ترواننت پورم میں بھارتیہ وچارکیندرم کے زیر اہتمام چوتھا پی پرمیشورن خطبہ دینا ایک مکمل اعزاز اور فخر کی بات ہے۔بھارت کے عظیم فرزندوں میں سے ایک کی یاد میں یادگاری خطبہ ہے۔ ان کا شمار اس صدی کےہندو فکری عمل کے نظریات اور مفکرین کی اگلی صف میں ہوتا ہے۔ ہم اس خطبہ کے ذریعے سماجی کاموں کے لیے پرعزم بہترین دانشوروں میں سے ایک اور اس مٹی کے سپوت کو کیرالہ کی سرزمین، نارتھ زون کے خطے میں اعزاز حاصل کرنے کا جشن منا رہے ہیں۔

یہ اس بات کا ثبوت ہے کہ ہماری تہذیبی اقدار پروان چڑھتی ہیں، ایک تہذیب کو صرف ایک بنیادی خیال سے پہچانا جاتا ہے، کیا یہ واقعی اپنے عظیم سپوتوں کی عزت افزائی کرتی ہے اور گزشتہ چند  برسوں میں یہی موضوع رہا ہے۔ ہمارے بھولے ہوئے ہیروز، گمنام ہیروز، ہم نے انہیں یاد کیا ہے۔

 کیرالہ دانشورانہ گفتگو، ثقافتی روشن خیالی، اور روحانی حصول کا گہوارہ رہا ہے۔ یہ ایک ایسی سرزمین ہے  جہاں آدی شنکراچاریہ  نے جنم لیا، جنہوں نے ادویت ویدانت کے فلسفے کو نارائنا گرو تک  پہنچایا جنہوں نے اپنی سماجی اصلاح اور سماجی اصلاح کاروں کی اپنی ٹیم کے ذریعے جدید پیغام کی رہنمائی کی۔ ہم ان میں سے ایک کی یاد کا جشن منا رہے ہیں۔

 یہ سرزمین سبری مالا، پدمنابھاسوامی مندر، اور گرووائر سمیت کچھ انتہائی قابل احترام مندروں کا گھر بھی ہے، جو لاکھوں عقیدت مندوں کو اپنی طرف متوجہ کرتی ہے ، اس سے انہیں ترغیب حاصل ہوتی ہے اور حوصلہ ملتا ہے ۔ اعتقاد اور عقیدت جو ان مقدس مقامات پر پھیلی ہوئی ہے ہمیں ان دائمی اقدار کی یاد دلاتا ہے جو ہماری قوم کو ایک ساتھ  جوڑے رکھتی ہے۔

 ہماری اقدار اعلیٰ، مذہبیت اور روحانیت، راہ راست اور خدمت خلق سے بھری ہوئی ہیں۔ اس زرخیز مقدس جغرافیائی حصے نے شری پی پرمیشورن جی کو بھی جنم دیا جنہوں نے یہاں اپنی پیدائش کے ساتھ ہی اپنی اقدار حاصل کیں۔ بھارتی اقدار کے تئیں ان کی غیر متزلزل وابستگی، ہندوستانی اخلاقیات کے بارے میں ان کی گہری سمجھ اور قومی اتحاد کے لیے ان کی انتھک جستجو نسلوں کو متاثر کرتی رہتی ہے۔

 ثقافتی طور پر جڑے ہوئے اور روحانی طور پر بیدار، خود انحصار بھارت کے لیے ان کا وژن پورے ملک میں گہرائی سے گونجتا ہے۔ جب ہم مشرق اور مغرب کے سنگم کی بات کرتے ہیں تو ہمیں شری وویکانند، سوامی وویکانند اور شکاگو میں ان کا تاریخی خطاب یاد آتا ہے جو 1893 میں ورلڈ کونسل آف ریلیجنز میں پیش کیا گیا تھا۔ لیکن اسے کس نے زندہ کیا؟ ہم میں شعلہ کس نے جلایا؟ جدید دور میں ہمیں کس نے متاثر کیا؟ اس خطاب کے نچوڑ سے جس نے عالمی ذہنوں میں ہلچل مچا دی، وہ کوئی اور نہیں بلکہ شری پی پرمیشورن تھے۔

