پوسٹ کرنے کی تاریخ:
14 NOV 2024 7:00PM by PIB Delhi
بالواسطہ ٹیکس اور کسٹم کے مرکزی بورڈ (سی بی آئی سی) کے چیئرمین، جناب سنجے کمار اگروال نے سی بی آئی سی بورڈ کے اراکین کے ساتھ آج نئی دہلی میں انڈیا انٹرنیشنل ٹریڈ فیئر (آئی آئی ٹی ایف) 2024 میں جی ایس ٹی اور کسٹم پویلین کا افتتاح کیا۔ جی ایس ٹی اور کسٹم پویلین کا تھیم "تجارت کی سہولت فراہم کرنا، معیشت کو فروغ دینا" ہے، جو تجارت کی حمایت اور معیشت کو فروغ دینے کے لیے تنظیم کے عزم کی عکاسی کرتا ہے۔
اس پویلین کا مقصد ٹیکس دہندگان کو جی ایس ٹی اور کسٹم کے عمل کے بارے میں جاننے، شکایات کو دور کرنے اور کسٹم اور جی ایس ٹی محکمہ میں کیریئر کے مواقع کے بارے میں بصیرت حاصل کرنے کے لیے ایک پلیٹ فارم فراہم کرنا ہے۔ پویلین میں جی ایس ٹی ، کسٹم، جی ایس ٹی نیٹ ورک، اور آئی سی ای جی اے ٹی ای کے ماہرین کی آن سائٹ دستیابی کے ساتھ چھ ہیلپ ڈیسک کی خصوصیات ہیں، تاکہ یہ یقینی بنایا جا سکے کہ زائرین کو ان مسائل پر جامع رہنمائی حاصل ہو۔
پویلین کی کچھ اہم خصوصیات میں حسب ذیل نکات شامل ہیں:
- تعلیمی ویڈیو: ٹیکس دہندگان کی آگاہی کو بڑھانے کے لیے جی ایس ٹی اور کسٹم کے عمل سے متعلق چھ ویڈیو جاری کی گئی ہیں۔ سب سے اہم بات یہ ہے کہ ٹیوٹوریل ویڈیو ہندی اور انگریزی کے علاوہ 10 علاقائی زبانوں میں جاری کیے گئے ہیں۔
- ہیلپ ڈیسک: ٹیکس دہندگان کے سوالات کو حل کرنے اور قواعد و ضوابط کے بارے میں رہنمائی فراہم کرنے کے لیے چھ ہیلپ ڈیسک دستیاب ہیں۔ ٹیکس دہندگان اپنے سوالات اور شکوک و شبہات کو موقع پر ہی حل کرنے کے لیے پویلین کا دورہ کر سکتے ہیں۔
- کیریئر گائیڈنس: کسٹم اور جی ایس ٹی محکمہ میں نوجوانوں کو کیریئر کے مواقع کے بارے میں رہنمائی کرنے کے لیے ایک خصوصی کاؤنٹر قائم کیا گیا ہے۔
- ڈیجیٹل نمائش: پویلین انٹرایکٹو ڈیجیٹل نمائش کے ذریعہ جی ایس ٹی اور کسٹم محکمہ کی کامیابیوں اور اقدامات کو ظاہر کرتا ہے۔
- زائرین کو مشغول کرنے اور تفریح کرنے کے لیے، پویلین نکڑ ناٹک، میجک شو، کٹھ پتلی شو، کوئز، کیریکیچر آرٹسٹ اور جی ایس ٹی اور کسٹم کے بارے میں معلوماتی بروشر اور بچوں کو راغب کرنے کے لیے دیگر سرگرمیوں کے ذریعہ بھی بیداری پھیلائے گا۔
سب سے پہلے، سی بی آئی سی نے انڈیا انٹرنیشنل ٹریڈ فیئر 2024 میں جی ایس ٹی اور کسٹم کی نمائندگی کرنے کے لیے سرخ پانڈا کو آفیشل میسکوٹ کے طور پر متعارف کرایا۔ سرخ پانڈا ڈیوٹی، درستگی اور اعتماد کی اقدار کو مجسم بناتا ہے – سرخ پانڈا کی دوہری فطرت، نرم لیکن مضبوط، سی بی آئی سی کے مشن کی عکاسی کرتی ہے تاکہ طاقت کے ساتھ نزاکت کو برقرار رکھا جائے، اور آزادانہ تجارت کو یقینی بنایا جائے۔
۔۔۔۔۔۔۔۔۔۔۔۔۔۔۔۔۔۔۔۔۔
(ش ح ۔ رض۔ خ م (
7162