দিয়া মহিলাসকলৰ প্ৰেৰণাদায়ক কাহিনী প্ৰদৰ্শন কৰা হয়। ইয়াৰ পিছত বিধায়িনী বিভাগে প্ৰকাশ কৰা 'সংবিধান সভাৰ মহিলা সদস্যসকলৰ জীৱন আৰু অৱদান' শীৰ্ষক গ্ৰন্থখন উন্মোচন কৰা হয়।

এক সাংস্কৃতিক মাত্ৰা যোগ কৰি ‘সংগীত নাটক একাডেমী’ৰ এক বিশেষ প্ৰদৰ্শনে জীৱনৰ বিভিন্ন ক্ষেত্ৰত মহিলাসকলৰ বিবিধ আৰু সমৃদ্ধ অৱদান উদযাপন কৰে। মহিলাৰ নেতৃত্বত বিকাশ আৰু অন্তৰ্ভুক্তিত গুৰুত্ব আৰোপ কৰি ভাৰতৰ ৰাষ্ট্ৰপতিৰ মূল ভাষণৰ সৈতে এই অধিৱেশনৰ সমাপ্তি ঘটে। অনুষ্ঠানটো ৰাষ্ট্ৰীয় সংগীতেৰে সামৰণি মৰা হয়, যি নাৰী শক্তিৰ প্ৰতি এক শক্তিশালী শ্ৰদ্ধাঞ্জলি হিচাপে চিহ্নিত হয়।

সমবেত সকলক সম্বোধন কৰি ৰাষ্ট্ৰপতি শ্ৰীমতী দ্ৰৌপাদী মুৰ্মুৱে দেশৰ ভৱিষ্যত গঢ়ি তোলাত মহিলাসকলৰ গুৰুত্বপূৰ্ণ ভূমিকাত গুৰুত্ব আৰোপ কৰে। তেওঁ কয়, "বিকশিত ভাৰত কেৱল তেতিয়াহে সম্ভৱ হ’ব যেতিয়া মহিলাসকলে পক্ষপাতিত্ব বা বাধা নোহোৱাকৈয়ে কৰ্মবাহিনীত অংশগ্ৰহণ কৰিব পাৰে। মহিলাসকলে কামতকৈ পৰিয়ালক অগ্ৰাধিকাৰ দিব বুলি চলি অহা ধাৰণাটোক প্ৰত্যাহ্বান জনাব লাগিব - কিয়নো ভৱিষ্যত প্ৰজন্মক ডাঙৰ কৰাটো হৈছে এক অংশীদাৰী সামাজিক দায়বদ্ধতা। প্ৰকৃত প্ৰগতি হৈছে এনে এক পৰিৱেশ সৃষ্টি কৰা য'ত প্ৰতিগৰাকী ছোৱালীয়ে ভয় বা প্ৰতিবন্ধকতা অৱকাশ নথকাকৈ তেঁওৰ সপোনবোৰ অনুসৰণ কৰিব পাৰে। মহিলাসকলৰ সৱলীকৰণ কেৱল নিৰপেক্ষতাৰ প্ৰসংগই নহয়; ই হৈছে এক শক্তিশালী, ততোধিক উন্নত ৰাষ্ট্ৰ গঢ়ি তোলাৰো প্ৰসংগ"।

অনুষ্ঠানটোত সমগ্ৰ দেশৰ মহিলাসকলৰ উৎসাহী অংশগ্ৰহণ দেখা গৈছিল, যাৰ ভিতৰত আছে সশস্ত্ৰ বাহিনী, অৰ্ধসামৰিক বাহিনী আৰু দিল্লী আৰক্ষীৰ মহিলা বিষয়া, মাই ভাৰত স্বেচ্ছাসেৱক, অংগনৱাড়ী কৰ্মী, আশা কৰ্মী, আত্ম সহায়ক গোটৰ সদস্য আৰু অনাময় সৈনিকসকল। বিভিন্ন মন্ত্ৰালয় আৰু বিভাগৰ মহিলা সদস্য তথা মহিলা বিষয়াসকলো অনুষ্ঠানত উপস্থিত আছিল, যাৰ ফলত অনুষ্ঠানটোৰ গুৰুত্ব বৃদ্ধি পায়।