1993 میں، اس واقعہ کے سو سال بعد، یہ پرمیشورن جی ہی تھے جنہوں نے دنیا کو سوامی جی ،ان کی زندگی، ان کی میراث اور ان کے پیغام پر غور کرنے کی دعوت دی۔حکومت ہند نے اس مٹی کے فرزند کو بجا طور پر تسلیم کیا ہے جو کہ ہندو فکری عمل کا ایک عظیم نظریہ ہے۔

بھارتیہ سنسکرت کے ایک پیغامبر، ایک لحاظ سے ایک مرکز جس نے 2000 کے اوائل میں پدم شری کے ساتھ اور 2018 میں پدم وبھوشن کے دوسرے اعلیٰ ترین شہری اعزاز کے ساتھ ہماری اقدار کی عظمت کو پھیلایا، لیکن یہ  اعزازات اس شخص کی مکمل تعریف  بیان کرنے کے لیے ناکافی ہیں جس کی یاد میں ہم یہ خطبہ  دے رہے ہیں۔

 ایسی بلند پایہ شخصیات کو جو ہم خراج تحسین پیش کر سکتے ہیں جو ہماری اقدار کو وسعت دیتے ہیں، ہمارے ثقافتی جوہر، انسانی اقدار کی بہترین عکاسی کرتے ہیں، ان کی پیروی کرنا ہے۔ ہمیں اس قدر کے نظام کی تقلید کرنی چاہیے جس کا انہوں نے پیغام دیا۔

 خواتین و حضرات، میں اس خطبے کے موضوع یا تھیم کی بہت ستائش کرتا ہوں، "ڈیموگرافی، ڈیولپمنٹ اور ڈیموکریسی، بھارت کے مستقبل کی تشکیل"- اس موضوع سے زیادہ عصری طور پر کوئی چیز متعلقہ نہیں ہو سکتی، اور یہ موضوع ، جب کہ یہ تھیم راشٹریہ رشی کو خراج عقیدت ہے جنہوں نے  راشٹریہ  سویم سیوک سنگھ کے ذریعے انسانی زندگی کے سفر کو وقف کیا،ایک ایسی تنظیم ، جس کی جڑیں ثقافتی اقدار میں پیوست ہیں اور اب جو صد سالہ تقریب منارہا ہے ، میں ہر ایک سے اپیل کرتا ہوں کہ دو سالوں میں ہم مٹی کے اس عظیم فرزند کی صد سالہ پیدائش منائیں گے۔

مجھے یقین ہے کہ منتظمین اسی طرح کی تنظیموں کے ساتھ مل کر اقدامات کریں گے تاکہ ان کا پیغام پورے ملک اور دنیا تک پہنچ جائے۔ اگر مجھے پی پرمیشورن جی کے فکری عمل کا خلاصہ کرنا ہے تو ہم سب بھارتیہ ہیں۔ہندوستانیت ہماری پہچان ہے۔ قومی مفاد ہمارا دین ہے، قومی فلاح سب سے مقدم ہے۔ کوئی بھی مفاد خواہ وہ ذاتی، سیاسی یا سماجی ہو، قومی مفاد سے بالاتر نہیں۔

اور اس لیے، میں منتظمین کی تعریف کرتا ہوں کہ انھوں نے اس کے بارے میں اتنا سوچا۔ اس کا موضوع  مجھ سے مطالبہ کرتا ہے کہ پہلے قوم کی حالت پر غور کروں۔ ایک وقت تھا، اور مجھے اسے دیکھنے کا موقع ملا، 1989 میں ممبر پارلیمنٹ کی حیثیت سے،91-1990 میں مرکزی وزیر کے طور پر، ایسا ماحول جو ہمارے لیے باعث ترغیب نہیں تھا۔ یہ تشویشناک حد تک مایوس کن تھا، لمحہ فکریہ تھا، اور اب ہمارا بھارت مثبتیت اور امکانات سے  پرہے۔

 یہ امیدوں اور امنگوں سے بھرا ہوا ہے۔ چاروں طرف، تمام وسیع، امید اور امکان کا ایک ماحولیاتی نظام جسے ہم دیکھ سکتے ہیں، اور عالمی فضا میں، یہ سرمایہ کاری اور مواقع کا سب سے روشن مقام ہے۔ ملک نے پچھلی دہائی میں غیر معمولی اقتصادی ترقی دیکھی ہے۔ ایک دہائی قبل 11 ویں پوزیشن سے ہمارا عروج، معاشی حجم کے پیمانے پر، ہم نے ایک طویل فاصلہ طے کیا ہے، رکاوٹوں، دشوار گزار مراحل ، پہلے  کی رخنہ اندازیوں پر قابو پاتے ہوئے ، نظام کو صاف کرتے ہوئے، اسے شفاف اور جوابدہ بنایا ہے۔

