2070ರ ವೇಳೆಗೆ ನಿವ್ವಳ-ಶೂನ್ಯ ಹೊರಸೂಸುವಿಕೆಯನ್ನು ಸಾಧಿಸುವ ಭಾರತದ ದೃಷ್ಟಿಕೋನದ ನಿಟ್ಟಿನಲ್ಲಿ ಮಹತ್ವದ ಬೆಳವಣಿಗೆಯಲ್ಲಿ, ಕೇಂದ್ರ ರಸ್ತೆ ಸಾರಿಗೆ ಮತ್ತು ಹೆದ್ದಾರಿಗಳ ಸಚಿವರಾದ ಶ್ರೀ ನಿತಿನ್ ಗಡ್ಕರಿ, ಕೇಂದ್ರ ಹೊಸ ಮತ್ತು ನವೀಕರಿಸಬಹುದಾದ ಇಂಧನ ಸಚಿವರಾದ ಶ್ರೀ ಪ್ರಲ್ಹಾದ್ ಜೋಶಿ ಅವರು ಜಂಟಿಯಾಗಿ, ಇಂದು ದೆಹಲಿಯಲ್ಲಿ ಟಾಟಾ ಮೋಟರ್ ಸಂಸ್ಥೆ ಬಿಡುಗಡೆ ಮಾಡಿದ ಹೈಡ್ರೋಜನ್ ಚಾಲಿತ ಹೆವಿ ಡ್ಯೂಟಿ ಟ್ರಕ್‌ ಗಳ ಮೊದಲ ಪ್ರಯೋಗಿಕ ಚಾಲನೆಗೆ ಹಸಿರು ನಿಶಾನೆ ತೋರಿದರು.

ಈ ಸಂದರ್ಭದಲ್ಲಿ ಮಾತನಾಡಿದ ಕೇಂದ್ರ ಸಚಿವರಾದ ಶ್ರೀ ನಿತಿನ್ ಗಡ್ಕರಿ ಅವರು, "ಹೈಡ್ರೋಜನ್ ಭವಿಷ್ಯದ ಇಂಧನವಾಗಿದ್ದು, ಹೊರಸೂಸುವಿಕೆಯನ್ನು ಕಡಿಮೆ ಮಾಡುವ ಮೂಲಕ ಮತ್ತು ಇಂಧನ ಸ್ವಾವಲಂಬನೆಯನ್ನು ಹೆಚ್ಚಿಸುವ ಮೂಲಕ ಭಾರತದ ಸಾರಿಗೆ ಕ್ಷೇತ್ರವನ್ನು ಪರಿವರ್ತಿಸುವ ಅಪಾರ ಸಾಮರ್ಥ್ಯ ಹೊಂದಿದೆ. ಇಂತಹ ಉಪಕ್ರಮಗಳು ಹೆವಿ ಡ್ಯೂಟಿ ಟ್ರಕ್ಕಿಂಗ್‌ ನಲ್ಲಿ ಸುಸ್ಥಿರ ಚಲನಶೀಲತೆಯ ಪರಿವರ್ತನೆಯನ್ನು ವೇಗಗೊಳಿಸುತ್ತದೆ ಮತ್ತು ಭವಿಷ್ಯದಲ್ಲಿ ಟ್ಯಾಬೊನ್ ದಕ್ಷತೆಯನ್ನು ಕಡಿಮೆ ಮಾಡಲು ನಾನು ಅಭಿನಂದಿಸುತ್ತೇನೆ. ಹೈಡ್ರೋಜನ್ ಚಾಲಿತ ಹಸಿರು ಮತ್ತು ಸ್ಮಾರ್ಟ್ ಸಾರಿಗೆಯನ್ನು ಸಕ್ರಿಯಗೊಳಿಸುವ ನಿಟ್ಟಿನಲ್ಲಿ ಮಹತ್ವದ ಹೆಜ್ಜೆಯಾಗಿದೆ" ಎಂದು ಹೇಳಿದರು.