ইয়াৰ উপৰিও, অনুষ্ঠানটোত আন্তঃৰাষ্ট্ৰীয় সংগঠনসমূহৰ বিশিষ্ট প্ৰতিনিধিসকলে অংশগ্ৰহণ কৰে। ইয়াৰ ভিতৰত আছিল বিশ্ব বেংকৰ পৰিচালনা সঞ্চালক শ্ৰীমতী আন্না বিজৰ্ডে; বিশ্ব বেংকৰ দক্ষিণ এছিয়া মণ্ডলৰ আঞ্চলিক উপ-সভাপতি মাৰ্টিন ৰেইজাৰ; বিশ্ব বেংকৰ ভাৰতস্থ কাণ্ট্ৰী ডাইৰেক্টৰ আগষ্ট টানো কৌয়ামে; আই.এফ.চি-ৰ দক্ষিণ এছিয়াৰ আঞ্চলিক সঞ্চালক ইমাদ এন. ফাখৌৰী; আৰু আইএফচি-ৰ ভাৰত আৰু মালদ্বীপৰ কাণ্ট্ৰী হেড ৱেণ্ডি ৱেৰ্ণাৰ। ইউনিচেফ, ৰাষ্ট্ৰসংঘৰ মহিলা, ইউএনডিপি আৰু ইউএনএফপিএৰ প্ৰতিনিধিসকলো এই অনুষ্ঠানত উপস্থিত আছিল, যি অনুষ্ঠানটোত গোলকীয় ব্যস্ততাৰ কথা প্ৰতীয়মান কৰিছিল।

https://x.com/Annapurna4BJP/status/1898331068098302050

কেন্দ্ৰীয় মহিলা আৰু শিশু কল্যাণ দপ্তৰৰ মন্ত্ৰী শ্ৰীমতী অন্পূৰ্ণা দেৱীয়ে লিংগ সমতাৰ প্ৰতি চৰকাৰৰ প্ৰতিশ্ৰুতিবদ্ধতাৰ কথা দোহাৰে। তেওঁ মন্তব্য কৰে, "আজি আমাৰ ছোৱালীহঁতে আকাশত উৰিবলৈ লৈছে, শক্তি আৰু সামৰ্থ্যৰে তেওঁলোকে স্থল আৰু জল জয় কৰিছে, ভাৰতীয় ত্ৰিৰংগাৰ সন্মান উচ্চ কৰিছে আৰু আশাৰ পতাকা উত্তোলন কৰিছে। আমি প্ৰতিটো ক্ষেত্ৰতে তেওঁলোকৰ শক্তি আৰু সামৰ্থ্য প্ৰত্যক্ষ কৰি আছো। এই মঞ্চৰ পৰা আৰু সমগ্ৰ দেশৰ পৰা, মোৰ চকু য'লৈকে যায়, মই উজ্জ্বলা, আশা, সুকন্যা, সমৃদ্ধি, বন্দনা, সুৰক্ষা, লাখপতি আৰু ড্ৰোন দিদিৰ চমক দেখিছোঁ।

মহিলাসকলক শিক্ষা আৰু অভিব্যক্তিৰ স্বাধীনতা দিয়ক যাতে তেওঁলোকে সামগ্ৰিক বিকাশ প্ৰাপ্ত কৰিব পাৰে। মহিলা সৱলীকৰণ কেৱল চৰকাৰী নীতি আৰু আঁচনিৰ জৰিয়তে প্ৰাপ্ত কৰিব নোৱাৰি। এইটো এটা সামাজিক দায়বদ্ধতা যে আমি ব্যক্তিগত আৰু সামূহিক ভাৱে দুয়োটা পালন কৰিব লাগিব।"

কেন্দ্ৰীয় আইন আৰু ন্যায় তথা সংসদীয় পৰিক্ৰমা দপ্তৰৰ ৰাজ্যিক মন্ত্ৰী শ্ৰী অৰ্জুন ৰাম মেঘৱালে লিংগ সমতাক সমৰ্থন কৰা আইনী পৰিকাঠামোত গুৰুত্ব আৰোপ কৰে। তেওঁ কয়, "সংবিধানে ভাৰতীয় মহিলাসকলক স্বাধীনতাৰ পৰাই ভোটদানৰ অধিকাৰ প্ৰদান কৰিছে। আমাৰ আইনী আৰু নীতি সংস্কাৰৰ লক্ষ্য হৈছে এক অধিক সামগ্ৰিক সমাজ গঢ়ি তোলা য'ত মহিলাৰ অধিকাৰ সুৰক্ষিত হয়, আৰু তেওঁলোকৰ কণ্ঠস্বৰ বিস্তাৰিত হয়"।