 ہم اس وقت 5ویں سب سے بڑی عالمی معیشت ہیں، بہت جلد 4 ٹریلین امریکی ڈالر معیشت بننے  اور اس مدت میں تقریباً 8 فیصد کی اوسط نمو کے ساتھ ترقی کی راہ پر گامزن ہیں  ۔ بھارت پچھلی دہائی میں سب سے تیزی سے بڑھتی ہوئی عالمی معیشت ہے، جسے عالمی اداروں، آئی ایم ایف اور ورلڈ بینک نے سراہا ہے۔

 ورلڈ بینک نے ہمارے گہرے ڈیجیٹلائزیشن، تکنیکی رسائی کو سراہا ہے اور اب ہر کوئی اسے زمینی حقیقت کے طور پر دیکھ رہا ہے۔ اگلا معاملہ بنیادی ڈھانچے کا ہے ۔ غیر معمولی بنیادی ڈھانچے کی ترقی نے ہمارے لیے زمین ہموار کی ہے ۔خواہ  سمندر ہو، گہرا سمندر ہو، زمین ہو، آسمان ہو یا خلا میں، ہماری تمام کامیابیاں ہمیں بہت فخر کا باعث بناتی ہے ، اور مجھے آپ کے ساتھ  یہ اشتراک کرتے ہوئے خوشی ہو رہی ہے، ہر سال ملک میں چار نئے ہوائی اڈے اور ایک میٹرو سسٹم شامل کیا گیا ہے، اور روزانہ کی بنیاد پر 14 کلومیٹر شاہراہوں  اور 6 کلومیٹر ریلوے کا اضافہ ہو رہا ہے۔

 اگر میں گہری تکنیکی رسائی کے پیمانے پر غور کروں تو 85 ملین گھروں سے، 330 ملین ہیلتھ کوریج کے ساتھ، اور 29 ملین چھوٹے کاروبار سالانہ قرضوں کے ساتھ مستفید ہو رہے ہیں۔ حکومت مثبت پالیسیوں اور اختراعی اسکیموں کے ذریعے ان کی مدد کررہی ہے ۔ اب ہم  نے خلا میں جو کچھ حاصل کیا اس پر فخر کرتے ہیں ۔ قمری اور مریخ کے مشن،  میڈیکل سائنس میں ویکسین کی تیاری، اورملک سیمی کنڈکٹرز، انجینئرنگ اور مینوفیکچرنگ کا مرکز بننے کا پابند عہد ہے۔

 سبز توانائی، شہری کاری، ابھرتی ہوئی  حل پیش کرنے والی  ٹیکنالوجیز میں دنیا کے ساتھ ہندوستان  مصروف عمل ہے،جس میں ہم سب سے آگے ہیں۔  یہ پہلی بار ہے کہ ملک مصنوعی ذہانت، کوانٹم کمپیوٹنگ، گرین ہائیڈروجن مشن پر بڑے ممالک کی صف میں شامل  ہے، اور تمام وسیع ڈیجیٹلائزیشن نے شفافیت، احتساب، آسان خدمات کی کفایتی رسائی پیدا کی ہے۔

تکنیکی راہداریوں کی وجہ سے اقتدار کے گلیاروں سے بدعنوانی کو غیر مؤثر کر دیا ہے۔ تکنیکی مداخلت بدعنوانی اور بے ضابطگی پرضرب کاری سے کم نہیں ہے، اور یہ اس منظر نامے سے ظاہر ہوتا ہے کہ دنیا میں ڈیجیٹل لین دین کا تقریباً نصف حصہ ہندوستان سے ہے جو کہ 6.5 بلین  ماہانہ ہے۔

 مجھے یاد کرنے دیں کہ پی پرمیشورن جی نے اس موقع پر کیا کہا تھا، ایسے موقع پر، ہمیں غور کرنے، یاد رکھنے کی ضرورت ہے، میں نقل کرتا ہوں، "بھارت کے نوجوان محض ہماری تہذیب کے وارث نہیں ہیں، بلکہ وہ معمار ہیں جو اپنی امنگوں، اختراعات اور پائیداریت  کے ذریعے ہمارے ملک کے مستقبل کی شان کو تشکیل دیں گے۔"

