انسٹی ٹیوٹ آف نیوکلیئر میڈیسن اینڈ الائیڈ سائنسز (آئی این ایم اے ایس)، ڈیفنس ریسرچ اینڈ ڈیولپمنٹ آرگنائزیشن (ڈی آر ڈی او) کی دہلی میں واقع لیبارٹری 27 فروری 2025 سے یکم مارچ 2025 کے دوران مانیک شا سینٹر، دہلی میں خلائی تابکاری، بھاری آئنز  اور انسانی خلائی مشنز - میکانزم اور بائیو میڈیکل کاؤنٹر میزرس کے حیاتیاتی اثرات پر بین الاقوامی ریڈیو بایولوجی  کانفرنس کی میزبانی کر رہی ہے ۔ حکومت ہند کے پرنسپل سائنسی مشیر پروفیسر اجے کمار سود، جو کہ مہمان خصوصی تھے، نے آج 27 فروری 2025 کو کانفرنس کا افتتاح کیا۔ ڈاکٹر سمیر وی کامت، سکریٹری، محکمہ دفاع آر اینڈ ڈی اور چیئرمین، ڈی آر ڈی او مہمانِ خصوصی تھے۔

پروفیسر اجے کمار سود نے اپنے افتتاحی خطاب میں اس تقریب کے انعقاد کے لیے آئی این ایم اے ایس کی تعریف کی اور کہا کہ خلائی تحقیق میں سب سے اہم چیلنجوں میں سے ایک خلائی تابکاری کا مسئلہ ہے، جو طویل دورانیے کی خلائی پروازوں کے دوران خلابازوں کی صحت اور بہبود کے لیے کافی خطرہ ہے۔ انہوں نے ان چیلنجوں سے نمٹنے میں آئی این ایم اے ایس کی طرف سے کی جانے والی کوششوں کی تعریف کی۔

سکریٹری ڈی ڈی آر اینڈ ڈی اور چیئرمین ڈی آر ڈی او نے اپنے خطاب میں کہا کہ خلائی تابکاری سے جڑے چیلنجوں کے لیے مختلف سائنسی شعبوں کی مہارت کو یکجا کرتے ہوئے ایک مربوط نقطہ نظر کی ضرورت ہے۔ انہوں نے کہا کہ یہ کانفرنس ریڈیو بایولوجسٹ، ماہرین طبیعات، انجینئرز اور طبی محققین کے درمیان علم کے تبادلے کے لیے ایک منفرد اور اہم فورم کے طور پر کام کرتی ہے۔ انہوں نے مزید کہا کہ اس طرح کے بین الضابطہ تعاون کے ذریعے ہی ہم خلا کے سخت حالات میں خلابازوں کی صحت اور بہبود کے تحفظ کے لیے ضروری اختراعی ٹیکنالوجیز اور حل تیار کر سکتے ہیں۔

ڈاکٹر سمیر وی کامت نے کہا کہ بنی نوع انسان کے فائدے کے لیے بیرونی خلا کی تلاش جدید دور میں ایک اہم ضرورت بن گئی ہے۔ بین الاقوامی خلائی اسٹیشن (آئی ایس ایس ) پر طویل مدتی انسانی موجودگی اور چاند پر مشن جیسی اہم پیش رفت ہوئی ہے، جو خلا میں زندگی کو برقرار رکھنے کی ہماری بڑھتی ہوئی صلاحیت کو ظاہر کرتی ہے۔ مؤثر حکمت عملی اور حفاظتی اقدامات تیار کرکے، ملک خلابازوں کی حفاظت اور بہبود کو یقینی بنانے کے قابل ہو جائے گا، جس سے مریخ اور اس سے آگے کامیاب طویل مدتی مشنوں کی راہ ہموار ہوگی۔

تین روزہ کانفرنس میں کی  تھیم ‘‘خلائی تابکاری کے حیاتیاتی اثرات" کے مطابق موضوعات پر غور کیا جائے گا، جیسے کہ بائیو مارکر آف ایکسپوژر/ حساسیت، دائمی اثرات/ سرطان پیدا کرنے والے، کمبائنڈ سٹریسرز (مائکروگراوٹی، قید، سرکیڈین میسالائنٹیشن، اور اسپیس ریڈی ایشن)۔ بھاری آئنز کے اثرات، ریاضیاتی ماڈلنگ اور تخروپن، طبی انسدادی اقدامات، سیلولر اور مالیکیولر میکانزم، پٹھوں اور ہڈیوں کا نقصان، انحطاطی بیماریاں/معرفت، ہیوی آئنز ریڈی ایشن کیمسٹری۔

*****

(ش ح۔   ام۔ع ر)

UR- 7616

(Release ID: 2106670) Visitor Counter : 50