অনুষ্ঠানটোত বিশিষ্ট কেন্দ্ৰীয় মন্ত্ৰী আৰু নেতাসকলৰ সৈতে এক উচ্চ পৰ্যায়ৰ পূৰ্ণাংগ অধিৱেশন অনুষ্ঠিত হয় য'ত মহিলা নেতৃত্বাধীন উন্নয়ন আৰু গোলকীয় পাঠত ভাৰতৰ অগ্ৰগতিৰ বিষয়ে প্ৰতিফলিত হয়। ইয়াৰ পিছত তিনিটা কাৰিকৰী অধিৱেশন আৰম্ভ হয় যিয়ে ষ্টেম, ব্যৱসায়, ক্ৰীড়া, মাধ্যম আৰু শাসন ক্ষেত্ৰৰ প্ৰখ্যাত মহিলা নেতৃবৃন্দক সন্মিলিত কৰে। এই কাৰিকৰী অধিৱেশনসমূহ একেলগে অনুষ্ঠিত হৈছিল আৰু পেনেলিষ্ট আৰু অংশগ্ৰহণকাৰী দুয়োৰে সক্ৰিয় অংশগ্ৰহণৰ সাক্ষী আছিল।

অধিৱেশনকেইখনে মুখ্য ক্ষেত্ৰসমূহত গুৰুত্ব দিছিল, যেনে:

• ট্ৰেলব্লেজাৰ আৰু লুমিনেৰিজ – আন্তৰ্জাতিক মহিলা দিৱসৰ ৫০ সংখ্যক বাৰ্ষিকীত প্ৰতিফলিত হোৱা আৰু বিভিন্ন ক্ষেত্ৰত মহিলাৰ অৱদান উদযাপন কৰা।

এই অধিৱেশনটো নিউজ এংকৰ শ্ৰীমতী গাৰ্গী ৰাৱাটে পৰিচালনা কৰিছিল। বিশ্ব বেংকৰ দক্ষিণ এছিয়াৰ উপ-সভাপতি শ্ৰীযুত মাৰ্টিন ৰেইজাৰে এই অধিৱেশন মুকলি কৰে আৰু এপোলো চিকিৎসালয়ৰ পৰিচালনা সঞ্চালক শ্ৰীমতী সঙ্গীতা ৰেড্ডী; শ্ৰীমতী টেছি থমাছ, বিজ্ঞানী, ভাৰত; শ্ৰীমতী সন্ধ্যা পুৰেচা, সংগীত নাটক একাডেমীৰ অধ্যক্ষা আৰু ডব্লিউ২০-জি-২০ ভাৰতৰ অধ্যক্ষা; দিল্লীৰ এইমছৰ প্ৰসূতি আৰু স্ত্ৰীৰোগ বিভাগৰ প্ৰাক্তন মুৰব্বী ড. নীৰজা ভাটলাৰ দৰে পেনেললিষ্টসকলৰ উৎসাহী অংশগ্ৰহণ দেখিবলৈ পোৱা গৈছিল।

মহিলা শক্তিক মূলধন কৰা – বিত্তীয় অন্তৰ্ভুক্তি আৰু উদ্যোগত সফলতা অন্বেষণ কৰা।

 এই অধিৱেশনখন চিএনবিচি-টিভি১৮ৰ শ্ৰীযুত পৰীক্ষিত লুথৰাই ভাৰতৰ কাণ্ট্ৰী ডাইৰেক্টৰ শ্ৰীআগষ্ট তানো কৌয়ামেৰ প্ৰাৰম্ভিক মন্তব্যৰে পৰিচালনা কৰিছিল। সন্মানীয় অতিথিৰ এটা পেনেলৰ ভিতৰত আছে- শ্ৰীমতী এ. মণিমে খালাই, চি.এম.ডি., ইউনিয়ন বেংক অব ইণ্ডিয়া; ভাৰতৰ ইণ্ডিয়া অলটাৰ্নেটিভছ-ৰ প্ৰতিষ্ঠাপক আৰু মুখ্য কাৰ্যবাহী বিষয়া শ্ৰীমতী শিৱানী ভাছিন; শ্ৰীমতী জ্যোতি ভিজ, ভাৰতৰ এফআইচিচিআই-ৰ সঞ্চালক প্ৰধান; শ্ৰীমতী নুপুৰ গাৰ্গ, প্ৰতিষ্ঠাপক, উইনপে আৰু ব্যক্তিগত ইকুইটী। লিংগ আৰু বিত্তীয় অন্তৰ্ভুক্তিৰ সংযোগ সন্দৰ্ভত এক ফলপ্ৰসূ আলোচনাৰ পিছত আইএফচিৰ দক্ষিণ এছিয়াৰ আঞ্চলিক সঞ্চালক শ্ৰীযুত ইমাদ ফাখৌৰীয়ে তেওঁৰ মন্তব্যৰে অধিৱেশনৰ সামৰণি মাৰে।