ہماری جغرافیائی آبادی میں  اس کا نوجوان حصہ، دنیا کے لیے باعث حسد ہے۔ ہندوستان کی سب سے بڑی طاقت اس کی آبادی ہے۔ ہم انسانیت کا چھٹا حصہ ہیں، لیکن ہماری جغرافیائی آبادی کا یہ شاندار معیاردیکھنے لائق ہے ۔

پینسٹھ فیصد آبادی کام کرنے کی عمر میں ہے۔ ہماری قوم کی اوسط عمر 28.4 سال ہے۔ ہم دنیا کی سب سے کم عمر بڑی معیشت کے طور پر منفرد مقام رکھتے ہیں۔

اس کا موازنہ جاپان سے کریں، 48.7 سال۔ اس کا موازنہ جرمنی سے، 44.3 سال اور چین سے، 38.4 سال۔ عوام پر مبنی پالیسیوں اور شفاف جوابدہ حکمرانی نے ماحولیاتی نظام کو فروغ دیا ہے۔ اس کے پیمانے کا تصور کریں، 1.4 بلین کی آبادی والا ملک۔ تبدیلی کو دیکھیں جس نے دیہی ماحول کو متاثر کیا ہے۔

 ہر گھر میں بیت الخلاء ہے، بجلی کا کنکشن ہے، پانی کا کنکشن ہے، گیس کا کنکشن ہے۔ یہ ہماری ترقی کی رفتار کی وضاحت کرتے ہیں۔ ہندوستان اب وعدہ کرنے والی قوم نہیں ہے۔ ہندوستان کو اب سپیروں کی قوم کا نام نہیں دیا جاتا۔ ہندوستان پوری دنیا کو اس صلاحیت کے ساتھ دلکش بنا رہا ہے جو اس کے پاس پوری دنیا میں موجود ہے۔

 یہ معاشی نشاۃ ثانیہ، جو کچھ سال پہلے تصور سے پرے، غور و فکر سے پرے، خوابوں سے پرے تھا، پیدا ہوا ہے،جوہماری سناتن کی شمولیت کا جوہر کیا ہے۔ غیر امتیازی، یکساں، برابری، مساوی ترقی، نتائج اور ہر ایک کے لیے ثمرات ہیں۔اور سب کوشش کی گئی ہے کہ کسی بھی قابلیت، نسل، مذہب، ذات، رنگ سے بالاتر ہو کر اس کا فائدہ ان لوگوں تک پہنچے جو آخری صف میں ہیں اور یہ بڑی کامیابی کے ساتھ ہو رہا ہے۔

بھارت دنیا کی واحد جمہوریت ہے جس نے گاؤں کی سطح پر جمہوریت کی تشکیل کی ہے۔ آئینی طور پر گاؤں کی سطح، میونسپل سطح، ریاستی سطح اور مرکزی سطح پر جمہوریت کو تقدس بخشا۔ میں چاہتا ہوں، اس عظیم موقع پر، ہر ایک کو اس بات پر غور کرنا چاہیے کہ جمہوریت کیا ہے۔

 جمہوریت کی تعریف اظہار رائے اور مکالمے کی آزادی سے ہوتی ہے۔ اگر ہم اظہار رائے کی آزادی سے لطف اندوز ہوں اور دوسرے نقطہ نظر کی طرف کان نہیں دیں  گے، مکالمے میں شامل نہیں ہوں گے، دوسرے نقطہ نظر کی قدر نہیں کریں گے تو اظہار رائے آمریت بن جاتا ہے۔

جمہوریت میں کسی شخص یا ادارے کے لیے انا اور تکبر کی کوئی جگہ نہیں ہے۔ جمہوریت کے بنیادی عناصر مساوات، مساوی حقوق اور مساوی مواقع ہیں۔

اور اس لیے میں اپیل کرتا ہوں کہ جو لوگ ہم آہنگی، سماجی ہم آہنگی، قومی ہم آہنگی میں یقین نہیں رکھتے، انہیں شری پی پرمیشورن جی کے فکری عمل میں شامل ہونا چاہیے۔

