زراعت اور کسانوں کی بہبود کے مرکزی وزیر جناب شیوراج سنگھ چوہان کل نئی دلّی میں پوسا کرشی وگیان میلہ 2025 کا دورہ کریں گے ۔ جناب چوہان افتتاحی تقریب کے مہمان خصوصی ہوں گے ۔ انڈین کونسل آف ایگریکلچرل ریسرچ-انڈین ایگریکلچرل ریسرچ انسٹی ٹیوٹ (آئی سی اے آر-آئی اے آر آئی) کا پوسا کرشی وگیان میلہ (پی کے وی ایم) 22 سے 24   فروری ،  2025 ء کے دوران منعقد ہونے والا ہے ۔ میلے کا موضوع  ہے ، ’’ اُنّت کرشی-وکست بھارت ‘‘ ۔ زراعت اور کسانوں کی بہبود کے وزیر مملکت جناب رام ناتھ ٹھاکر اور جناب بھاگیرتھ چودھری 24 فروری   ، 2025 ء کو اختتامی اجلاس کے مہمان خصوصی ہوں گے ۔ ڈی اے آر ای کے سکریٹری اور آئی سی اے آر کے ڈائریکٹر جنرل ڈاکٹر ہمانشو پاٹھک افتتاحی اور اختتامی اجلاسوں کی صدارت کریں گے ۔

اس سال پی کے وی ایم  میں  درج ذیل توجہ کا مرکز ہوں گے:

• آئی اے آر آئی کے ذریعہ تیار کردہ نئی اقسام اور ٹیکنالوجیز کا  لائیو  مظاہرہ
• آئی اے آر آئی کے ساتھ ساتھ آئی سی اے آر انسٹی ٹیوٹ ، زرعی یونیورسٹیوں ، کے وی کے ، ایف پی اوز ، کاروباری اداروں ، اسٹارٹ اپس ، سرکاری اور نجی کمپنیوں کی  ابھرتی  ٹیکنالوجیز ، مصنوعات اور خدمات پر نمائشیں
• ماحولیاتی لچکدار زراعت ، فصلوں کی تنوع ، ڈیجیٹل زراعت ؛ نوجوانوں اور خواتین کی صنعت کاری کی ترقی ؛ زرعی مارکیٹنگ ، کسانوں کی تنظیمیں اور اسٹارٹ اپ ؛ اور کسانوں کی اختراع جیسے اہم مسائل پر تکنیکی اجلاس اور کسان اختراع کاروں  کے درمیان بات چیت
• اہم اقسام کے پوسا  بیجوں کی فروخت
• زراعت سے متعلق بر موقع  زرعی مشورے

 

آب و ہوا کے  خطرات اور غذائیت کی بڑھتی ہوئی اہمیت کو مدنظر رکھتے ہوئے، آئی اے آر آئی کے تحقیقاتی پروگرام نے  موسمیاتی طور پر مضبوط فصلوں اور غذائی اجزاء سے بھرپور اقسام کی تیاری پر زور دیا ہے، جو زیادہ پیداوار کے ساتھ بہتر غذائیت کی خصوصیات رکھتی ہیں۔ سال 2024 ء کے دوران، 10 مختلف فصلوں میں مجموعی طور پر 27 نئی اقسام متعارف کرائی گئی ہیں، جن میں 16 اقسام اور 11 ہائبرڈز  اقسام شامل ہیں۔ ان فصلوں میں 7 اقسام گندم، 3 اقسام چاول، 8 مکئی ہائبرڈز، 1 موتی باجرا ہائبرڈ، 2 چنے کی اقسام، 1 ارہر ہائبرڈ، 3 مونگ کی اقسام، 1 مسور کی قسم، 2 ڈبل زیرو سرسوں کی اقسام اور 1 سویابین کی قسم شامل ہیں۔  آئی اے آر آئی نے باسمتی چاول کی پیداوار اور تجارت میں نمایاں شراکت کی ہے اور اعلیٰ معیار کی اقسام تیار کرکے بھارت کی برآمدات میں اہم کردار ادا کیا ہے۔  باسمتی چاول کی جدید اقسام جیسے پوسا باسمتی 1718، پوسا باسمتی 1692، پوسا باسمتی 1509 اور وہ اقسام ، جو بیکٹیریل بلائٹ اور بلاسٹ بیماریوں  یعنی پی بی 1847، پی بی 1885 اور پی بی 1886، جو  سال 24-2023 ء کے دوران بھارت کی 48389 کروڑ روپے مالیت کی 5.2 ملین ٹن پیداوار کا تقریباً 90 فی صد ہے  ۔ اپریل سے نومبر ، 2024 ء کے دوران باسمتی چاول کی برآمدات سے حاصل آمدنی 31488 کروڑ روپے رہی ۔   غیر باسمتی چاول کی دو قلیل مدتی اقسام ، پوسا 1824 اور پوسا 2090 بھی جاری کی گئی ، جو قلیل مدتی کاشت کاری کے لیے خاطر خواہ وقت فراہم کرتی ہیں ۔ پوسا آر ایچ 60 زیادہ پیداوار دینے والی قلیل مدتی خوشبو دار ہائبرڈ چاول کی ایک قسم ہے ، جس کے دانے بڑے ہوتے ہیں اور یہ بہار اور اتر پردیش کے لیے زیادہ موزوں ہے ۔ پوسا نریندر کے این 1 اور پوسا سی آر ڈی کے این 2 ، بہتر بنائی گئی کالا نمک کی اقسام کی ہے ، جو بہتر مزاحمت اور زیادہ پیداوار دیتی ہیں اور اتر پردیش کے لیے تجویز کی گئی ہیں ۔  

