دفاعی سکریٹری جناب راجیش کمار سنگھ نے 03 مارچ 2025 کو نئی دہلی میں ہندوستانی فضائیہ (آئی اے ایف) کی صلاحیت بڑھانے کے لیے بااختیار کمیٹی کی رپورٹ وزير دفاع جناب راج ناتھ سنگھ کو پیش کی۔ کمیٹی نے اہم توجہ کے شعبوں کی نشاندہی کی ہے اور زیر عمل لانے کے لیے مختصر، درمیانی اور طویل مدتی سفارشات پیش کی ہیں تاکہ آئی اے ایف کی صلاحیت میں بہتری کے مطلوبہ ہدف کو حاصل کیا جا سکے۔

رپورٹ میں ڈی پی ایس یو اورڈی آر ڈی او کی کوششوں کی تکمیل کرنے والے نجی شعبے کے ساتھ ایرو اسپیس شعبے میں‘آتم نر بھربھارت’ کو مضبوط کرنے کی تحریک کی ضرورت پر بھی زور دیا گیا ہے۔ وزیر دفاع نے کمیٹی کے کام کی تعریف کی اور ہدایت دی کہ سفارشات پر مقررہ وقت میں عمل درآمد کیا جائے۔

کمیٹی کی تشکیل وزیر دفاع کی ہدایت پر کی گئی تھی تاکہ تمام مسائل کا جامع طور پر جائزہ لیا جائے اور ایک واضح لائحہ عمل تیار کیا جا سکے۔ کمیٹی کی صدارت دفاعی سکریٹری نے وائس چیف آف ایئر اسٹاف کے ساتھ کی، سکریٹری (دفاعی پیداوار)، سکریٹری، محکمہ دفاع آر اینڈ ڈی اور چیئرمین ڈی آر ڈی او، ڈی جی ایکوزیشن بطور ممبر اور ڈپٹی چیف آف دی ایئر اسٹاف بطور ممبر سیکریٹری شامل تھے۔

*****

(ش ح ۔ م ش ع۔ن ع(

U.No 7784

(Release ID: 2107918) Visitor Counter : 15