دہلی کسٹمز (روک تھام) کمشنریٹ نے اعلیٰ معیار کے کاغذ کی 203 شیٹیں  ضبط کی ہیں جن میں ایمبیڈڈ سیکورٹی تھریڈ ہے جس پر 'آر بی آئی' اور 'بھارت' لکھا ہوا ہے۔ یہ کھیپ ہانگ کانگ سے 24.01.2025 کو نیو کورئیر ٹرمینل (این سی ٹی )، دہلی پہنچی تھی۔ اقتصادی سلامتی کے اثرات کو مدنظر رکھتے ہوئے، کیس کو مزید تفتیش کے لیے 03.02.2025 کو ڈائریکٹوریٹ آف ریونیو انٹیلی جنس (ڈی آر آئی ) نے اپنے قبضے میں لے لیا ۔

ایک تیز رفتار کارروائی کرتے ہوئے ، ڈی آر آئی نے ضلع غازی پور ، اتر پردیش اور بنگلورو، کرناٹک میں ایسے دو افراد کو گرفتار کیا جو اس طرح کے کرنسی پیپر کے اصل درآمد کنندگان تھے۔ اس طرح کے کاغذ کے مطلوبہ وصول کنندہ/خریدار کو بھی ڈی آر آئی نے 09.02.2025 کو راجستھان میں پکڑا تھا، جس نے اس بات کا اعتراف کیا تھا کہ اس نے پہلے جعلی ہندوستانی کرنسی نوٹ چھاپنے کے مقصد سے درآمد کنندہ سے کرنسی کا کاغذ خریدا تھا۔ ضلع بھیوانی، ہریانہ میں اس کے رہائشی احاطے کی تلاشی کے نتیجے میں ایک پرنٹر اور جزوی طور پر چھپی ہوئی جعلی ہندوستانی کرنسی نوٹوں سمیت متعدد مجرمانہ ثبوت برآمد ہوئے۔ اس کے مطابق، معاملہ بھارتیہ نیا سنہتا (بی این ایس) کے تحت جرائم کی مزید کارروائی اور تفتیش کے لیے ہریانہ پولیس کے حوالے کر دیا گیا۔

اسی آپریشن کے ایک حصے کے طور پر، ڈی آر آئی نے مہاراشٹر کے تھانے ضلع میں دو اور افراد کو مختلف مجرمانہ ثبوتوں کے ساتھ پکڑا، جیسے کہ 500 روپے کے کرنسی نوٹوں کے مختلف ٹائپ سیٹ کے ساتھ فوٹو شاپ فائلیں، حفاظتی دھاگے کے ساتھ کرنسی پیپر وغیرہ۔ معاملے کو بی این ایس کے تحت مزید کارروائی کے لیے مہاراشٹر پولیس کے حوالے کر دیا گیا۔

تھانے میں دونوں افراد اور ہریانہ میں ایک شخص، جو ایف آئی سی این پرنٹ کرنے میں مصروف پائے گئے تھے، کو بالترتیب مہاراشٹرا اور ہریانہ پولیس نے گرفتار کیا ہے۔ ڈی آر آئی افسران کی شکایت کی بنیاد پر بی این ایس کے تحت دونوں معاملات میں ایف آئی آر بھی درج کی گئی ہیں۔

**********

(ش ح –ا ب ن)

U.No:6465

(Release ID: 2102073) Visitor Counter : 25