ادارے کے تحقیقاتی پروگرام نے غذائی تحفظ پر بھی توجہ مرکوز کی اور آٹھ بایو فورٹیفائیڈ اقسام تیار کیں۔ ایک بریڈ گندم کی قسم ایچ آئی  1665 اور ایک ڈورم گندم کی قسم ایچ آئی  8840 تیار کی گئی، جس میں  آئرن اور زنک کی  زیادہ مقدار  پائی جاتی ہے اور  یہ سنٹرل زون کے لیے موزوں ہیں۔ ایک کثیر غذائی اجزاء پر مشتمل ہائبرڈ پوسا بایو فورٹیفائیڈ مکئی ہائبرڈ 5 تیار کیا گیا ہے، جو α-ٹوکوفیرول (21.60 پی پی ایم)، پرو وٹامن اے (6.22 پی پی ایم)، زیادہ لائسین (4.93 فی صد  ) اور ٹرپٹوفان(  1.01 فی صد )  سے بھرپور ہے۔   پوسا بایو فورٹیفائیڈ مکئی ہائبرڈ-4 بھی تیار کیا گیا ہے، جو زیادہ پرو وٹامن اے، لائسین اور ٹرپٹوفان پر مشتمل ہے۔ پوسا پاپ کارن ہائبرڈ-1 اور ہائبرڈ-2 زیادہ پاپنگ فیصد اور بٹر فلائی ٹائپ پاپڈ فلیکس فراہم کرتے ہیں، جو این ڈبلیو پی زیڈ( این ڈبلیو پی زیڈ )  اور پی زیڈ زونز کے لیے بہترین ہیں۔ پوسا ایچ ایم 4 میل اسٹیرائل بے بی کارن-2 ایک میل اسٹیرائل ہائبرڈ ہے، جو این ای پی زیڈ  ، پی زیڈ اور سی ڈبلیو زیڈ زونز کے لیے تیار کیا گیا ہے۔

دو ڈبل زیرو سرسوں کی اقسام  (پوسا مسٹرڈ 35 اور پوسا مسٹرڈ 36 ) متعارف کرائی گئی ہیں، جو کم ایروسک ایسڈ اور گلوکوسینولیٹس کے ساتھ زونIII  (مدھیہ پردیش، اتر پردیش، اتراکھنڈ اور راجستھان)  میں بروقت بوائی  کے ساتھ زیادہ پیداوار دیتی ہیں اور آبپاشی والی زمینوں کے لیے موزوں ہیں۔ موتی باجرا پوسا 1801 ( ایم ایچ 2417 )  ایک دو رخی (اجناس اور چارے کے لیے)استعمال والی قسم ہے ، جو زیادہ آئرن ( 70  پی پی ایم) اور  (زنک 57  پی پی ایم)  سے بایو فورٹیفائیڈ ہے۔ یہ کئی بیماریوں کے خلاف مزاحمت رکھتی ہے اور دلّی کے این سی ٹی کے لیے سب سے موزوں ہے۔ 