ہم اس سرزمین میں کیسے دیکھ سکتے ہیں جس میں 5000 سال کی تہذیبی اخلاقیات کی گونج ہے؟ کوئی کہتا ہے، میں اکیلا ہی صحیح ہوں اور میرے الفاظ کا کوئی متبادل نہیں ہے، ایسا نہیں ہے ۔یہ خیالات ہماری تہذیبی اخلاقیات کے خلاف ہیں۔ وہ جمہوریت کے تصور کے خلاف جنگ کرتے ہیں، اور اس لیے ہمیں اظہار خیال کے ساتھ ساتھ مکالمے پر بھی توجہ مرکوز کرنی چاہیے، مکالمہ ہر کسی کو اپنے آپ کا جائزہ لینے، خود کا احتساب کرنے، دوسرے خیال کے لیے کھلا رہنے کے قابل بناتا ہے۔

 اور یہی وہ کام تھا جو پی پرمیشورن جی پوری طرح کر رہے تھے۔ نظریاتی گفتگو، نظریاتی بحث، نظریاتی ذہن سازی ہماری گفتگو پر حاوی ہونی چاہیے، تشدد نہیں۔ ہماری ثقافت کیا کہتی ہے۔ہماری ثقافت کیا کہتی ہے؟ اظہار، بحث اور ابدیت کا سرچشمہ، ابدیت ہمارے ثقافتی ورثے میں پنہاں ہے۔ ابدیت کا نتیجہ یہ ہوا کہ ہندوستان علم کا ذخیرہ تھا، معلومات کا ذخیرہ تھا۔

اگر ہندوستان آج دنیا کا ثقافتی مرکز ہے تو ہمیں اس سطح پر آنے کے لیے پی پرمیشورن جی جیسے لوگوں کا ممنون ہونا چاہیے ۔ اگر ماضی میں، تقریباً 1200 سال پہلے، ہندوستان دنیا کا علم و دانش کا گہوارہ  تھا، تو یہ ہمارے اداروں کی وجہ سے تھا۔

آج کے دن،  کچھ حالات خوفناک ہیں اور ہمیں غوروخوض کرنے پر مجبور کرتے ہیں۔

ہمیں بعض پہلوؤں پر تشویشناک حد تک مایوس کن صورتحال کا سامنا ہے۔ سیاست پولرائز ہو چکی ہے۔ ہمیں بعض پہلوؤں پر تشویشناک حد تک مایوس کن  صورتحال کا سامنا ہے۔ عمودی طور پر تقسیم، درجہ حرارت ہمیشہ زیادہ ہوتا ہے۔ بنیادی قومی اقدار اور تہذیبی اقدار مرکزی موضوع نہیں ہیں۔ اس ملک میں جہاں تنوع اتحاد میں جھلکتا ہے، یہ ملک جو جامعیت کی سناتن اقدار پر فخر کرتا ہے، ہم خود کو ان بنیادی اقدار سے دور رہنے اور پولرائزڈ، تفرقہ انگیز سرگرمیوں میں ملوث ہونے کے متحمل نہیں ہو سکتے۔

وقت آگیا ہے کہ ہم سناتن دھرم کی اس مشعل سے جڑجائیں جسے  شری پی پرمیشورن جی نے روشن کیا تھا، اور مجھے اس تشویش پر غور کرنے دیں۔ جیسے جیسے بامعنی مکالمہ ختم ہوتا جاتا ہے، اسی طرح تعاون،اشتراک  اور اتفاق رائے کے ستون بھی ختم ہوتے جاتے ہیں۔

 مجھے آپ کے ساتھ اپنا دکھ، اپنا درد بانٹنا چاہیے۔ سب سے بڑی جمہوریت کی پارلیمنٹ کو عوام کے لیے رول ماڈل ہونا چاہیے۔ یہ عوام کی امنگوں کو حقیقت میں بدلنے کا پلیٹ فارم ہے۔ اسے مکالمے، بحث، مباحثے اور غور و فکر کا ناقابل تسخیر قلعہ ہونا چاہیے۔ اور ان پہلوؤں کی مثال دستور ساز اسمبلی نے دی جس نے اٹھارہ اجلاسوں میں تقریباً تین سال کام کیا۔ اور آج ہم کیا دیکھتے ہیں؟ مکالمے، غور و فکر اور دیگر نے خلل اور خلل پیدا کیا ہے۔

