کوئلہ اور کانوں کے مرکزی وزیر جناب جی کشن ریڈی نے آج کہا کہ کانوں کی وزارت دریافت سے متعلق لائسنس بلاکس کی پہلی قسط کی نیلامی مارچ 2025 میں شروع کرے گی۔ نئی دہلی میں منعقدہ ایک پریس کانفرنس سے خطاب کرتے ہوئے، وزیر موصوف نے بتایا کہ نیلامی کے ذریعے اہم اور گہرائی میں موجود معدنیات کے لیے دریافت سے متعلق لائسنس دینے کا انتظام 2023 میں ایم ایم ڈی آر ایکٹ میں ترمیم کے ذریعے کیا گیا تھا۔ جناب ریڈی نے یہ بھی کہا کہ آسام، جموں و کشمیر اور کیرالہ بھی جلد ہی معدنیات کی نیلامی میں شامل ہو جائیں گے جس سے معدنیات کی نیلامی کا نظام سترہ ریاستوں تک پہنچ جائےگا۔ مرکزی وزیر نے ملک میں کان کنی کے ماحولیاتی نظام کو مضبوط بنانے کے مقصد سے کئی اہم کامیابیوں اور مستقبل کے اقدامات پر روشنی ڈالی۔

 

دریافت کی سرگرمیوں میں اضافہ

بھارت کا ارضیاتی سروے (جی ایس آئی): جی ایس آئی نے پچھلے فیلڈ سیزن، 24-2023 کے 360 پروجیکٹس (بشمول 127 اہم معدنی پروجیکٹوں) سے نمایاں اضافہ کے ساتھ فیلڈ سیزن 25-2024 میں 438 دریافت کے منصوبے شروع کیے، جن میں 195 اہم معدنی پروجیکٹس شامل ہیں۔ ڈیٹا کے حصول اور معدنیات کی دریافت کو تیز کرنے کے لیے جدید ٹیکنالوجیز جیسے ہیلی بورن جیو فزیکل سروے، اے آئی/ایم ایل ٹولز، اور ڈرون ٹیکنالوجیز کو عمل میں لایا گیا ہے۔ فیلڈ سیزن 26-2025 میں، جی ایس آئی نے 227 اہم معدنیات کے منصوبے سمیت 450 تلاش کے منصوبے شروع کیے ہیں۔

معدنیات کی دریافت سے متعلق کارپوریشن لمیٹڈ (ایم ای سی ایل): ایم ای سی ایل کی جانب سے دریافت کی خاطر کھدائی میں 35 فیصد اضافہ ہوا، جس سے آپریشنل کارکردگی میں نمایاں اضافہ ہوا۔ مزید برآں، 2024 میں 33 ارضیاتی رپورٹیں حوالے کی گئیں، جس سے قومی معدنی اختراع کو تقویت ملی۔

قومی معدنی دریافت ٹرسٹ (این ایم ای ٹی): یکم جنوری 2024 سے 31 جنوری 2025 کے دوران   712 کروڑ روپئے مالیت کے 146 دریافت اور خریداری کے منصوبوں کو منظور کیا گیا تھا۔ تلاش کے اخراجات کی جزوی ادائیگی اور پرائیویٹ دریافت ایجنسیوں کے لیے فنڈنگ ​​سمیت اختراعی اسکیمیں، دریافت کو فروغ دینے کے لیے متعارف کرائی گئی ہیں۔

پرائیویٹ سیکٹر کی شرکت اور پالیسی اصلاحات کو فروغ

2024 میں 12 نئی نوٹیفائیڈ پرائیویٹ ایکسپلوریشن ایجنسیز (این پی ای ایز)کو شامل کیا گیا، جس سے کل تعداد 28 ہوگئی، جس سے نجی شعبے کی شرکت کی مزید حوصلہ افزائی ہوئی۔

سرحدی علاقوں میں دریافت کے رہنما خطوط میں نرمی کی گئی، سرحد سے 20 کلومیٹر سے باہر دریافت کرنے کی پابندیوں کو ہٹا دیا گیا اور وزارت دفاع کے ساتھ مل کر 20 کلومیٹر کے اندر دریافت کے عمل کو ہموار کیا۔

ٹیکنالوجی اور ڈیٹا پر مبنی فیصلہ سازی کو مضبوط بنانا

بھارت کے ارضیاتی سروے بنگلورو میں اے آئی/ایم ایل کے ذریعے معدنی ہدف کو بڑھانے کے لیے اے آئی سے چلنے والا ڈیٹا پروسیسنگ مرکز قائم کر رہا ہے۔ اس کی تکمیل کرتے ہوئے، معدنیات کی وزارت نے جولائی 2024 میں معدنی تلاش کے ہیکاتھون کا انعقاد کیا تاکہ جیو فزیکل ڈیٹا کے تجزیہ اور دریافت کے متعدد اعدادو شمار کو مربوط کرنے کے لیے ابھرتی ہوئی ٹیکنالوجیز کو فروغ دیا جا سکے۔