چنے کی قسم پوسا چنا وجے 10217 ایک زیادہ پیداوار دینے والی قسم ہے، جو فوزیریم ولٹ کے خلاف مزاحمت رکھتی ہے اور اتر پردیش میں آبپاشی کے تحت کاشت کے لیے تجویز کی گئی ہے۔ پوسا 3057 چنے کی ایک اور قسم ہے، جس میں 24.3فی صد  بیج پروٹین کی مقدار موجود ہے اور یہ فوزیریم ولٹ، کالر روٹ اور ڈرائی روٹ روٹ جیسی کئی بیماریوں کے خلاف مزاحمت رکھتی ہے۔ یہ پھلی بورر کے خلاف بھی معتدل مزاحمت رکھتی ہے اور بڑے بیجوں کے ساتھ بہترین رنگ اور شکل کی حامل ہے۔ پوسا ارہر ہائبرڈ-5 ایک زیادہ پیداوار دینے والی ارہر کی قسم ہے، جو اوسط 23.35 کوئنٹل فی ہیکٹر اور زیادہ سے زیادہ 25.46 کوئنٹل فی ہیکٹر پیداوار دینے کی صلاحیت رکھتی ہے۔ یہ ایس ایم ڈی، فائٹوفتھورا اسٹیم بلائٹ، میکروفومینا بلائٹ اور الٹرنیریا لیف اسپاٹ جیسی بیماریوں کے خلاف مزاحمت رکھتی ہے، جو اسے دلّی اور این سی ٹی کے لیے موزوں بناتی ہے۔

فصلوں کی تنوع کاری کے معاشی اور ماحولیاتی فوائد کے حصول کے لیے، ادارے نے انٹیگریٹڈ فارمنگ سسٹم ماڈلز ( آئی ایف ایس )  کو معیاری بنایا ہے۔ آئی سی اے آر – آئی اے آر آئی  کے ذریعے چھوٹے کسانوں کے لیے 1.0 ہیکٹر پر مشتمل مربوط کاشتکاری نظام کا ماڈل تیار کیا گیا ہے، جو فصلوں، ڈیری، ماہی پروری، بطخ پالنے، بایو گیس پلانٹ، پھلوں کے درختوں اور  جنگلاتی زراعت  پر مشتمل ہے۔ اس ماڈل کے ذریعے 379000 روپے فی ہیکٹر سالانہ خالص آمدنی اور 628 یومیہ مزدوریوں کی روزگار فراہم کرنے  کی گنجائش  موجود ہے۔ اسی طرح، 0.4 ہیکٹر کے رقبے پر مشتمل ایک اور انٹیگریٹڈ فارمنگ سسٹم ماڈل، جو پولی ہاؤس کلچر، مشروم کاشتکاری، فصلوں اور باغبانی کو یکجا کرتا ہے، 175650 روپے فی ایکڑ سالانہ خالص آمدنی پیدا کرنے کی صلاحیت رکھتا ہے۔

بھارت  میں باغبانی پر مبنی فصلوں کی تنوع کاری کسانوں میں کافی مقبول رہی ہے۔ سبزیوں، پھلوں اور پھولوں کی کاشت نہ صرف منافع بخش ثابت ہوئی ہے بلکہ غذائی تحفظ کے فروغ میں بھی مددگار رہی ہے۔ سبزیوں کی کاشت کے فروغ کے لیے، آئی اے آر آئی  نے 48 سبزیوں کی فصلوں میں 268 ترقی یافتہ اقسام تیار کی ہیں، جن میں 41 ہائبرڈ اور 227 اقسام شامل ہیں۔ ادارے نے گاجر (پوسا پرتیک، پوسا رودھرا، پوسا اسیٹا)، بھنڈی (پوسا لال بھنڈی-1)، انڈین بین (پوسا لال سیم)، بروکلی (پوسا پرپل بروکلی-1) اور وٹامن سی سے بھرپور پالک (پوسا ولایتی پالک) جیسی غذائیت سے بھرپور اقسام متعارف کروائی ہیں تاکہ غذائیت کی کمی کو کم کیا جا سکے۔   ییلو وین موزیک وائرس ( وائی وی ایم وی )   کے خلاف مزاحمت رکھنے والی اور  اینیشن لیف کَرل وائرس ( ای ایل سی وی  ) کے خلاف قوت  مدافعت  والی بھنڈی کی اقسام پوسا بھنڈی-5 اور ڈی او ایچ – 1 متعارف کرائی گئی ہیں تاکہ زرعی زہریلے اسپرے کے استعمال کو کم کیا جا سکے اور کاشتکاری کے اخراجات کو کم کیا جا سکے۔ بینگن کی چھ اقسام اور ایک ہائبرڈ، پیاز کی تین اقسام، کھیرے کی دو اقسام اور ایک ہائبرڈ، انڈین بین کی تین اقسام، کریلے کے تین ہائبرڈز، خربوزے کی دو اقسام اور ایک ہائبرڈ کاشت کے لیے متعارف کیے گئے ہیں۔ نرم بیج والے امرود کی دو نئی اقسام پوسا آروشی (سرخ گودہ) اور پوسا پرتکشا (سفید گودہ) کے ساتھ ساتھ ایک   چھوٹے  پپیتے  کی قسم پوسا پیت تیار کی گئی ہے۔ گیندا پھول کی پوسا بہار اور گلیڈیولس پوسا سندوری وسطی موسم کی ایک نئی قسم کے طور پر مغربی بنگال، پنجاب، نئی  دلّی اور راجستھان کے لیے متعارف کرائی گئی ہے۔  بیجوں کی معیاری پیداوار میں 19-2018 ء   میں 239.861 ٹن سے بڑھ کر 24-2023 ء  میں 975.478 ٹن تک چار گنا اضافہ ہوا ہے۔ بایو کیمسٹری ڈویژن کی جانب سے تیار کردہ غذائیت سے بھرپور مصنوعات میں ڈوائن ڈو شامل ہے، جو موتی باجرے کے آٹے پر مشتمل ہے اور معیاری پروٹین، ریزسٹنٹ اسٹارچ، فائبر اور آئرن و زنک جیسے غذائی اجزاء سے بھرپور ہے۔ پرلی لوف  ایک گلوٹن فری بریڈ پری مکس ہے، جو مکمل طور پر موتی باجرے سے تیار کی گئی ہے اور گندم کے متبادل کے طور پر ایک غذائیت سے بھرپور  متبادل  فراہم کرتی ہے۔ اس کا گلیسیمک انڈیکس کم ( پی جی آئی 68-69 فی صد )  ہے، جو بلڈ شوگر کو کنٹرول کرنے میں مددگار ثابت ہوتا ہے۔

