اسرائیل کے سفیر جناب ریووین آزر نے زراعت اور کسانوں کی بہبود کی وزارت کے سکریٹری ڈاکٹر دیویش چترویدی سے کرشی بھون، نئی دہلی میں ملاقات کی۔ اس میٹنگ میں زراعت اور اس سے منسلک شعبوں میں تعاون کو مضبوط بنانے کے مواقع تلاش کرنے کے لیے ایک پلیٹ فارم کے طور پر کام کیاجاتا ہے، جس میں فوڈ سکیورٹی، پائیدار سپلائی چینز اور جدید زرعی ٹیکنالوجیز پر توجہ دی گئی۔

ڈاکٹر چترویدی نے زراعت اور اس سے منسلک شعبوں میں ہندوستان اور اسرائیل کے درمیان دیرینہ شراکت داری پر زور دیا۔ انہوں نے زرعی استعمال کے لیے سیوریج کے پانی کو ری سائیکل کرنے کے ساتھ ساتھ اہم تجارتی اور اناج ذخیرہ کرنے کے مسائل پر بھی وزیر اعظم کے وژن کو اجاگر کیا۔

میٹنگ میں اسرائیل کے وزیر زراعت اور فوڈ سیکورٹی کے آئندہ دورے ، 20 ریاستوں میں سنٹرس آف ایکسی لینس (سی او ای ایس) کے پیداواری صلاحیت، درست آبپاشی، فصل کے بعد کے انتظام اور مارکیٹ تک رسائی کے مسائل پر توجہ مرکوز کی گئی۔

بات چیت کا اختتام زرعی اختراعات، ٹیکنالوجیز اور باغبانی کے شعبے میں ہند-اسرائیل تعاون کو مضبوط بنانے کے مشترکہ عزم کے ساتھ ہوا، جس میں دونوں ممالک کے لئے باہمی فائدہ مند نتائج پر زور دیا گیا۔

اسرائیلی وفد میں ڈپٹی چیف آف مشن مسٹر فارس صائب بھی شامل تھے۔ہندوستانی کی نمائندگی محکمہ زراعت اور کسانوں کی بہبود (ڈی اے اینڈ ایف ڈبلیو) کے سینئر عہدیداروں نے کی، جن میں  جوائنٹ سکریٹری (بین الاقوامی تعاون)، جوائنٹ سکریٹری (ایم آئی ڈی ایچ) اور ایڈیشنل کمشنر (پلانٹ پروٹیکشن) شامل تھے۔

***

ش ح۔ ک ا۔  خ م

U.NO.7660

(रिलीज़ आईडी: 2106985) आगंतुक पटल : 32