• নেতৃত্বত মহিলা – পঞ্চায়তৰ পৰা সংসদলৈ – ৰাজনৈতিক নেতৃত্বত লিংগ সমতা ত্বৰান্বিত কৰাৰ বাবে নীতিগত পৰিকাঠামো সন্দৰ্ভত আলোচনা।

এই অধিৱেশনখন ডিডি নিউজ-ৰ শ্ৰীমতী সকল ভট্টৰ পৰিচালনাৰে অনুষ্ঠিত হৈছিল আৰু কেন্দ্ৰীয় মহিলা আৰু শিশু কল্যাণ দপ্তৰৰ ৰাজ্যিক মন্ত্ৰী শ্ৰীমতী সাবিত্ৰী ঠাকুৰৰ সক্ৰিয় অংশগ্ৰহণ দেখা গৈছিল; শ্ৰীমতী বাঁসুৰী স্বৰাজ, লোকসভাৰ সদস্য; শ্ৰীমতী শিখা ৰয়, বিধায়ক, দিল্লী; শ্ৰীমতী নীৰু যাদৱ, হকী চৰপঞ্চ; শ্ৰীমতী কান্তা সিং, উপ প্ৰতিনিধি, ৰাষ্ট্ৰসংঘৰ মহিলা ভাৰত।

ৰাজ্যিক মন্ত্ৰী শ্ৰীমতী সাবিত্ৰী ঠাকুৰে বিত্তীয় অন্তৰ্ভুক্তিৰ বাবে চৰকাৰৰ পদক্ষেপ সন্দৰ্ভত আলোকপাত কৰি কয়, "ৰাষ্ট্ৰীয় প্ৰগতিৰ বাবে অৰ্থনীতিত মহিলাৰ অংশগ্ৰহণ অপৰিহাৰ্য। বিত্তীয় সাক্ষৰতা আৰু উদ্যোগমূলক কাৰ্যসূচীৰ জৰিয়তে আমি তেওঁলোকৰ অৰ্থনৈতিক স্বাধীনতা নিশ্চিত কৰি আছো। এগৰাকী মহিলাৰ প্ৰকৃত শক্তি এগৰাকী মাতৃৰ ভৱনাত আছে। তেওঁৰ হৃদয়ত সাহস আৰু তেওঁৰ পচন্দত জ্ঞান ৰখাৰ বাবে, তেওঁ ভয় পৰিহাৰ কৰিবব লাগিব, আত্মবিশ্বাস আদৰিব লাগিব আৰু তেওঁৰ সপোনবোৰ প্ৰাপ্ত কৰিব লাগিব!"

এক অনন্য ডিজিটেল মিডিয়া আৰু ইণ্টাৰেক্টিভ জোন-য়ে অংশগ্ৰহণকাৰীসকলক বাস্তৱ-সময়ৰ আলোচনা, মাল্টিমিডিয়া প্ৰদৰ্শনী আৰু কাহিনী কোৱাৰ প্ৰচেষ্টাৰ অভিজ্ঞতা লাভ কৰাৰ বাবে এক আকৰ্ষণীয় মঞ্চ প্ৰদান কৰে, যি এক প্ৰগতিশীল ভাৰত গঢ়ি তোলাত মহিলাসকলৰ অৱদানক প্ৰদৰ্শিতন কৰে।

কাৰ্যক্ৰমসমূহ দূৰদৰ্শন, ৱেবকাষ্ট লিংক আৰু মহিলা আৰু শিশু বিকাশ মন্ত্ৰালয়ৰ ছ'চিয়েল মিডিয়া প্লেটফৰ্মত পোনপটীয়াকৈ প্ৰচাৰ কৰা হৈছিল, যাৰ ফলত ব্যাপক প্ৰসাৰ আৰু ব্যস্ততা নিশ্চিত হৈছিল।

ভাৰত চৰকাৰে এনে এক পৰিস্থিতিতন্ত্ৰ গঢ়ি তোলাৰ বাবে প্ৰতিশ্ৰুতিবদ্ধ হৈ আছে য'ত মহিলাসকলক দেশৰ উন্নয়নত নেতৃত্ব দিয়া, উদ্ভাৱন কৰা আৰু গুৰুত্বপূৰ্ণ অৱদান আগবঢ়োৱাৰ সামৰ্থ্য প্ৰদান কৰা হয়। ৰাষ্ট্ৰ আগবাঢ়ি যোৱাৰ লগে লগে নাৰী শক্তি এখন স্বাৱলম্বী বিকশিত ভাৰতৰ আধাৰশিলা হৈ আহিছে।

****

SS/MS/KB