ادارے نے ایک تیز رفتار رنگ پر مبنی جانچ کٹ ’’ اسپیڈی سیڈ وائیبلٹی کٹ‘‘  تیار کی  گئی ہے، جو صرف 1-4 گھنٹوں میں بیج کے قابلِ  نمو  ہونے یا نہ ہونے کی شناخت کر سکتی ہے۔ پوسا ایس ٹی ایف آر  میٹر ایک کم لاگت  والا   ڈیجیٹل آلہ  ہے، جو  مٹی کے 14 اہم   معیارات  کا تجزیہ کرتا ہے، جن میں مٹی کا پی ایچ ، ای سی ، نامیاتی کاربن، دستیاب نائٹروجن، فاسفورس، پوٹاشیم، سلفر، بورون، زنک، لوہا، تانبا، مینگنیز، چونے اور جپسم کی ضروریات شامل ہیں۔  پوسا ڈی کمپوزر ایک ماحول دوست اور کم لاگت والا مائیکرو بائیل حل ہے، جو کھیت میں یا کھیت سے باہر فصلوں کی باقیات کے  بندوبست  میں مدد فراہم کرتا ہے۔ اسے پاؤڈر فارم میں بھی تیار کیا گیا ہے، جو پانی میں مکمل طور پر حل ہو جاتا ہے اور میکانیکی اسپریئرز کے ذریعے آسانی سے استعمال کیا جا سکتا ہے۔ چاول کے بھوسے کی گلنے سڑنے کے لیے 500 گرام فی ایکڑ کی مقدار تجویز کی گئی ہے۔  فارم سن فریج ایک بیٹری کے بغیر شمسی توانائی سے چلنے والا کولڈ اسٹوریج ہے، جس کا مقصد کھیت میں ہی شمسی کولڈ اسٹور مہیا کرنا ہے تاکہ جلد خراب ہونے والی اجناس کو ذخیرہ کیا جا سکے۔  ’’ پوسا می فلائی کٹ ‘‘  اور  ’’ پوسا کیو فلائی کٹ ‘‘  تیار کی گئی ہیں تاکہ مختلف پھلوں اور سبزیوں میں مکھی کے حملے کو کنٹرول کیا جا سکے۔  چلی لیف کرل وائرس اور منگ بین یلو موزیک وائرس کی تیز شناخت کے لیے ’’ پوائنٹ آف کیئر ڈائیگنوسٹک کٹ ‘‘   اور ’’ ایزی پی سی آر ڈیٹیکشن کٹ‘‘  تیار کی گئی ہیں۔ پوسا دھان بکا نائی پریکشن کٹ دھان کے بیجوں اور مٹی میں بکا نائی بیماری پیدا کرنے والے جراثیموں کی شناخت کے لیے تیار کی گئی ہے۔

...............

) ش ح –  ض ر       -  ع ا )

U.No. 7433

(Release ID: 2105348) Visitor Counter : 18