اوڈیشہ کے آئی این ایس چلکا سے ،  07 مارچ 25 کو ، 2966 ٹرینی کامیاب ہوئے جن میں 402 خواتین اگنی ویر، 288 ایس ایس آر (میڈ اسسٹنٹ) اور 227 ناوک شامل ہیں۔ پاسنگ آؤٹ پریڈ (پی او پی) پر غروب آفتاب کے بعد ایک انوکھی تقریب میں بحریہ کی 16 ہفتوں کی سخت تربیت اختتام پذیر ہوئی۔ پریڈ کا جائزہ وی اے ڈی ایم وی سرینواس، فلیگ آفیسر کمانڈنگ ان چیف، سدرن نیول کمانڈ نے لیا۔ آئی این ایس چلکا کے کمانڈنگ آفیسر سی ایم ڈی ای بی دیپک انیل اس تقریب کے منتظم تھے۔

پی او پی میں سابق ایس پی او سریڈی شیو کمار، سندیپ گپتا، سابق پی او ای ایل پی، لوہری بیسی، سابق پی او ای ایل پی، جی ایس کوچر، سابق ای ایم آر 1 اور معروف اسپورٹس پرسنلٹی ایلڈوس پال، سی پی او سی او ایم (ٹی ای ایل) نے شرکت کی۔ اس اہم تقریب کا مشاہدہ پاسنگ آؤٹ کورس کے قابل فخر اہل خانہ نے بھی کیا۔ پی او پی نہ صرف ابتدائی تربیت کی کامیاب تکمیل کی علامت ہے بلکہ بھارتی بحریہ میں ایک نئے باب کے آغاز کی علامت بھی ہے۔ بھارتی بحریہ صنفی طور پر غیر جانبدار ماحول پر زور دیتی ہے تاکہ ان مردوں اور عورتوں کو جنگ کے لیے تیار ، قابل اعتماد ، ہم آہنگ اور مستقبل کے لیے تیار فورس میں تبدیل کیا جاسکے۔

اپنے خطاب کے دوران ایف او سی آئی این سی ساؤتھ نے کورس کی کامیاب تکمیل پر تربیت حاصل کرنے والوں کو مبارکباد دی جو سخت محنت، نظم و ضبط اور عزم کا غماز ہے۔ انھوں نے بحریہ کی ذمہ داری، عزت اور جرات کی بنیادی اقدار کو اپناتے ہوئے اپنی صلاحیتوں کو نکھارنے اور تکنیکی طور پر باخبر رہنے پر زور دیا۔ انھوں نے زور دیا کہ وہ جرأت اور عزم کے ساتھ اپنا راستہ طے کرتے ہوئے قوم کے وقار کو برقرار رکھیں۔ انھوں نے اگنی ویروں کے والدین کے ذریعے قوم کے لیے ان کی خدمات کا اعتراف کرتے ہوئے ان کی ستائش کی۔ مہمان خصوصی نے ٹیم چلکا کو انتھک کوششوں اور تبدیلی کو تشکیل دینے میں اہم کردار ادا کرنے پر مبارکباد پیش کی جو اس کے موٹو   उद्यमेन हि सिध्यन्ति कार्याणि  پر پورے اترے۔

مہمان خصوصی نے باصلاحیت کھلاڑیوں کو تمغے اور ٹرافیاں دیں۔ دیوراج سنگھ راٹھور ، اے وی آر (ایم آر) اور پرمود سنگھ ، اے وی آر (ایس ایس آر) نے بالترتیب چیف آف دی نیول اسٹاف رولنگ ٹرافی اور بہترین اگنیور ایم آر اور ایس ایس آر کے لیے گولڈ میڈل حاصل کیا۔ مانسا گلیوندلا ، اے وی آر (ایس ایس آر) کو میرٹ کے مجموعی ترتیب میں بہترین خاتون اگنی ویر کے لیے جنرل بپن راوت رولنگ ٹرافی سے نوازا گیا۔ موہت کمار ، این وی کے (جی ڈی) نے ڈائریکٹر جنرل ، انڈین کوسٹ گارڈ رولنگ ٹرافی اور ڈائریکٹر جنرل گولڈ میڈل برائے بہترین این وی کے (جی ڈی) وصول کیا۔

قبل ازیں اختتامی تقریب کے دوران ایف او سی آئی این سی ساؤتھ نے مجموعی چیمپیئن شپ ٹرافی انگری ڈویژن اور رنر اپ ٹرافی ایکلویا ڈویژن کو پیش کی۔ انھوں نے آئی این ایس چلکا کے دو زبانوں کے زیر تربیت میگزین انکور کے 02/24 ایڈیشن کی بھی نقاب کشائی کی۔

***

(ش ح – ع ا)

U. No. 7987

(Release ID: 2109417) Visitor Counter : 20