امور داخلہ اور باہمی تعاون کے مرکزی  وزیر جناب امت شاہ نے آج نئی دہلی میں گوا کے وزیر اعلیٰ ڈاکٹر پرمود ساونت کے ساتھ ریاست میں تین نئے فوجداری قوانین کے نفاذ پر ایک جائزہ میٹنگ کی صدارت کی۔ اجلاس میں پولیس، جیل، عدالتوں، پراسیکیوشن اور فرانزک سے متعلق مختلف نئی دفعات کے نفاذ اور موجودہ صورتحال کا جائزہ لیا گیا۔ میٹنگ میں مرکزی داخلہ سکریٹری، گوا کے چیف سکریٹری اور پولیس کے ڈائریکٹر جنرل، بیورو آف پولیس ریسرچ اینڈ ڈیولپمنٹ (BPR&D) کے ڈائریکٹر جنرل، نیشنل کرائم ریکارڈ بیورو (NCRB) کے ڈائریکٹر سمیت وزارت داخلہ اور حکومت گوا کے سینئر افسران نے شرکت کی۔

میٹنگ کے دوران، مرکزی وزیر داخلہ جناب امت شاہ نے اس بات پر زور دیا کہ وزیر اعظم جناب نریندر مودی کی قیادت میں متعارف کرائے گئے تین نئے فوجداری قوانین کا بنیادی مقصد فوری انصاف کو یقینی بنانا ہے۔ انہوں نے کہا کہ گوا  تین نئے فوجداری قوانین کو مؤثر طریقے سے لاگو کرنے کے لئے ایک ماڈل ریاست بنے۔

جناب امت شاہ نے تیز رفتار انصاف کو یقینی بنانے کے لیے تفتیش اور استغاثہ میں وقت کی پابندیوں پر سختی سے عمل کرنے کی اہمیت پر زور دیا۔ انہوں نے سات سال سے زیادہ سزا کی فراہمی کے مجرمانہ مقدمات میں سزا کی شرح 90 فیصد حاصل کرنے کی ضرورت کو اجاگر کیا۔ وزیر داخلہ نے ای ساکشیہ پلیٹ فارم پر تمام تفتیشی افسروں (IOs) کے لازمی رجسٹریشن پر بھی زور دیا اور گوا میں 31 مارچ 2025 تک ای سمن کے مکمل نفاذ کی ہدایت  دی۔

امور داخلہ اور باہمی تعاون کے مرکزی   نے ایک بار پھر اس بات پر زور دیا کہ سینئر پولیس افسران کو منظم جرائم، دہشت گردی اور ہجومی تشدد کے معاملات کی باقاعدگی سے نگرانی کرنی چاہئے تاکہ ان جرائم سے متعلق دفعہ کا غلط استعمال نہ ہو۔ ان معاملات سے متعلق دفعات کے تحت مقدمہ درج کرنے سے پہلے سپرنٹنڈنٹ آف پولیس سطح کے افسر سے اجازت لی جانی چاہئے۔ انہوں نے کہا کہ پولیس کو نئے فوجداری قوانین کی دفعات کے مطابق مجرموں سے برآمد ہونے والی جائیداد کو اس کے حقدار کو واپس کرنے کے انتظامات کرنے چاہئیں۔

جناب امت شاہ نے 100% فرانسک نمونے کی جانچ کو حاصل کرنے کی ضرورت پر زور دیا اور اس مقصد پر سختی سے عمل کرنے کی ہدایت دی۔ انہوں نے گوا کے وزیر اعلیٰ، چیف سکریٹری اور پولیس کے ڈائریکٹر جنرل پر زور دیا کہ وہ تین نئے قوانین کے نفاذ کی پیش رفت کا مسلسل جائزہ لیں۔

******

U.No:7783

ش ح۔ح ن۔س ا