 جب جمہوریت کے مندروں میں خلل اور رخنہ اندازی ہورہی ہو تو کیا اس سے زیادہ بے حرمتی ہو سکتی ہے؟ ہماری جمہوریت کو زندہ رہنا ہے۔ اور پہلا امتحان پارلیمانی کام کاج کا ہے۔ ہمیں ایسے حالات کا سامنا ہے جہاں قومی مفاد کو پامال کیا جاتا ہے۔ ملک دشمن بیانیے پروان چڑھ رہے ہیں۔

 ہم بہت خطرناک دور میں جی رہے ہیں۔ قوم پرستی کی قیمت پر متعصبانہ اور ذاتی مفادات کو فروغ دینے والے سیاسی عدم برداشت اور لاپرواہ موقف کو معتدل کرنے کی ضرورت ہے۔ سماجی مشاورت کی ضرورت ہے۔ نوجوان ذہنوں اور بزرگ شہریوں کو ایک ماحولیاتی نظام پیدا کرنے کے لیے متحد ہونا چاہیے۔ ہماری ذہنیت کومتاثر کن بنا کر، ہمارے پاس ایک ایسا آئین ہے جو گروکل کو نمایاں طور پر پیش کرتا ہے۔

یہ رامائن کا حوالہ دیتا ہے۔ پیغام کیا ہے؟ادھرم پر دھرم کی جیت،جب بنیادی حقوق، آئین کے حصہ III میں، آپ کے پاس ایودھیا آنے والے رام، سیتا اور لکشمن کی تصویر ہے۔اندھیرے سے روشنی کی طرف، دھرم کی جیت ادھرم کی ہار۔ مہذب طرز عمل کا پیغام اور اگر ہم کہیں، ’’سب کا ساتھ، سب کا وشواس‘‘، تو آپ کو اس کا حصہ رامائن میں ملے گا۔ 

 ہندوستان کے آئین میں، اگر ہم اگلے حصے ،ریاستی پالیسی کے ہدایتی اصول میں جائیں۔ مہابھارت کا وہ پس منظر ہے ، کروکشیتر کا وہ منظر۔ شری کرشن ارجن کو اپدیش دے رہے ہیں۔ یہ ہمیں کیا سبق دیتا ہے؟ یہ کہتا ہے کہ نشانے پر توجہ مرکوز رکھو، چھت کو مت دیکھو، مچھلی کو مت دیکھو، مچھلی کی آنکھ کو مت دیکھوکیوں کہ آپ کا نشانہ وہ نہیں ہے۔آپ کو نشانہ لگانا ہے۔اسی طرح سے ھکمرانی کا کام کرتے ہوئے فرائض کو انجام دیتے ہوے، ہمارا نقطہ نظر اقرباء پروری نہیں ہونی چاہیے۔

پیغام بلند اور واضح ہے۔ سرپرستی، اقربا پروری، جانبداری، وہ برائیاں ہیں جو معاشرے کے میرٹ کو ختم کرتی ہیں۔ خوش قسمتی سے، اقتدار  کے گلیارے کو بدعنوانی سے پاک کر دیا گیا ہے۔ ہر شخص، ہر بھارتی کا فرض ہے کہ وہ نہ صرف ان اقدار پر یقین رکھے، بلکہ انہیں پھیلائے بھی۔

 اب میں ڈیموگرافی کی طرف آتا ہوں۔ جغرافیائی آبادی  سے فرق پڑتا ہے۔ ڈیموگرافی کو اکثریت پسندی کے ساتھ الجھایا نہیں جانا چاہئے۔ ہمارا معاشرہ ان دو کیمپوں میں تقسیم نہیں ہو سکتا۔ لیکن خواتین و حضرات، جب آبادی کی بات آتی ہے تو  ملک  کو سنگین چیلنجوں کا سامنا ہے۔

 ڈیموگرافی کا ارتقاء نامیاتی ہونا چاہیے۔ یہ قدرتی ہونا چاہئے۔ اسے سکون بخش ہونا چاہیے تب ہی یہ اتحاد اور تنوع کی عکاسی کرتا ہے، لیکن اگر آبادیاتی تغیرات کو مجازی اور زلزلے کی نوعیت میں لایا جائے تو تشویش کا باعث ہے۔