حاصل کئے گئے معدنیات کا نظام (ایم ٹی ایس): اصل وقت کی قیمت کے اعداد و شمار پر مبنی اوسط فروخت کی قیمت کے لیے ایک وقف شدہ ماڈیول 22 جنوری 2024 کو شروع کیا گیا۔ مزید یہ کہ دو نئے ماڈیولز - فائنل مائن کلوزر پلان ماڈیول اور ایکسپلوریشن لائسنس/ کمپوزٹ لائسنس/ ایم ٹی ایس کا پراسپیکٹنگ لائسنس ماڈیول لانچ کیا گیا۔

اہم معدنیات کے لیے اسٹریٹجک اقدامات

اہم معدنیات کا قومی مشن (این سی ایم ایم) کو  16,300 کروڑ روپئے کے اخراجات اور  18,000 کروڑ روپئے کی متوقع سرمایہ کاری کے ساتھ منظوری دی گئی تھی، جس میں گھریلو پیداوار، ری سائیکلنگ، بیرون ملک حصول اور آر اینڈ ڈی سمیت شعبوں پر توجہ مرکوز کی گئی تھی۔

ایک نئی ٹیلنگ پالیسی متعارف کرائی جائے گی تاکہ اہم معدنیات جیسے کہ گیلیئم، ٹیلوریئم اور سیلینیم کو زیادہ بوجھ والے ڈمپ اور ٹیلنگز سے بازیافت کرنے کے لیے وسائل کی اصلاح کو یقینی بنایا جا سکے۔

ریاستوں میں کان کنی کے شعبے کو پھیلانا

2024 سے اب تک 335 معدنیات بلاکس نیلامی کے لیے رکھے گئے ہیں، جن میں سے 106 کامیابی سے نیلام ہوئے ہیں۔ پہلی بار نیلامی تلنگانہ، بہار اور اروناچل پردیش میں کی گئی، جس سے ہندوستان کے معدنی نیلامی کے منظر نامے کو 14 ریاستوں تک پھیلایا گیا۔ آسام نے نیلامی کے لیے بلاکس کو بھی مطلع کیا ہے، جس میں جموں و کشمیر اور کیرالہ کے جلد شامل ہونے کی امید ہے۔

 پروجیکٹ مینجمنٹ کیلئے خصوصٰ یونٹ (پی ایم یو) کا قیام عمل میں لایا گیا ہے تاکہ نیلامی کی جانے والی کانوں کے عمل پیرا ہونے کو تیز کیا جا سکے، اس کی آسانی سے عملدرآمد اور معدنیات کی تیز رفتار پیداوار کو یقینی بنایا جا سکے۔ دہلی میں 4 اور مختلف ریاستوں میں 8 پیشہ ور افراد کے ساتھ وقف پی ایم یو پیش رفت کی نگرانی، رکاوٹوں کی نشاندہی اور مختلف شراکت داروں کے درمیان تال میل کو آسان بنا کر معدنی بلاکس کے کام کو تیز کرنے میں مدد کرے گا۔

پائیدار کان کنی اور ریاستی سطح کی کارکردگی کا اشاریہ

ریگولیٹری ماحول، تکنیکی مہارت، اور پائیداری کے طریقوں جیسے معیارات پر ریاستوں کا جائزہ لینے کے لیے 2025 میں ریاستی معدنیات اشاریہ متعارف کرایا جائے گا۔ ریاستی معدنیات اشاریہ 2025 کی دوسری سہ ماہی میں جاری ہونے کی امید ہے۔

جنوری 2025 میں بھونیشور میں منعقد ہونے والی کان کنی کے وزراء کی قومی  کانفرنس نے نیلامی کی کارکردگی،ظابطوں کے فریم ورک اور ریاست کے بہترین طریقوں پر بات چیت کی سہولت فراہم کی۔

جی ایس آئی کے 175 سال کی یاد میں

مارچ 2025 سے مارچ 2026 کے دوران،بھارتی ارضیاتی سروے کی 175 ویں سالگرہ منائی جائیگی، جس میں بین الاقوامی اور قومی سیمینار، آؤٹ ریچ پروگرام، اور ثقافتی تقریبات شامل ہوں گی۔

کان کنی کی وزارت مسلسل جدت طرازی، پالیسی میں اصلاحات اور صنعت کے شراکت داروں کے ساتھ باہمی تعاون کے ذریعے کان کنی کے ایک مضبوط اور پائیدار شعبے کو فروغ دینے کے لیے پرعزم ہے۔ یہ اقدامات ہندوستان کی معدنی سلامتی کو بڑھانے، اقتصادی ترقی کو فروغ دینے اور معدنیات کی تلاش اور کان کنی میں ملک کو ایک عالمی رہنما کا مقام دینے کے لیے تیار ہیں۔

************

ش ح ۔   م  د ۔  م  ص

 (U :   7625  )

(Release ID: 2106750) Visitor Counter : 13