محکمہ ٹیلی کمیونی کیشن (ڈی او ٹی) نے کوالیشن فار ڈیزاسٹر ریزیلینٹ انفراسٹرکچر (سی ڈی آر آئی) کے تعاون سے ڈیزاسٹر رسک اینڈ ریزیلینس اسسمنٹ فریم ورک (ڈی آر آر اے ایف) پر ایک جامع رپورٹ جاری کی ہے، جو آفات کے خلاف بھارت کے ٹیلی کام سیکٹر کو مضبوط بنانے کی سمت میں ایک اہم قدم ہے۔ یہ رپورٹ سی ڈی آر آئی کے ذریعے ٹیلی کمیونی کیشن سیکٹر کے لیے قومی اور ذیلی قومی ڈیزاسٹر رسک اینڈ ریزیلینس اسسمنٹ پر ایک جامع مطالعہ کا حصہ ہے۔ یہ مطالعہ پانچ ریاستوں آسام، اوڈیشہ، تمل ناڈو، اتراکھنڈ اور گجرات میں کیا گیا تھا جس میں قدرتی آفات کے خطرات اور ٹیلی کام سیکٹر کے لیے مخصوص لچک کی حکمت عملی پر توجہ مرکوز کی گئی تھی۔ ڈی او ٹی نے مطالعہ کے لیے ضروری اعداد و شمار کا انتظام کرنے کے لیے ریاستی حکومتوں، ٹیلی کام خدمات فراہم کنندگان اور بنیادی ڈھانچے کے فراہم کنندگان کے ساتھ ضروری تال میل کی سہولت فراہم کی۔

افتتاحی سیشن میں اپنے پیغام میں سکریٹری (ٹیلی کام) اور ڈیجیٹل کمیونی کیشن کمیشن (ڈی سی سی) کے چیئرمین ڈاکٹر نیرج متل نے اس بات پر زور دیا کہ ٹیلی کام لچک پیدا کرنا ایک قومی ترجیح ہے۔ انھوں نے آفات سے پہلے، دوران اور بعد میں اقوام متحدہ کے ’2027 تک سب کے لیے ابتدائی وارننگ‘ پہل کے ساتھ ہم آہنگی کے ساتھ بلا تعطل رابطے کو یقینی بنانے کے لیے ٹیلی کام کے عزم کا اعادہ کیا۔ انھوں نے سرکاری ایجنسیوں، ٹیلی کام آپریٹرز اور ڈیزاسٹر مینجمنٹ باڈیز سے مربوط کارروائی کرنے کی اپیل کی تاکہ یہ یقینی بنایا جاسکے کہ قدرتی آفات کا سامنا کرنے کے لیے بھارت کا ٹیلی کام انفراسٹرکچر مضبوط رہے۔

آفات کے ساتھ اپنے تجربے کو یاد کرتے ہوئے محکمہ مواصلات کے ممبر (ایف) جناب منیش سنہا نے آفات کے بعد ٹیلی کام نیٹ ورک کی اہمیت پر زور دیا۔ انھوں نے مزید کہا کہ ٹیکنالوجی میں مزید بہتری آئی ہے۔ انھوں نے بتایا کہ مطالعے کے نتائج میں خدمات میں خلل کو کم سے کم کرنے، بنیادی ڈھانچے کو مضبوط بنانے اور ہنگامی ردعمل کے میکانزم کو بہتر بنانے کے لیے ایک روڈ میپ پیش کیا گیا ہے۔