 اگر ترقی کو محفوظ بنانے کے مقصد کے ساتھ آبادیاتی جزو کو بڑھانے کے ارادے سے غیر نامیاتی آبادیاتی تغیرات رونما ہوتے ہیں، تو ہمیں سوچنا  ہوگا۔  ایسا  کیا جا رہا ہے۔ یہ نمایاں طور پر کیا جا رہا ہے۔ ہم ایک ایسے مرحلے پر ہیں، جہاں ہم اس انتہائی غیر مستحکم ترقی کو نہ تو نظر انداز کر سکتے ہیں اور نہ ہی اس کا سامنا کر سکتے ہیں۔

 ہمیں انتہائی محتاط  رہنا ہوگا۔ آپ سب بھارت کے قدیم آبادیاتی تقدس کو برقرار رکھنے کے لیے متحد ہوں۔ چیلنج مختلف طریقوں سے آرہا ہے۔ ایک لالچ ، فتنہ کے ذریعے ہے۔ ضرورت مندوں اور کمزوروں تک پہنچنا ہے ۔ سہولت فراہم کرنا۔ اور پھر ایک پر لطف  طریقے سے مذہب کی تبدیلی کا مشورہ دینا جس پر تبدیلی کا لیبل لگا ہوا ہے۔ ملک ہر کسی کو اپنی پسند کا مذہب رکھنے کی اجازت دیتا ہے۔ یہ ہمارا بنیادی حق ہے۔

یہ ہمارا تہذیبی اثاثہ ہے لیکن اگر اس کے ساتھ چھیڑ چھاڑ کی جاتی ہے تو معاملہ خراب ہو جا تا ہے ۔ ایسا  برداشت نہیں  ہو سکتا۔ لالچ اور رغبت بنیاد نہیں ہو سکتی۔  کوئی درد میں ہے ، تکلیف میں ہے ، ضرورت مند ہے ، اس کی مدد کرتےوقت تبدیلی مذہب کی جانب مت کھینچو ، یہ ناقابل برداشت ہے،خواہ میں کتنی ہی کوشش کروں، میں تشویش کی سنگینی، تبدیلیوں کے قانونی، خفیہ طور پر منصوبہ بند، معاشی طور پر محرکات کی وجہ سے ہمیں درپیش چیلنج کی سنگینی کو بیان کرنے کے قابل نہیں ہوں۔

 تیسرا مقصد، جو کہ ہماری قوم کی طرف بد نیتی ہے۔ کوئی  ملک لاکھوں غیر قانونی تارکین کو کیسے برداشت کر سکتی ہے؟ تعداد  دیکھیں۔ اس خطرے کا احساس کیجئے جو وہ اس ملک کے لئے لے کر آرہے ہیں۔ اس ملک میں ہر کوئی قوم پرستی کے خواب سے  لبریز ہے۔ یہ لوگ آتے ہیں، ہمارے روزگار پر، ہماری صحت پر، ہمارے تعلیمی شعبوں کا مطالبہ کرتے ہیں اور پھر انتخابی سیاست کا عنصر بن جاتے ہیں۔ ہم مشکلات سے دوچار ہیں۔ اس پر توجہ دینا ہوگی۔ ہم  دقت میں ہیں۔ ہمیں بیداری پیدا کرنی ہوگی۔ عوام کی ذہنیت کو متحرک کرنا ہوگا۔

 ہر بھارتی کو اس چیلنج کا مقابلہ کرنے کے لیے آگے بڑھنا چاہیے۔ اور یہ بہاؤ ہماری ثقافت کو بھی خطرے میں ڈال رہا ہے۔ میں پر زور وکالت کروں گا کہ ہمیں ان آبادیوں کی نقل مکانی کو ہمت کے ساتھ ناکام بنانا چاہیے۔ میں نے تین کی طرف اشارہ کیا ہے۔ اس وقت ملک میں ہمارے پاس انتخابی نقطہ نظر سے ایسے علاقے ہیں جہاں انتخابات زیادہ معنی نہیں رکھتے۔ ہمارے پاس ملک میں ایسے قلعے ہیں جو پچھلے چند سالوں میں ابھرے ہیں جہاں انتخابات کے نتائج کو ہمیشہ جمہوری آبادیاتی انتشار کے ذریعے پیش کیا جاتا ہے۔