ಕೇಂದ್ರ ಹೊಸ ಮತ್ತು ನವೀಕರಿಸಬಹುದಾದ ಇಂಧನ ಸಚಿವ ಶ್ರೀ ಪ್ರಲ್ಹಾದ್ ಜೋಶಿ ಅವರು ಮಾತನಾಡಿ, “ಭಾರತದ ಸುಸ್ಥಿರ ಮತ್ತು ಶೂನ್ಯ-ಇಂಗಾಲದ ಭವಿಷ್ಯಕ್ಕೆ ಪರಿವರ್ತನೆಗಾಗಿ ಹೈಡ್ರೋಜನ್ ಪ್ರಮುಖ ಇಂಧನವಾಗಿದೆ. ಈ ಪ್ರಯೋಗದ ಆರಂಭವು ಭಾರತದ ಸಾರಿಗೆ ವಲಯವನ್ನು ಡಿಕಾರ್ಬನೈಸ್ ಮಾಡುವಲ್ಲಿ ಹಸಿರು ಜಲಜನಕದ ಸಾಮರ್ಥ್ಯವನ್ನು ಪ್ರದರ್ಶಿಸುವಲ್ಲಿ ಮಹತ್ವದ ಹೆಜ್ಜೆಯಾಗಿದೆ. ರಾಷ್ಟ್ರೀಯ ಹಸಿರು ಹೈಡ್ರೋಜನ್ ಮಿಷನ್‌ ನ ಭಾಗವಾಗಿರುವ ಈ ಉಪಕ್ರಮವು ಜಾಗತಿಕ ಹವಾಮಾನ ಗುರಿಗಳಿಗೆ ಕೊಡುಗೆ ನೀಡುವಾಗ ನಾವೀನ್ಯತೆಗೆ ಚಾಲನೆ ನೀಡುವ ಮತ್ತು ಭಾರತದ ಇಂಧನ ಸ್ವಾತಂತ್ರ್ಯವನ್ನು ಸಾಧಿಸುವ ನಮ್ಮ ಬದ್ಧತೆಯನ್ನು ಪ್ರತಿಬಿಂಬಿಸುತ್ತದೆ. ಈ ಪ್ರವರ್ತಕ ಪ್ರಯತ್ನದಲ್ಲಿ ಮುಂದಾಳತ್ವ ವಹಿಸಿದ್ದಕ್ಕಾಗಿ ನಾನು ಟಾಟಾ ಮೋಟಾರ್ಸ್ ಅನ್ನು ಶ್ಲಾಘಿಸುತ್ತೇನೆ" ಎಂದು ಹೇಳಿದರು.

ಈ ಐತಿಹಾಸಿಕ ಪ್ರಯೋಗ, ದೇಶದಲ್ಲಿ ಸುಸ್ಥಿರ ಹಾಗೂ ದೂರದ ಸರಕು ಸಾಗಣೆಯತ್ತ ಮಹತ್ವದ ಹೆಜ್ಜೆಯನ್ನು ಗುರುತಿಸುತ್ತದೆ, ಏಕೆಂದರೆ ಟಾಟಾ ಮೋಟಾರ್ಸ್ ಸುಸ್ಥಿರ ಚಲನಶೀಲತೆ ಪರಿಹಾರಗಳಲ್ಲಿ ಚಾರ್ಜ್ ಅನ್ನು ಮುನ್ನಡೆಸುವ ತನ್ನ ಬದ್ಧತೆಯನ್ನು ಒತ್ತಿಹೇಳುತ್ತದೆ, ಭಾರತದ ವಿಶಾಲವಾದ ಹಸಿರು ಶಕ್ತಿ ಗುರಿಗಳೊಂದಿಗೆ ಹೊಂದಿಕೆಯಾಗುತ್ತದೆ.  ರಾಷ್ಟ್ರೀಯ ಹಸಿರು ಹೈಡ್ರೋಜನ್ ಮಿಷನ್ ಅಡಿಯಲ್ಲಿ ಹೊಸ ಮತ್ತು ನವೀಕರಿಸಬಹುದಾದ ಇಂಧನ ಸಚಿವಾಲಯವು ಈ ಪ್ರಯೋಗಕ್ಕಾಗಿ ಟೆಂಡರ್ ಅನ್ನು ಕಂಪನಿಗೆ ನೀಡಲಾಯಿತು.  ಹೈಡ್ರೋಜನ್ ಚಾಲಿತ ವಾಹನಗಳನ್ನು ದೂರದ ಸಾಗಣೆಗೆ ಬಳಸುವ ನೈಜ-ಪ್ರಪಂಚದ ವಾಣಿಜ್ಯ ಕಾರ್ಯಸಾಧ್ಯತೆಯನ್ನು ನಿರ್ಣಯಿಸುವಲ್ಲಿ ಇದು ಮಹತ್ವದ ಹೆಜ್ಜೆಯನ್ನು ಗುರುತಿಸುತ್ತದೆ ಮತ್ತು ಅವುಗಳ ತಡೆರಹಿತ ಕಾರ್ಯಾಚರಣೆಗೆ ಅಗತ್ಯವಾದ ಮೂಲಸೌಕರ್ಯಗಳನ್ನು ಹೊಂದಿಸುತ್ತದೆ.

