ساتویں  جن اوشدھی دوس- 2025 کا چوتھا دن 30 ریاستوں کے 30 بڑے شہروں میں ملک کی خواتین پر خصوصی توجہ کے ساتھ منایا گیا۔  رکن پارلیمنٹ جناب کوٹا سری نواس پجاری اپنے حلقہ انتخاب اڈوپی چک منگلور، کرناٹک میں جن اوشدھی پروجیکٹ کے بارے میں بیداری پھیلا رہے ہیں۔ اس  موقع پر  محترمہ سویتا کپور، ممبر اسمبلی، اتراکھنڈ نے بھی جن اوشدھی کے پیغام کو پھیلانے کے لیے دہرادون میں ایک پروگرام میں شرکت کی۔

خواتین کی کوششوں کو خراج تحسین پیش کرنے کے لیے جن اوشدھی نے ملک بھر کے 30 شہروں میں مختلف پروگراموں کا انعقاد کیا۔ ان پروگراموں میں خواتین کو جن اوشدھی مراکز کے ذریعے فروخت ہونے والی خواتین پر مبنی مختلف مصنوعات کے بارے میں معلومات فراہم کی گئیں۔ ان پروگراموں کے دوران، خواتین میں سینیٹری پیڈ تقسیم کیے گئے تاکہ وہ جن اوشدھی پروڈکٹس کے اعلیٰ معیار اور سستی کے بارے میں آگاہی حاصل کر سکیں۔

خیال رہے اس وقت ملک بھر میں 15,000 سے زیادہ جن اوشدھی مراکز کھولے گئے ہیں، جن میں ملک کے تمام اضلاع شامل ہیں۔ اس اسکیم کے تحت حکومت نے 31 مارچ 2027 تک ملک بھر میں 25,000 جن اوشدھی کیندر کھولنے کا ہدف رکھا ہے۔

وزیر اعظم کی پہل پر 7 مارچ کو ہر سال "جن اوشدھی دوس" کے طور پر منایا جاتا ہے جس کا مقصد اس اسکیم کے بارے میں بیداری بڑھانے اور جینرک ادویات کو فروغ دینا ہے۔ سالہائے گزشتہ کی طرح یکم مارچ سے 7 مارچ 2025 تک ملک بھر میں مختلف مقامات پر ہفتہ بھر کی تقریبات کا منصوبہ بنایا گیا ہے۔

 *******

ش ح۔ ظ ا

UR No.7825

(Release ID: 2108224) Visitor Counter : 16