 ان چیلنجوں سے نمٹنے کے لیے جو بہت مشکل ہیں، صرف پالیسی مداخلتیں کافی نہیں ہیں۔ ہمیں اپنی قوم پرستی اور جمہوریت کے لیے بھی ان چیلنجوں کی قدر کرنی چاہیے اور ان کو تسلیم کرنا چاہیے۔ بھارت ماتا کے تئیں سچی عقیدت کا مطلب صرف اس کی روحانی ورثے کا جشن منانا نہیں ہے بلکہ آبادیاتی تبدیلی کی وجہ سے اس میں ہورہے عدم توازن کو فعال طور پر بچانا ہے۔ مجھے آپ کے ساتھ یہ بتاتے ہوئے خوشی ہو رہی ہے کہ وکست  بھارت اب کوئی خواب نہیں ہے۔ یہ ہمارا ہدف  ہے۔ ملک  ماضی کی شان وشوکت  دوبارہ حاصل کر رہاہے۔ ہم اس  راستے پر گامزن ہیں۔ ہمارے نوجوان اہم کردار ادا کریں گے۔ ہمیں ایسا کرنے کے لیے تیار ہونا چاہیے۔ ملک میں جو کچھ ہو رہا ہے وہ عالمی سطح پر ہمارے لیے باعث فخر ہے۔

 میں نے عالمی اداروں پر غور کیا۔ اب دیکھیے چن دن قبل  کیا ہوا تھا۔ مہاکمبھ میں امریکہ کی دو گنا سے زیادہ آبادی نے قدم رکھا۔  اس کے سائز اور پیمانے کا تصور کریں۔ اور ہمارے لیے قابل فخر انتظام، فوری ردعمل، سہولیات سب کچھ دیکھیں۔ دنیا نے اس بڑے پیمانے پر کسی صورت حال کو منظم طریقے سے سنبھالتے ہوئے نہیں دیکھا۔ کرہ ارض پر کہیں بھی ایسا نہیں دیکھا گیا۔ روزانہ کی بنیاد پر اتنی تعداد میں انسانیت کا اجتماع کہیں نہیں ہوا۔ یہ بھارت کی تعریف کرتا ہے۔ جو دنیا کو حیران کر دیتی ہے۔ دیکھیں وہاں کی نقل و حرکت کیسی تھی۔

 صحت کا کس طرح خیال رکھا گیا۔ امن عامہ کو کیسے برقرار رکھا گیا۔ حفظان صحت کو کس طرح کنٹرول کیا گیا تھا۔ میں وہاں تھا۔ میرا پورا خاندان وہاں موجود تھا۔ اس سے ہمیں فخر کرنا چاہیے۔ یہ ہندوستانی تہذیب کا ایک شاندار پہلو ہے۔ ہمیں ہمیشہ یاد رکھنا چاہیے۔ ان سب باتوں سے میں یہ کہہ سکتا ہوں کہ بھارت جیسا کوئی ملک نہیں ہے ، ہم بہت خوش قسمت ہیں پرم پتاپرمیشور کے ہماری پیدائش یہاں ہوئی، اب ہمیں اپنے فرائض کو انجام دینا چاہیے اور ذمہ داریوں کو پورا کرنے کا راستہ پرمیشورن جی نے زندگی بھر سکھایا ہے۔مثالی مبلغ کے طور پر ملک اور دنیا کی سب سے بڑے نظریاتی ادارے سے جڑکر۔راشٹریہ سویم سیوک سنگھ اور ایک راستہ دکھاکر عدم تشدد متبادل نہیں ہے۔

میں منتظمین کا بے حد مشکور ہوں کہ انہوں نے مجھے یہ عظیم موقع فراہم کیا۔ میں خود کو خوش قسمت سمجھتا ہوں، میں باعث فخر محسوس کرتا ہوں ، اور میں قومی سطح پر ان کی سالگرہ کی صد سالہ تقریبات کے انعقاد کا منتظر ہوں۔ مجھے سامعین کی موجودگی میں بھارت کے ایک اور عظیم فرزند پدم بھوشن ڈاکٹر او راج گوپال کا ذکر کرنا ہے۔

 آپ سب کو بہت بہت مبارک باد ، میں آپ سب کے صبر کا مشکور ہوں۔

جے ہند!

************

ش ح۔م ش۔ ج ا

 (U: 7741)       

(Release ID: 2107717) Visitor Counter : 30