ಪ್ರಾಯೋಗಿಕ ಹಂತವು 24 ತಿಂಗಳವರೆಗೆ ವ್ಯಾಪಿಸುತ್ತದೆ ಮತ್ತು ವಿಭಿನ್ನ ಸಂರಚನೆಗಳು ಮತ್ತು ಪೇಲೋಡ್ ಸಾಮರ್ಥ್ಯಗಳೊಂದಿಗೆ 16 ಸುಧಾರಿತ ಹೈಡ್ರೋಜನ್-ಚಾಲಿತ ವಾಹನಗಳ ನಿಯೋಜನೆಯನ್ನು ಒಳಗೊಂಡಿರುತ್ತದೆ.  ಹೊಸ ಯುಗದ ಹೈಡ್ರೋಜನ್ ಇಂಟರ್ನಲ್ ದಹನಕಾರಿ ಎಂಜಿನ್ (ಹೆಚ್2-ಐಸಿಇ)  ಮತ್ತು ಇಂಧನ ಕೋಶ (ಹೆಚ್2-ಎಫ್.ಸಿ.ಇ.ವಿ) ತಂತ್ರಜ್ಞಾನಗಳನ್ನು ಹೊಂದಿರುವ ಈ ಟ್ರಕ್‌ ಗಳನ್ನು ಮುಂಬೈ, ಪುಣೆ, ದೆಹಲಿ-ಎನ್‌ಸಿಆರ್, ಸೂರತ್, ವಡೋದರಾ, ಜಮ್‌ಶೆಡ್‌ಪುರ ಮತ್ತು ಕಳಿಂಗನಗರ ಸೇರಿದಂತೆ ಭಾರತದ ಪ್ರಮುಖ ಸರಕು ಸಾಗಣೆ ಮಾರ್ಗಗಳಲ್ಲಿ ಕಠಿಣ ರೀತಿಯಲ್ಲಿ ಪರೀಕ್ಷಿಸಲಾಗುತ್ತದೆ.

ಟಾಟಾ ಮೋಟಾರ್ಸ್‌ ಸಂಸ್ಥೆಯ ಕಾರ್ಯನಿರ್ವಾಹಕ ನಿರ್ದೇಶಕರಾದ ಶ್ರೀ ಗಿರೀಶ್ ವಾಘ್, ಟಾಟಾ ಮೋಟಾರ್ಸ್‌ ನ ಸನ್ನದ್ಧತೆಯನ್ನು ವಿವರಿಸಿದರು, “ಟಾಟಾ ಮೋಟಾರ್ಸ್ ಹಸಿರು, ಚುರುಕಾದ ಮತ್ತು ಸುಸ್ಥಿರ ಚಲನಶೀಲತೆಯತ್ತ ಭಾರತದ ಪರಿವರ್ತನೆಯನ್ನು ಚಾಲನೆ ಮಾಡುವಲ್ಲಿ ಮುಂಚೂಣಿಯಲ್ಲಿರುವುದು ಗೌರವಕ್ಕೆ ಪಾತ್ರವಾಗಿದೆ.  ರಾಷ್ಟ್ರ ನಿರ್ಮಾಣಕ್ಕೆ ದೀರ್ಘಕಾಲದ ಬದ್ಧತೆಯನ್ನು ಹೊಂದಿರುವ ಕಂಪನಿಯಾಗಿ, ಭಾರತದ ಬೆಳವಣಿಗೆ ಮತ್ತು ಅಭಿವೃದ್ಧಿಗೆ ಕೊಡುಗೆ ನೀಡುವ ಚಲನಶೀಲತೆಯ ಪರಿಹಾರಗಳನ್ನು ಅಭಿವೃದ್ಧಿಪಡಿಸಲು ನಾವು ನಿರಂತರವಾಗಿ ನಾವೀನ್ಯತೆಯನ್ನು ಸ್ವೀಕರಿಸಿದ್ದೇವೆ. ಇಂದು, ಈ ಹೈಡ್ರೋಜನ್ ಟ್ರಕ್ ಪ್ರಯೋಗಗಳ ಪ್ರಾರಂಭದೊಂದಿಗೆ, ದೀರ್ಘಾವಧಿಯ ಸಾರಿಗೆಗಾಗಿ ಶುದ್ಧ, ಶೂನ್ಯ ಹೊರಸೂಸುವಿಕೆ ಶಕ್ತಿಯ ಪರಿವರ್ತನೆಯ ಪ್ರವರ್ತಕರಾಗಿ ಈ ಪರಂಪರೆಯನ್ನು ಮುಂದುವರಿಸಲು ನಾವು ಹೆಮ್ಮೆಪಡುತ್ತೇವೆ. ಇದನ್ನು ಸಾಧ್ಯವಾಗಿಸುವಲ್ಲಿ ಅವರ ದೂರದೃಷ್ಟಿಯ ನಾಯಕತ್ವಕ್ಕಾಗಿ ನಾವು ಭಾರತ ಸರ್ಕಾರಕ್ಕೆ ಕೃತಜ್ಞರಾಗಿರುತ್ತೇವೆ ಮತ್ತು ಉತ್ತಮ ಕಾರ್ಯಕ್ಷಮತೆ ಮತ್ತು ದಕ್ಷತೆಯನ್ನು ನೀಡುವ ಸುಸ್ಥಿರ, ಭವಿಷ್ಯದ ಸಿದ್ಧ ಚಲನಶೀಲತೆ ವ್ಯವಸ್ಥೆ ಹಾಗೂ ಪರಿಹಾರಗಳನ್ನು ನಿರ್ಮಿಸುವಲ್ಲಿ ಮತ್ತು ನಮ್ಮ ಪಾತ್ರವನ್ನು ಉತ್ತಮ ರೀತಿಯಲ್ಲಿ ನಿರ್ವಹಿಸಲು ನಾವು ಬದ್ಧರಾಗಿದ್ದೇವೆ" ಎಂದು ಹೇಳಿದರು.

*****