بین وزارتی کوآرڈینیشن کی اہمیت پر زور دیتے ہوئے ٹیلی کمیونی کیشن کے ڈی ڈی جی (ڈی ایم) جناب سنجے اگروال نے این ڈی ایم اے اور ایس ڈی ایم اے جیسی سرکاری ایجنسیوں کے ساتھ تمام ایل ایس اے، ٹی ایس پیز، انفراسٹرکچر پرووائیڈرز اور انڈسٹری ایسوسی ایشنز (ڈی آئی پی اے، سی او اے آئی، آئی بی ایف) کی گراں قدر حمایت کو اجاگر کیا۔ انھوں نے مزید کہا کہ ان کی قیمتی بصیرت اور زمینی تجربات نے اس مطالعہ کو نمایاں طور پر مالا مال کیا ہے، اس بات کو یقینی بناتے ہوئے کہ سفارشات نہ صرف تکنیکی طور پر مضبوط ہیں بلکہ عملی طور پر قابل عمل بھی ہیں۔

سی ڈی آر آئی کے ڈائرکٹر جنرل امت پرتھی نے بھارت کی جی ڈی پی میں ٹیلی کام سیکٹر کے اہم کردار پر زور دیتے ہوئے کہا کہ لچک دار ٹیلی کام نیٹ ورک اقتصادی ترقی، آفات سے نمٹنے اور بلا تعطل رابطے کے لیے اہم ہیں۔ انھوں نے مزید کہا کہ سی ڈی آر آئی کا مطالعہ لچک دار مواصلاتی خدمات کے لیے ایک اسکیل ایبل ماڈل، قابل عمل بصیرت اور عالمی بہترین طریقوں کی پیش کش کرتا ہے۔

ڈی او ٹی آفات کے لیے تیاری اور ٹیلی کام لچک کو بڑھانے کے لیے متعدد اسٹریٹجک اقدامات پر سرگرمی سے عمل درآمد کر رہا ہے، جن میں شامل ہیں:

• قدرتی آفات سے نمٹنے کے لیے ایل ایس اے، ریاستی حکومتوں اور ٹیلی کام آپریٹرز کے ساتھ ریئل ٹائم کوآرڈینیشن
• ہنگامی الرٹس کے لیے دیسی سیل براڈکاسٹ سسٹم کا ملک گیر نفاذ
• وزارت داخلہ کے تعاون سے پبلک پروٹیکشن اینڈ ڈیزاسٹر ریلیف (پی پی ڈی آر) نیٹ ورکس کی تعیناتی
• خدمات کی فوری بحالی کو یقینی بنانے کے لیے ٹیلی کام آپریٹرز کے لیےریگولیٹری سپورٹ کو بہتر بنانا
• قدرتی آفات سے متاثرہ علاقوں میں رابطے کو برقرار رکھنے کے لیے سیٹلائٹ پر مبنی مواصلات اور ہائی الٹی ٹیوڈ پلیٹ فارم سسٹم (ایچ اے پی ایس) کو فروغ دینا

مطالعہ سے اہم بصیرتیں اور سفارشات:

اس تحقیق میں 0.77 ملین ٹیلی کام ٹاورز پر کثیر خطرات کا جائزہ لیا گیا، جس میں سیلاب، سمندری طوفان، زلزلے اور دیگر آفات کے خطرات کی نقشہ بندی کی گئی۔ آفات کی شدت، فریکوئنسی اور اثرات کی بنیاد پر ٹیلی کام انفراسٹرکچر کی کم زوری کا اندازہ لگانے کے لیے ڈیزاسٹر رسک اینڈ لچک دار انڈیکس تیار کیا گیا ہے۔

رپورٹ میں اہم سفارشات کا ایک مجموعہ پیش کیا گیا ہے جس کا مقصد آفات کا مقابلہ کرنے کے لیے اس شعبے کی لچک اور تیاری کو مضبوط بنانا ہے۔ ان سفارشات میں تکنیکی بہتری، گورننس اصلاحات، مالی سرمایہ کاری اور اسٹیک ہولڈروں کے تعاون کو یکجا کرتے ہوئے کثیر جہتی نقطہ نظر پر زور دیا گیا ہے۔

اہم اسٹریٹجک سفارشات میں شامل ہیں:

