حج کمیٹی آف انڈیا نے آج ممبئی کےحج ہاؤس میں حج 2025 کے لئے ٹرینرز پروگرام کی دو روزہ تربیت کا آغاز کیا ۔  حکومت ہند کی اقلیتی امور کی وزارت کے سکریٹری ڈاکٹر چندر شیکھر کمار نے اس پروگرام کا افتتاح کیا ، جس کا مقصد تربیت دہندگان کو ضروری مہارتوں سے آراستہ کرنا ہے تاکہ حج 2025 کے لیے ہندوستانی عقیدت مندوں کی رہنمائی کی جا سکے ۔

اس موقع پر ڈاکٹر چندر شیکھر کمار نے اقلیتی امور کی وزارت میں  جوائنٹ سکریٹری (حج) جناب سی پی ایس بخشی اور  حج کمیٹی آف انڈیا کے چیئرمین جناب اے پی عبداللہ کٹی کی موجودگی میں حج سویدھا ایپ 2.0 کے چیٹ بوٹ فیچر کا آغاز کیا۔  چیٹ بوٹ،عقیدت مندوں کے اکثر پوچھے جانے والے سوالات کو حل کرنے کی پیشکش کرتا ہے ۔

 

اپنے خطاب میں ڈاکٹر کمار نے عقیدت مندوں کے لیے منظم تربیت اور ڈیجیٹل مدد کی اہمیت پر زور دیا ۔  انہوں نے تربیت دہندگان پر زور دیا کہ وہ حج سویدھا ایپ ، چیٹ بوٹ اور دیگر تکنیکی آلات سے خود کو واقف کریں ۔  انہوں نے زمینی مدد فراہم کرنے میں ریاستی حج انسپکٹرز کے اہم کردار پر بھی روشنی ڈالی ۔

جوائنٹ سکریٹری (حج) جناب سی پی ایس بخشی  نے اس بات کو یقینی بنانے کے پروگرام کے مقصد پر زور دیا کہ ہر عقیدت مندبلارکاوٹ  حج تجربے کے لیے اچھی طرح سے تیار ہو ۔

حج کمیٹی آف انڈیا کے چیئرمین جناب اے پی عبداللہ کٹی نے تربیت کاروں  پر زور دیا کہ وہ عقیدت مندوں  کو جدید ترین سہولیات ، اختراعات اور تبدیلیوں سے آگاہ کریں تاکہ وہ آسانی سے حج انجام دے سکیں ۔

 

پہلے دن حج آپریشنز اوور ویو اور حج ایڈمنسٹریشن اینڈ ٹیکنالوجی پر دو اہم اجلاس منعقد کیے گئے جس میں روانگی سے واپسی تک حج کے سفر کے تمام آپریشنل ، لاجسٹک اور انتظامی پہلوؤں پر تفصیل سے تبادلہ خیال کیا گیا ۔

اس تقریب میں متعدد معززین ، ریسورس پرسنز ، اسٹیک ہولڈرز ، ریاستی حج کمیٹیوں کے عہدیدار ، متعلقہ ایجنسیوں کے نمائندے ، ایئر لائنز ، بینک ، کسٹم اور تقریبا 600 ٹرینرز نے شرکت کی ۔

25 فروری کو ، تربیت کا دوسرے دن ، سیشن حج کی رسومات اور زائرین کی فلاح و بہبود ، سفر ، لاجسٹکس ، فاریکس اور حفاظت پر مرکوز ہوگا  ۔

حج کمیٹی آف انڈیا نے حج 2025 کے دوران حج کے تجربے کو بہتر بنانے کے لیے کئی نئے اقدامات کیے ہیں ، جن میں جلد تیاری ، آن لائن درخواست اور حج سویدھا ایپ کے ذریعے ادائیگی ، نئی خصوصیات کے ساتھ حج سویدھا ایپ 2.0 کا آغاز ، پاسپورٹ اکٹھا کرنا ، بین الاقوامی معیار کے سامان کے ٹیگ ، روایتی کاغذی شناختی کارڈ کی جگہ  پی وی سی  شناختی کارڈ  اور سی بی ٹی اور حج ٹرینرز اور ریاستی حج انسپکٹرز کے انٹرویو پر مبنی انتخاب شامل ہیں ۔

 

********

 

ش ح۔ع ح ۔م ش

 (U: 7539)

(Release ID: 2106007)