• ٹیلی مواصلات کے بنیادی ڈھانچے کو قدرتی آفات کے اثرات کا مقابلہ کرنے کے لیے تکنیکی منصوبہ بندی اور ڈیزائن میں اضافہ کرنا
• ڈیٹا سے چلنے والے خطرے کے انتظام کو قابل بنانے کے لیے ایک مضبوط کثیر خطرے والی معلومات کا ذخیرہ تیار کرنا
• علاقائی پالیسیوں میں آفات کی لچک کو ضم کرنے کے لیے خطرے سے آگاہ حکم رانی کا نفاذ
• ٹیلی کام آپریٹرز کو مالی کم زوریوں سے بچانے کے لیے رسک شیئرنگ آلات تیار کرنا
• اسٹیک ہولڈروں کے تعاون اور مربوط ردعمل کے میکانزم کو آگے بڑھانے کے لیے ایک کراس سیکٹرل فریم ورک کا قیام
• اہم ٹیلی کام انفراسٹرکچر کی لچک کی حمایت کے لیے مالی انتظامات کو مضبوط بنانا
• ہنگامی حالات کے دوران شمولیت کو یقینی بنانے کے لیے آخری میل رابطے اور معلومات تک رسائی کو فروغ دینا
• بحران کے حالات میں خدمات کی بحالی کو بڑھانے کے لیے ڈیجیٹل اور مشترکہ کوششوں سے فائدہ اٹھانا
• ہنگامی تیاریوں کو بہتر بنانے کے لیے ادارہ جاتی صلاحیت اور آخری میل کی مہارت کو بڑھانا
• سروس کے معیار اور قابل اعتماد کو بڑھانے کے لیے درست نگرانی کے میکانزم کو نافذ کرنا

ان سفارشات کا مقصد ٹیلی کام سیکٹر کی آفات کا مقابلہ کرنے کی صلاحیت کو مضبوط بنانا، ہم وار رابطے کو یقینی بنانا اور خدمات کی تیزی سے بحالی کو یقینی بنانا ہے۔ محکمہ مواصلات کی قیادت اور کثیر اسٹیک ہولڈروں کی شمولیت کے ساتھ، اس روڈ میپ کو اپنانے سے بھارت کے ٹیلی کام سیکٹر کو مؤثر انداز میں پیش گوئی کرنے، جواب دینے اور آفات سے نکلنے کے لیے بااختیار بنایا جائے گا، اور بحران کے وقت بھی بلا تعطل مواصلات کو یقینی بنایا جائے گا۔

اس خطرے اور لچک دار مطالعہ اور فریم ورک کے ساتھ، سی ڈی آر آئی کا مقصد پالیسی اور منصوبہ بندی کی سطح پر ٹیلی کام کے بنیادی ڈھانچے میں لچک دار اصولوں کو مرکزی دھارے میں لانا ہے، اور بھارت اور عالمی سطح پر بین شعبہ جاتی تعاون اور کوآرڈینیشن کو فروغ دینا ہے۔

سی ڈی آر آئی کے بارے میں

کولیشن فار ڈیزاسٹر ریزیلینٹ انفراسٹرکچر (سی ڈی آر آئی)، جو وزیر اعظم ہند کے ذریعے شروع کی گئی ایک بین الاقوامی تنظیم ہے، 49 ممبروں کی ایک عالمی شراکت داری ہے جو آب و ہوا اور آفات سے نمٹنے والے بنیادی ڈھانچے کے حل کے لیے وقف ہے۔ یہ قومی حکومتوں، اقوام متحدہ کے اداروں اور پروگراموں، کثیر الجہتی ترقیاتی بینکوں اور فنانسنگ میکانزم، نجی شعبے اور تعلیمی اداروں کی شراکت داری ہے۔ سی ڈی آر آئی آب و ہوا اور آفات سے نمٹنے والے بنیادی ڈھانچے (ڈی آر آئی) کی وجہ کو آگے بڑھاتا ہے۔

مزید جانکاری کے لیے ڈی او ٹی  ہینڈلز کو فالو کریں:  -

***

(ش ح – ع ا)

U. No. 6519